PC: Pixabay

IRCTC ತನ್ನ ಹೊಸ ಹೊಸ ಪ್ರವಾಸ ಪ್ಯಾಕೇಜ್‌ಗಳಿಂದ ಜನರಿಗೆ ಕಡಿಮೆ ಬೆಲೆಯಲ್ಲಿ ದೂರ ದೂರದ ಪ್ರವಾಸ ಮಾಡಲು ಅನುಕೂಲ ಮಾಡಿಕೊಡುತ್ತಿದೆ. ಕಾಲಕ್ಕೆ ತಕ್ಕಂತೆ ಧಾರ್ಮಿಕ ಸ್ಥಳಗಳು ಮತ್ತು ಉತ್ಸವಗಳನ್ನು ಪರಿಗಣನೆಗೆ ತೆಗೆದುಕೊಳ್ಳುವ ಮೂಲಕ IRCTC ಪ್ರವಾಸ ಪ್ಯಾಕೇಜ್‌ಗಳನ್ನು ಆಗಾಗ್ಗೆ ಪರಿಚಯಿಸುತ್ತಲೇ ಇದೆ.

IRCTC ಕಡೆಯಿಂದ ಮತ್ತೊಂದು ಸಂತೋಷದಾಯಕವಾದ ಸಂಗತಿ ಏನೆಂದರೆ, ಬಹು ನಿರೀಕ್ಷಿತ ಮತ್ತು ಚೊಚ್ಚಲ ‘ಸ್ವದೇಶ್‌ ದರ್ಶನ’ ಪ್ರವಾಸಿ ರೈಲನ್ನು ಫ್ಲ್ಯಾಗ್ ಮಾಡಿದೆ. ಇದರ ಮೂಲಕ ಧಾರ್ಮಿಕ ಪ್ರವಾಸೋದ್ಯಮವನ್ನು ಉತ್ತೇಜಿಸುವ ಗುರಿಯನ್ನು ಹೊಂದಿದೆ.

ಈ ವಿಶೇಷವಾದ ತೀರ್ಥಯಾತ್ರೆ ರೈಲು ದೇಶದಲ್ಲಿರುವ ವಿವಿಧ ಜ್ಯೋತಿರ್ಲಿಂಗದ ಆಲಯಕ್ಕೆ ಸಂದರ್ಶಕರನ್ನು ಕೊಂಡೊಯ್ಯುತ್ತದೆ. ಅದರ ಜೊತೆಗೆ ಓಂಕಾರೇಶ್ವರ, ಉಜ್ಜಯಿನಿ, ದ್ವಾರಕಾ, ಗುಜರಾತಿನ ಏಕತೆಯ ಪ್ರತಿಮೆ, ಸೋಮನಾಥ ದೇವಾಲಯ, ನಾಗೇಶ್ವರ ಮತ್ತು ತ್ರಯಂಬಕೇಶ್ವರ ದೇವಾಲಯವು ಸೇರಿದೆ. ಅಷ್ಟೇ ಅಲ್ಲ, ಶಿರಿಡಿ ಮತ್ತು ಶನಿ ಸಿಂಗಪುರದಂತಹ ಜನಪ್ರಿಯ ಧಾರ್ಮಿಕ ಸ್ಥಳಗಳು ಒಳಗೊಂಡಿದೆ.

ಇದನ್ನೂ ಓದಿ: ಈ ಏರ್‌ಲೈನ್‌ನಲ್ಲಿ ಮಧ್ಯದ ಸೀಟ್‌ ಆಯ್ಕೆ ಮಾಡಿಕೊಂಡರೆ ಸಿಗುತ್ತದೆ ಬರೋಬ್ಬರಿ $230,000


ಈ ಅದ್ಭುತವಾದ ಪ್ಯಾಕೇಜ್‌ ಅನ್ನು ಆಯ್ಕೆ ಮಾಡಿಕೊಳ್ಳುವ ಮಂದಿ 12 ದಿನಗಳು ಮತ್ತು 11 ರಾತ್ರಿಗಳು ಪ್ರವಾಸ ಮಾಡಲಿದ್ದಾರೆ. ಕೋಲ್ಕತ್ತಾದಿಂದ ಹೊರಡುವ ಈ ವಿಶೇಷವಾದ ರೈಲು ಡುಮ್ಕಾ, ಭಾಗಲ್ಪುರ್ ಮತ್ತು ಜಮಾಲ್ಪುರದಿಂದ ಪ್ರಯಾಣಿಕರನ್ನು ಕರೆದೊಯ್ಯುತ್ತದೆ.

IRCTCಯ ಗ್ರೂಪ್ ಜನರಲ್‌ ಮ್ಯಾನೇಜರ್‌ ಈ ಪ್ಯಾಕೇಜ್‌ನ ಬಗ್ಗೆ ಮಾತನಾಡಿ, ಇದು ನವೆಂಬರ್‌ 17 ರಂದು ಹಿಂತಿರುಗಲಿದೆ ಎಂದು ಅವರು ಹೇಳಿದರು. ಜನವರಿ 4 ರಂದು ಕೋಲ್ಕತ್ತಾದಿಂದ ದಕ್ಷಿಣ ರಾಜ್ಯಗಳಿಗೆ ರೈಲು ಪ್ರಾರಂಭಿಸಲಾಗುವುದು ಎಂದು ವರದಿಗಳಿಂದ ತಿಳಿದುಬಂದಿದೆ.

ಹೆಚ್ಚಿನ ಮಾಹಿತಿಗಾಗಿ IRCTCಯ ಅಧಿಕೃತ ವೆಬ್‌ಸೈಟಿಗೆ ಹೋಗಿ ಮಾಹಿತಿ ಪಡೆಯಿರಿ.

ಇದನ್ನೂ ಓದಿ: ಸಮೀಕ್ಷೆ: ವಿಶ್ವದ ಅತ್ಯಂತ ಜನನಿಬಿಡ ವಿಮಾನ ನಿಲ್ದಾಣ ಯಾವುದು?