PC:pexels
ಪ್ರಕೃತಿಯ ವಿಸ್ಮಯವನ್ನು ನೋಡುವುದೇ ಸೋಜಿಗ. ನೋಡುಗರನ್ನು ಒಮ್ಮೆಲೆ ಮಂತ್ರಮುಗ್ಧಗೊಳಿಸಿಬಿಡುತ್ತದೆ. ಅದರಲ್ಲೂ ನಿರ್ಮಲವಾದ ಕಡಲತೀರಗಳಲ್ಲಿ ಸೂರ್ಯಾಸ್ತ ಹಾಗು ಸೂರ್ಯೋದಯದ ಮಾಂತ್ರಿಕ ನೋಟವು ಅಬ್ಬಾ…! ಪ್ರಕೃತಿಯನ್ನು ಆರಾಧಿಸುವವರಿಗೆ ಸ್ವರ್ಗದ ಕ್ಷಣವಾಗಿರುತ್ತದೆ.
ಬಹುತೇಕರು ಕಡಲತೀರಗಳಲ್ಲಿ ಅಡ್ಡಾಡಲು, ಜಲಕ್ರೀಡೆಯಾಡಲು ಬಯಸುತ್ತಾರೆ. ಇವುಗಳ ಜೊತೆಗೆ ಮನಸ್ಸಿಗೆ ಹಿತವೆನಿಸುವ ಸೂರ್ಯಾಸ್ತದ ನೋಟವನ್ನು ಕಂಡಿದ್ದೀರಾ? ಲೇಖನದಲ್ಲಿರುವ ತಾಣಗಳು ಸೂರ್ಯಾಸ್ತದ ಭವ್ಯವಾದ ನೋಟವನ್ನು ಒದಗಿಸುತ್ತದೆ.
ರಾಧಾನಗರ ಬೀಚ್
PC:pexels
ಏಷ್ಯಾದ ಅತ್ಯಂತ ಸ್ವಚ್ಛವಾದ ಬೀಚ್ಗಳಲ್ಲಿ ಭಾರತ ದೇಶದ ಅಂಡಮಾನ್ನಲ್ಲಿರುವ ರಾಧಾನಗರ ಬೀಚ್ ಕೂಡ ಒಂದು. ಹ್ಯಾವ್ಲಾಕ್ ದ್ವೀಪದ ರಾಧಾನಗರ ಬೀಚ್ ತನ್ನ ಅದ್ಭುತವಾದ ಬಿಳಿ ಮರಳು, ನೀಲಿ ನೀರಿನಿಂದ ಜನಪ್ರಿಯವಾಗಿದೆ. ಈ ಕಡಲತೀರವು 2 ಕಿ.ಮೀ ನಷ್ಟು ವ್ಯಾಪಿಸಿದೆ.
ಇಲ್ಲಿ ಸುಂದರವಾದ ಸೂರ್ಯಾಸ್ತವನ್ನು ವೀಕ್ಷಿಸುವುದು ರೋಮಾಂಚಕ ಅನುಭವ ನೀಡುತ್ತದೆ.
ಅಲಪ್ಪುಳ ಬೀಚ್
PC:pexels
ಕೇರಳ ರಾಜ್ಯದ ಅಲೆಪ್ಪಿಗೆ ಹೋದಾಗ ಅಲೆಪ್ಪಿ ಬೀಚ್ನಲ್ಲಿ ಸೂರ್ಯಾಸ್ತವನ್ನು ವೀಕ್ಷಿಸಿ. ಸಮುದ್ರದ ಆಂತರಿಕ ಸೌಂದರ್ಯ ಬಹುಶಃ ನಿಮ್ಮನ್ನು ಹಿಡಿದಿಟ್ಟುಕೊಳ್ಳಬಹುದು. ಪಿಕ್ನಿಕ್ಗು ಈ ಬೀಚ್ ಬೆಸ್ಟ್ ಆಗಿದೆ.
ಅಲೆಪ್ಪಿ ಬೀಚ್ನಲ್ಲಿ ಸಾಕಷ್ಟು ವಾಟರ್ ಸ್ಪೋರ್ಟ್ಸ್ಗಳನ್ನು ಆನಂದಿಸಬಹುದು. ಯೋಗ, ಧ್ಯಾನ, ಸಮುದ್ರಾಹಾರ, ಶಾಪಿಂಗ್ ಮಾಡಲು ಅಲೆಪ್ಪಿ ಕಡಲತೀರ ಬೆಸ್ಟ್.
