ಸುಂದರ ತಾಣದಲ್ಲಿ ಕ್ಯಾಂಪಿಂಗ್ ಇಷ್ಟಪಡುವವರಿಗೆ ಈ ಜಾಗಗಳು ಉತ್ತಮ

image by terje ansgar eriksen from pixabay

ಲಡಾಖ್ ಪ್ರವಾಸ ಎಂದರೆ ಎಲ್ಲರಿಗೂ ಕನಸಿನ ವಿಹಾರವೇ. ಸಾಕಷ್ಟು ಮಂದಿ ಪ್ರವಾಸ ಪ್ರಿಯರು, ಸಾಹಸ ಪ್ರಿಯರು ತಮ್ಮ ಟೂರ್‌ಗೆ ಲಡಾಖ್ ಅನ್ನೇ ಆಯ್ಕೆ ಮಾಡಿಕೊಳ್ಳುತ್ತಾರೆ. ಇಲ್ಲಿ ಟ್ರೆಕ್ಕಿಂಗ್, ಬೈಕಿಂಗ್, ರೋಡ್ ಟ್ರಿಪ್ ಸಖತ್ ಖುಷಿ ಕೊಡುತ್ತದೆ. ಇದೇ ಕಾರಣದಿಂದ ವರ್ಷದ ಬಹುತೇಕ ಅವಧಿಯಲ್ಲಿ ಇಲ್ಲಿ ಪ್ರವಾಸಿಗರನ್ನು ನೋಡಬಹುದಾಗಿದೆ. ಇನ್ನು ಇದರ ನಡುವೆ ಗ್ಯಾಂಪಿಂಗ್ ಕೂಡಾ ಈಗೀಗ ಇಲ್ಲಿ ಫೇಮಸ್ ಆಗುತ್ತಿದೆ. ಸಾಕಷ್ಟು ಮಂದಿ ಇಂತಹ ಸುಂದರ ಅನುಭವವನ್ನು ಪಡೆಯಲು ಇಲ್ಲಿಗೆ ಬರುತ್ತಾರೆ. ನುಬ್ರಾ ಕಣಿವೆ ಮತ್ತು ಪ್ಯಾಂಗೊಂಗ್‌ನಂತಹ ಕೆಲವು ಜನಪ್ರಿಯ ಪ್ರವಾಸಿ ಸ್ಥಳಗಳಲ್ಲಿ ಪ್ರವಾಸಿಗರು ಟೆಂಟ್ ಹಾಕಿ ಕಾಲ ಕಳೆಯುತ್ತಾರೆ. ಒಂದಷ್ಟು ಐಷಾರಾಮಿ ವ್ಯವಸ್ಥೆಯೊಂದಿಗೆ ಪ್ರವಾಸಿಗರು ಈ ಸುಂದರ ತಾಣದ ಕ್ಯಾಂಪಿಂಗ್ ಖುಷಿಯನ್ನು ಅನುಭವಿಸುತ್ತಾರೆ. ಈ ಗ್ಯಾಂಪಿಂಗ್ ಆನಂದ ಪಡೆಯುವ ಸಲುವಾಗಿಯೇ ಸಾಕಷ್ಟು ಮಂದಿ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ.

