ಸ್ನೇಹಿತರ ಜೊತೆ ಥ್ರಿಲ್ಲಿಂಗ್‌ ಟ್ರಿಪ್‌ ಮಾಡಲು ಕರ್ನಾಟಕದ ಈ ತಾಣಗಳು ಸೂಪರ್

PC: Ananth H V

ವಿಂಧ್ಯಗಿರಿ ಬೆಟ್ಟ ಹಾಗು ಕಲ್ಲಿನ ಶಿಖರಗಳಲ್ಲಿ ನೆಲೆಗೊಂಡಿರುವ ಪ್ರಸಿದ್ಧ ಜೈನ ಯಾತ್ರಿಕ ಸ್ಥಳವೇ ಶ್ರವಣಬೆಳಗೊಳವಾಗಿದೆ. ಇದು ಕೇವಲ ಜೈನ ಧರ್ಮದ ಜನರನ್ನು ಮಾತ್ರ ಆಕರ್ಷಿಸುವುದಿಲ್ಲ ಬದಲಾಗಿ ಇತರೆ ಧರ್ಮದ ಜನರು ಕೂಡ ಶ್ರವಣಬೆಳಗೊಳದ ಬಾಹುಬಲಿಯನ್ನು ದರ್ಶಿಸಲು ಭೇಟಿ ನೀಡುತ್ತಾರೆ.

ಏಕಶಿಲಾ ಗೊಮ್ಮಟೇಶ್ವರ ವಿಗ್ರಹ ಸೇರಿದಂತೆ ಇಲ್ಲಿ ಸಾಕಷ್ಟು ಪುರಾತನ ಆಲಯಗಳು, ಜೈನ ಮಠಗಳಿವೆ. ಪಟ್ಟಣದ ವಿಹಂಗಮ ನೋಟವನ್ನು ಇಲ್ಲಿ ಕಣ್ತುಂಬಿಕೊಳ್ಳಬಹುದಾಗಿದೆ.

PC: Pixabay

ಕೂರ್ಗ್‌ ಪ್ರವಾಸದಲ್ಲಿ ನೀವು ಮಿಸ್ ಮಾಡಿಕೊಳ್ಳಬಾರದ ತಾಣವೆಂದರೆ ಅದು ದುಬಾರೆ ಆನೆ ಶಿಬಿರ. ನಿಸರ್ಗ ಪ್ರೇಮಿಗಳಿಗೆ ಬಹುಶಃ ಈ ತಾಣ ತುಂಬಾನೇ ಇಷ್ಟವಾಗುತ್ತದೆ. ಬೃಹತ್‌ ವನ್ಯಜೀವಿಗಳ ಅಭಯಾರಣ್ಯ ಇಲ್ಲಿದೆ. ಆನೆಗಳಿಗೆ ಸ್ನಾನ ಮಾಡಿಸುವ ದೃಶ್ಯಗಳನ್ನು ನೀವು ಇಲ್ಲಿ ನೋಡಬಹುದು.

ಆನೆ ಸವಾರಿ, ನಿಚ್ಚಳವಾಗಿರುವ ನೀರಿನಲ್ಲಿ ದೋಣಿ ಸವಾರಿಯನ್ನು ಜನರು ಇಲ್ಲಿ ಕೈಗೊಳ್ಳುತ್ತಾರೆ. ಸ್ಪಟಿಕ ಸ್ಪಷ್ಟವಾದ ನೀರಿನಲ್ಲಿ ಜನರು ಜಲಕ್ರೀಡೆಯಾಡುತ್ತಾರೆ. ಶಿಬಿರದ ಸಮೀಪದಲ್ಲಿ ಕೊರಾಕಲ್ ರೈಡಿಂಗ್, ಮೀನುಗಾರಿಕೆ, ಆನೆ ಸವಾರಿ, ಟ್ರೆಕ್ಕಿಂಗ್ ಮತ್ತು ರಿವರ್ ರಾಫ್ಟಿಂಗ್‌ನಂತಹ ಕೆಲವು ಸಾಹಸಮಯ ಮೋಜಿನ ಚಟುವಟಿಕೆಗಳನ್ನು ಆನಂದಿಸಬಹುದು.