ಪಲೋಲೆಮ್ ಬೀಚ್
PC:pexels
ಗೋವಾ ರಾಜ್ಯದ ಪಲೋಲೆಮ್ ಬೀಚ್ ಅನನ್ಯವಾದ ಸೂರ್ಯಾಸ್ತದ ವೀಕ್ಷಣೆಗೆ ಹೆಚ್ಚು ಜನಪ್ರಿಯವಾಗಿದೆ. ಗೋವಾ ಕಡಲತೀರಗಳಿಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಅಚ್ಚು ಮೆಚ್ಚಿನ ಕಡಲತೀರಗಳಲ್ಲಿ ಈ ಪಲೋಲೆಮ್ ಬೀಚ್ ಕೂಡ ಒಂದು. ಪಲೋಲೆಮ್ನಲ್ಲಿರುವ ಇತರ ಪ್ರಮುಖ ಆಕರ್ಷಣೆಗಳೆಂದರೆ ಕ್ಲೀನ್ ತೀರ, ಬೀಚ್ ಶಾಕ್ಗಳು ಮತ್ತು ಕೆಲವು ಸ್ಮಾರಕ ಅಂಗಡಿಗಳು. ನೀವು ಒಂದೊಳ್ಳೆ ಛಾಯಾಗ್ರಾಹಕರಾಗಿದ್ದರೆ ಪಲೋಲೆಮ್ ಬೀಚ್ನ ಸೂರ್ಯಾಸ್ತದ ನೋಟವನ್ನು ಕ್ಯಾಮೆರಾದಲ್ಲಿ ಸೆರೆ ಹಿಡಿಯಿರಿ.
ಧನುಷ್ಕೋಟಿ ಬೀಚ್
PC:pexels
ರಾಮಾಯಣವನ್ನು ನೆನಪಿಸುವ ಈ ಧನುಷ್ಕೋಟಿ ಬೀಚ್ ತಮಿಳುನಾಡಿನಲ್ಲಿ ನೆಲೆಗೊಂಡಿದೆ. ರಾಮೇಶ್ವರಂಗೆ ಭೇಟಿ ನೀಡುವ ಯಾತ್ರಾರ್ಥಿಗಳು ತಪ್ಪದೇ ಧನುಷ್ಕೋಟಿ ಬೀಚ್ನ ಸೌಂದರ್ಯವನ್ನು ವೀಕ್ಷಿಸಲು ಬಯಸುತ್ತಾರೆ.
ಈ ವಿಲಕ್ಷಣವಾದ ಕಡಲತೀರದಲ್ಲಿ ಸೂರ್ಯಾಸ್ತದ ನೋಟವನ್ನು ಕಣ್ತುಂಬಿಕೊಳ್ಳುವುದೇ ಹಬ್ಬ. ಬಿಳಿ ಮರಳಿನ ಕಡಲತೀರವು ಹೆಚ್ಚಾಗಿ ನಿರ್ಜನವಾಗಿದೆ.
ಇದನ್ನೂ ಓದಿ: 5 ದಿನಗಳ ಕಾಲ ಗೋವಾ ಟ್ರಿಪ್ ಯೋಜಿಸುತ್ತಿದ್ದೀರಾ? ಹಾಗಾದರೆ ಒಬ್ಬರಿಗೆ ಇಷ್ಟು ವೆಚ್ಚವಾಗುತ್ತದೆ …
ತಣ್ಣೀರುಬಾವಿ ಕಡಲತೀರ
PC: pexels
ಮಂಗಳೂರಿನಲ್ಲಿರುವ ಈ ತಣ್ಣೀರುಬಾವಿ ಕಡಲತೀರವು ಕರ್ನಾಟಕ ಜನರ ಹೃದಯವನ್ನು ಸ್ಪರ್ಶಿಸಿದೆ. ರಮಣೀಯವಾದ ಸುರ್ಯಾಸ್ತದ ನೋಟವು ನಿಮ್ಮನ್ನು ಬಹುಶಃ ಮೋಡಿ ಮಾಡಬಹುದು. ಪ್ರವಾಸಿಗರು ಸ್ಥಳದ ನೈಸರ್ಗಿಕ ಸೌಂದರ್ಯಕ್ಕೆ ಆಕರ್ಷಿತರಾಗುತ್ತಾರೆ. ಕಡಲತೀರದ ಸುರಕ್ಷಿತವಾದ ಸ್ಥಳದಲ್ಲಿ ಜಲಕ್ರೀಡೆಯನ್ನು ಆನಂದಿಸಬಹುದು.
ಇದನ್ನೂ ಓದಿ: ಮಂಗಳೂರಿನ ತಣ್ಣೀರುಬಾವಿ ಕಡಲತೀರಕ್ಕೆ ಭೇಟಿ ನೀಡಿದ್ದೀರಾ?