image by saulius dačkus from pixabay

ಗೋವಾದ ಬಗ್ಗೆ ಪ್ರವಾಸ ಪ್ರಿಯರಿಗೆ ಹೆಚ್ಚಿನ ವಿವರಣೆ ಬೇಕಾಗಿಲ್ಲ. ಪ್ರವಾಸೋದ್ಯಮದ ವಿಷಯದಲ್ಲಿ ಗೋವಾದ ಮಹತ್ವ ಅಂತಹದ್ದು. ದೇಶ ವಿದೇಶದ ಪ್ರವಾಸಿಗರನ್ನು ಗೋವಾ ತನ್ನತ್ತ ಆಕರ್ಷಿಸುತ್ತದೆ. ಇಲ್ಲಿನ ಸುಂದರ ಕಡಲತೀರಗಳು, ಅದ್ಭುತ ಭೂದೃಶ್ಯಗಳು, ವಸಹಾತುಶಾಹಿ ಕಾಲದ ಕಟ್ಟಡಗಳು ಎಲ್ಲರನ್ನೂ ಸೆಳೆಯದೇ ಇರಲಾರದು. ಆದರೆ, ಬೀಚ್, ಪಾರ್ಟಿ, ನೈಟ್‌ ಲೈಫ್‌ ಎಂಜಾಯ್ ಮಾಡುವುದರ ಜತೆಗೆ ಸಾಕಷ್ಟು ಮಂದಿ ಗ್ಲಾಂಪಿಂಗ್ ಅನ್ನೂ ಆಯ್ಕೆ ಮಾಡಿಕೊಳ್ಳುತ್ತಾರೆ. ಬೀಚ್ ಬಳಿ ಕ್ಯಾಂಪ್ ಹಾಕಿ ಅಲ್ಲಿನ ಆನಂದವನ್ನು ಸಾಕಷ್ಟು ಮಂದಿ ಅನುಭವಿಸುತ್ತಾರೆ. ಈ ಕ್ಯಾಂಪ್‌ನಲ್ಲಿ ಎಲ್ಲಾ ಸೌಕರ್ಯ ಇರುವುದರಿಂದ ಸಹಜವಾಗಿಯೇ ಇದು ಪ್ರವಾಸದ ಆನಂದವನ್ನು ಇಮ್ಮಡಿಯಾಗಿಸುತ್ತದೆ. ಜತೆಗೆ, ದೇಹ ಮನಸ್ಸಿಗೂ ಉಲ್ಲಾಸ ನೀಡುತ್ತದೆ.

image by thế sang trần from pixabay

ಮರುಭೂಮಿ, ಅರಾವಳಿ ಪರ್ವತ ಶ್ರೇಣಿ, ಕೋಟೆಗಳು, ಅರಮನೆ ಸೇರಿದಂತೆ ಸಾಕಷ್ಟು ಅದ್ಭುತ ತಾಣಗಳನ್ನು ಹೊಂದಿರುವ ರಾಜ್ಯ ಎಂದರೆ ಅದು ರಾಜಸ್ಥಾನ. ಭಾರತದ ಇತಿಹಾಸದಲ್ಲಿ ರಾಜಸ್ಥಾನಕ್ಕೆ ತನ್ನದೇ ಆದ ಮಹತ್ವ ಇದೆ. ಇಲ್ಲಿನ ಸುಂದರ ಕೋಟೆ, ಅರಮನೆ, ಪ್ರಾಚೀನ ಕಟ್ಟಡಗಳಿಗೆ ಮನಸೋಲದವರೇ ಇಲ್ಲ. ಇದೇ ಕಾರಣದಿಂದ ಸಾಕಷ್ಟು ಸಂಖ್ಯೆಯಲ್ಲಿ ಪ್ರವಾಸಿಗರು ರಾಜಸ್ಥಾನದ ಬಹುಭಾಗಕ್ಕೆ ಭೇಟಿ ನೀಡುತ್ತಾರೆ. ಇನ್ನು ಪ್ರಕೃತಿ, ಪ್ರಾಣಿ ಪ್ರಿಯರು ರಣಥಂಬೋರ್ ರಾಷ್ಟ್ರೀಯ ಉದ್ಯಾನವನಕ್ಕೂ ಭೇಟಿ ನೀಡುತ್ತಾರೆ. ಇಲ್ಲಿ ಪ್ರಾಣಿಗಳ ಸ್ವಚ್ಛಂದ ಬದುಕನ್ನು ಕಣ್ತುಂಬಿಕೊಳ್ಳುತ್ತಾರೆ. ರಣಥಂಬೋರ್ ಭಾರತದ ಪ್ರಮುಖ ರಾಷ್ಟ್ರೀಯ ಉದ್ಯಾನವನಗಳಲ್ಲಿ ಒಂದು. ಬರೀ ಅಷ್ಟೇ ಅಲ್ಲ, ಇಲ್ಲಿ ಕ್ಯಾಂಪಿಂಗ್‌ಗೆ ಕೂಡಾ ಅವಕಾಶವಿದೆ. ಜತೆಗೆ, ಅರಣ್ಯದಲ್ಲಿರುವಾಗಲೂ ನಿಮ್ಮಗೆ ತೊಂದರೆಯಾಗದಂತೆ, ನಿಮ್ಮ ಅನುಕೂಲಕ್ಕೆ ಧಕ್ಕೆಯಾಗದಂತೆ ನೋಡಿಕೊಳ್ಳುವ ಸೌಲಭ್ಯ ಕೂಡಾ ಇದೆ. ಇನ್ನು ಇಲ್ಲಿ ನೀವು ಸಫಾರಿಯ ಆನಂದವನ್ನೂ ಅನುಭವಿಸಬಹುದು.