PC: Gnanapiti

ಶ್ರೀ ಶಾರದಾ ಪೀಠ, ಸಿರಿಮನೆ ಜಲಪಾತ, ವಿದ್ಯಾಶಂಕರ ದೇವಸ್ಥಾನ, ಲಕ್ಯಾ ಅಣೆಕಟ್ಟು ಸೇರಿದಂತೆ ಇನ್ನು ಸಾಕಷ್ಟು ಪ್ರೇಕ್ಷಣೀಯ ಸ್ಥಳಗಳು ಹೊರನಾಡಿನಲ್ಲಿದೆ. ಹೊರನಾಡು ಗ್ರಾಮಕ್ಕೆ ಹೋಗುವ ದಾರಿಯು ಹಚ್ಚ ಹಸಿರಿನಿಂದ ಕೂಡಿದ ಚಹಾದ ತೋಟಗಳಿಗೆ ಹೆಸರುವಾಸಿಯಾಗಿದೆ. ಸ್ನೇಹಿತರೊಟ್ಟಿಗೆ ಹೋದಾಗ ಸಿರಿಮನೆ ಜಲಪಾತದಲ್ಲಿ ಮಿಂದೇಳುವುದನ್ನು ಮರೆಯದಿರಿ.

PC: Pixabay

ದಕ್ಷಿಣದ ಚಿರಾಪುಂಜಿ ಎಂದೇ ಕರೆಯಲಾಗುವ ಆಗುಂಬೆಯಲ್ಲಿ ಬರ್ಕಾನ ಜಲಪಾತ, ಜೋಗಿ ಗುಂಡಿ ಜಲಪಾತ, ಒನಕೆ ಅಬ್ಬಿ ಜಲಪಾತ ಮತ್ತು ಕೂಡ್ಲು ತೀರ್ಥ ಜಲಪಾತಗಳಂತಹ ರಮಣೀಯ ಜಲಧಾರೆಗಳಿವೆ.

ಅಷ್ಟೇ ಅಲ್ಲ, ಚುಮು ಚುಮು ಚಳಿಯನ್ನು ನೀಡುವ ಆಗುಂಬೆಯಲ್ಲಿ ಸನ್ಸೆಟ್ ಪಾಯಿಂಟ್ ತುಂಬಾನೇ ಜನಪ್ರಿಯವಾಗಿದೆ. ಮೋಜು-ಮಸ್ತಿ ಮಾಡಲು ಸ್ನೇಹಿತರು ಇಲ್ಲಿಗೆ ತಪ್ಪದೇ ಭೇಟಿ ನೀಡಬೇಕು.

ಇದನ್ನೂ ಓದಿ: ಕೂರ್ಗ್‌ನಿಂದ 20 ಕಿ.ಮೀ ದೂರದ ದುಬಾರೆ ಆನೆ ಶಿಬಿರದಲ್ಲಿ ಅಬ್ಬಬ್ಬಾ…ಹೀಗೆಲ್ಲಾ ಎಂಜಾಯ್‌ ಮಾಡಬಹುದಾ?

PC: Pixabay

ಕರ್ನಾಟಕದ ಸಾಹಸಿಗರು ಹಾಗು ಸ್ನೇಹಿತರು ಹೆಚ್ಚಾಗಿ ಆಯ್ಕೆ ಮಾಡಿಕೊಳ್ಳುವ ಸ್ಥಳಗಳಲ್ಲಿ ಕೊಡಚಾದ್ರಿ ಕೂಡ ಒಂದಾಗಿದೆ. ಸಮುದ್ರಮಟ್ಟದಿಂದ ಸುಮಾರು 1343 ಮೀಟರ್ ಎತ್ತರದಲ್ಲಿರುವ ಕೊಡಚಾದ್ರಿ ಟ್ರೆಕ್ಕಿಂಗ್‌ ಪ್ರೇಮಿಗಳಿಗೆ ಅತ್ಯುತ್ತಮ ಅನುಭವ ನೀಡುತ್ತದೆ.

ಪರ್ವತ ಶಿಖರವು ಹಲವಾರು ದಟ್ಟವಾದ ಅರಣ್ಯದಿಂದ ಆವೃತವಾಗಿದೆ. ಇನ್ನು, ಅಳಿವಿನಂಚಿನಲ್ಲಿರುವ ಅನೇಕ ಸಸ್ಯ ಹಾಗು ಪ್ರಾಣಿಗಳನ್ನು ಕೊಡಚಾದ್ರಿಯಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿ: ಶಂಕರಾಚಾರ್ಯರು ಧ್ಯಾನ ಮಾಡಿದ ಈ ಬೆಟ್ಟಕ್ಕೆ ಭೇಟಿ ನೀಡಿದ್ದೀರಾ?