Also Read : ಚಳಿಗಾಲದ ಗೋವಾ ಪ್ರವಾಸವನ್ನು ಹೀಗೆಲ್ಲಾ ಎಂಜಾಯ್ ಮಾಡಬಹುದು : ಇಲ್ಲಿವೆ ಒಂದಷ್ಟು ಟಿಪ್ಸ್‌

image by gerardo de león from pixabay

ದೇವರನಾಡು ಕೇರಳ ದಕ್ಷಿಣ ಭಾರತದ ಸುಂದರ ಪ್ರವಾಸಿ ತಾಣಗಳಲ್ಲಿ ಒಂದು. ಇಲ್ಲಿನ ನೈಸರ್ಗಿಕ ಸೊಬಗನ್ನು ಕಣ್ತುಂಬಿಕೊಳ್ಳುವ ಸಲುವಾಗಿಯೇ ಸಾಕಷ್ಟು ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ. ಕೇರಳದಲ್ಲಿ ವರ್ಷಪೂರ್ತಿ ಪ್ರವಾಸಿಗರನ್ನು ನೋಡಬಹುದು. ಸಾಕಷ್ಟು ಮನಮೋಹಕ ಗಿರಿಧಾಮಗಳು, ಸುಂದರ ಕಡಲತೀರಗಳು, ಅಪೂರ್ವ ದೇವಸ್ಥಾನಗಳು, ಹಿನ್ನೀರಿನ ಭವ್ಯ ನೋಟ, ಹೌಸ್ ಬೋಟ್‌ನ ಖುಷಿ ಮನಸ್ಸಿಗೆ ಆನಂದ ನೀಡುತ್ತದೆ. ಸುಂದರ ಚಹಾ ತೋಟಗಳು ಕೂಡಾ ಕಣ್ಮನ ಸೆಳೆಯುತ್ತವೆ. ಇದರ ಜತೆಗೆ, ಗ್ಯಾಂಪಿಂಗ್ ಖುಷಿಯನ್ನೂ ಅನುಭವಿಸಬಹುದು. ಸುತ್ತಲೂ ಕಾಣುವ ಸುಂದರ ನೋಟದ ನಡುವೆ ಕ್ಯಾಂಪ್ ಹಾಕಲು ಇಲ್ಲಿ ಅವಕಾಶ ಇದೆ. ಈ ಗ್ಯಾಂಪಿಂಗ್ ಜತೆಗೆ ಪಕ್ಷಿ ವೀಕ್ಷಣೆ, ವನ್ಯಜೀವಿಗಳ ವೀಕ್ಷಣೆ, ಟ್ರೆಕ್ಕಿಂಗ್ ಸೇರಿದಂತೆ ಸಾಕಷ್ಟು ಖುಷಿಯನ್ನೂ ಇಲ್ಲಿ ಅನುಭವಿಸಬಹುದು.

Also Read : ರಜಾಕಾಲದ ಖುಷಿಯ ಪಯಣಕ್ಕೆ ದಕ್ಷಿಣ ಭಾರತದ ಈ ಸುಂದರ ತಾಣಗಳು ಸೂಕ್ತ

image by fahed kiwan from pixabay

ಗ್ಯಾಂಪಿಂಗ್ ಖುಷಿಯನ್ನು ಅನುಭವಿಸಲು ಮಧ್ಯಪ್ರದೇಶ ಕೂಡಾ ಉತ್ತಮ ಆಯ್ಕೆ. ಮಧ್ಯಪ್ರದೇಶದಲ್ಲಿ ಖನ್ಹಾ ರಾಷ್ಟ್ರೀಯ ಉದ್ಯಾನವನ ಸಖತ್ ಫೇಮಸ್. ಇಲ್ಲಿಗೆ ಪ್ರವಾಸಕ್ಕೆ ಬಂದ ಸಾಕಷ್ಟು ಪ್ರವಾಸಿಗರು ಈ ರಾಷ್ಟ್ರೀಯ ಉದ್ಯಾನವನಕ್ಕೂ ಭೇಟಿ ನೀಡುತ್ತಾರೆ. ಸುಂದರ ಕಾಡು, ರಮಣೀಯ ಪರಿಸರ ಇಲ್ಲಿ ಎಲ್ಲರನ್ನೂ ಸೆಳೆಯುತ್ತದೆ. ಇಂತಹ ಸುಂದರ ಪರಿಸರದಲ್ಲಿ ಕ್ಯಾಪಿಂಗ್ ಕೂಡಾ ಅಷ್ಟೇ ಅದ್ಭುತ ಅನುಭವಗಳಲ್ಲಿ ಒಂದು. ನಗರ ಜೀವನದ ಜಂಜಾಟ, ಕೆಲಸದ ಒತ್ತಡದಿಂದ ದೂರ ಉಳಿದು ಸುಂದರ ಪ್ರಕೃತಿಯ ನಡುವೆ, ಹಕ್ಕಿಗಳ ಚಿಲಿಪಿಲಿಯೊಂದಿಗೆ ಕಾಲ ಕಳೆಯಲು ಬಯಸುವವರಿಗೆ ಈ ರಾಷ್ಟ್ರೀಯ ಉದ್ಯಾನವನದ ಕ್ಯಾಂಪಿಂಗ್ ಕೂಡಾ ಉತ್ತಮ ಆಯ್ಕೆ. ಐಷಾರಾಮಿ ಟೆಂಟ್‌ಗಳಲ್ಲಿ ಆರಾಮದಾಯಕ ವಾಸ್ತವ್ಯದ ಖುಷಿಯನ್ನು ಇಲ್ಲಿ ಅನುಭವಿಸಬಹುದು.

Also Read : ಈ ವರ್ಷ ಹಿಮದ ಸೊಬಗನ್ನು ಕಣ್ತುಂಬಿಕೊಳ್ಳಬೇಕೆಂದಿದ್ದರೆ ಈ ತಾಣಗಳು ಉತ್ತಮ

ಇವಷ್ಟೇ ಅಲ್ಲದೆ, ಜೈಸಲ್ಮೇರ್, ಶಿಮ್ಲಾ ಸಮೀಪದ ಮಶೋಬ್ರಾ ಸೇರಿದಂತೆ ಸಾಕಷ್ಟು ಅದ್ಭುತ ತಾಣಗಳು ಕ್ಯಾಂಪಿಂಗ್ ಖುಷಿಯನ್ನು ನೀಡುತ್ತವೆ. ಸಾಕಷ್ಟು ಮಂದಿ ಈ ಆನಂದವನ್ನು ಅನುಭವಿಸಲು ಬಯಸುತ್ತಾರೆ.

Read In English : Luxurious camping: India’s best glamping destinations