ಸುರಕ್ಷಿತವಾದ ಹಾಗು ಗಟ್ಟಿ ಮನಸ್ಸಿನ ವ್ಯಕ್ತಿಗಳು ಬಂಗೀ ಜಂಪ್ ಮಾಡಬೇಕೇ ವಿನಃ, ದುರ್ಬಲ ಹೃದಯ ಹೊಂದಿರುವವರು ಮಾಡುವ ಸಾಹಸವಲ್ಲವಿದು.
ಮುಖ್ಯವಾಗಿ ಬಂಗೀ ಜಂಪಿಂಗ್ ಮಾಡುವ ಸ್ಥಳವು ಯಾವುದೇ ಕಲ್ಲುಗಳು ಮತ್ತು ಮರಗಳಿಂದ ಮುಕ್ತವಾಗಿರಬೇಕು. ಉಸಿರಾಟದ ಸಮಸ್ಯೆ ಹೊಂದಿದ್ದಲ್ಲಿ ಈ ಸಾಹಸ ಕ್ರೀಡೆ ಮಾಡುವಂತಿಲ್ಲ. ಕನಿಷ್ಟ ೧೨ ವರ್ಷ ವಯಸ್ಸು ಮತ್ತು ಕನಿಷ್ಟ ೪೦ ಕೆ.ಜಿಯಾದರೂ ಇರಲೇಬೇಕು.
ಇಷ್ಟೆಲ್ಲಾ ನಿಯಮ, ನಿಬಂಧನೆಗಳ ನಡುವೆ ಭಾರತದಲ್ಲಿ ಬಂಗೀ ಜಂಪಿಂಗ್ ಮಾಡಲು ಅತ್ಯುತ್ತಮವಾದ ಸ್ಥಳಗಳ ಬಗ್ಗೆ ಮಾಹಿತಿ ಇಲ್ಲಿದೆ. ಓದಿ.
೧. ರಿಷಿಕೇಶದಲ್ಲಿ ಬಂಗೀ ಜಂಪಿಂಗ್
PC: Mombas
ನಿಮಗೆ ತಿಳಿದಿರಲಿ, ರಿಷಿಕೇಶವನ್ನು ಭಾರತದ ಸಾಹಸ ರಾಜಧಾನಿ ಎಂದೇ ಜನಪ್ರಿಯವಾಗಿದೆ. ಈ ಸುಂದರವಾದ ಸ್ಥಳವು ಸಾಹಸಿಗಳಿಗೆ ಹಾಗು ಸಾಹಸ ಚಟುವಟಿಕೆಗಳಿಗೆ ಸೂಕ್ತವಾದ ತಾಣ ಎಂದೇ ಹೇಳಬಹುದು. ಇಲ್ಲಿನ ರೋಮಾಂಚಕಾರಿ ಸಾಹಸ ಕ್ರೀಡೆಗಳು ನಿಮಗೆ ಮರೆಯಲಾಗದ ಅನುಭೂತಿಯನ್ನು ಉಂಟು ಮಾಡುತ್ತದೆ. ರಿಷಿಕೇಶದಲ್ಲಿ ಸುಮಾರು ೮೩ ಮೀ ಎತ್ತರದಿಂದ ನೀವು ಬಂಗೀ ಜಂಪ್ ಸಾಹಸ ಕ್ರೀಡೆಯನ್ನು ಕೈಗೊಳ್ಳಬಹುದು.
ಇಂತಹ ಥ್ರಿಲ್ ಅನುಭವ ಪಡೆಯಲು ಮಂಗಳವಾರ ಹೊರತುಪಡಿಸಿ ವಾರದ ಎಲ್ಲಾ ದಿನಗಳು ಕೂಡ ಆಯೋಜಿಸಬಹುದು.
ಪ್ರವೇಶ ಸಮಯ : ಬೆಳಗ್ಗೆ ೯:೩೦ ರಿಂದ ೧೧ ಗಂಟೆಯವರೆಗೆ ಹಾಗು ಮಧ್ಯಾಹ್ನ: ೧ ಗಂಟೆಯಿಂದ ೨:೩೦ ರವರೆಗೆ.
ಪ್ರವೇಶ ಶುಲ್ಕ: ಒಬ್ಬರಿಗೆ ೩೫೦೦ ರೂಪಾಯಿ.
೨. ಲೋನಾವಾಲಾದಲ್ಲಿ ಬಂಗೀ ಜಂಪಿಂಗ್
PC: Kocio
ಸುಮಾರು ೪೫ ಮೀಟರ್ ಎತ್ತರದಿಂದ ಮಹಾರಾಷ್ಟ್ರದ ಲೋನಾವಾಲಾದಲ್ಲಿ ಬಂಗೀ ಜಂಪಿಂಗ್ ಆನಂದಿಸಬಹುದು. ಸಾಹಸ ಕ್ರೀಡೆಗಳನ್ನು ಆನಂದಿಸಲು ಲೋನಾವಾಲಾ ಕೂಡ ಅತ್ಯುತ್ತಮವಾದ ತಾಣವಾಗಿದೆ. ಇಲ್ಲಿಯೂ ಕೂಡ ಕೆಲವು ನಿಯಮ ಹಾಗು ನಿಬಂಧನೆಗಳನ್ನು ಹೊಂದಿವೆ. ಅವುಗಳೆಂದರೆ..
೧೦ ವರ್ಷಕ್ಕಿಂತ ಮೇಲ್ಪಟ್ಟವರು ಹಾಗು ೩೫ ಕ್ಕಿಂತ ಹೆಚ್ಚಿನ ದೇಹ ತೂಕ ಹೊಂದಿರುವವರು ಬಂಗೀ ಜಂಪಿಂಗ್ ಕೈಗೊಳ್ಳಲು ಶಿಫಾರಸ್ಸು ಮಾಡಲಾಗುತ್ತದೆ.
ಇಲ್ಲಿನ ತಜ್ಞರು ಜಿಗಿತದ ಕುರಿತು ಸುರಕ್ಷತಾ ಕ್ರಮಗಳನ್ನು ಕೈಗೊಳ್ಳುತ್ತಾರೆ. ನಂತರ ರೋಮಾಂಚಕಾರಿ ಅನುಭವ ಪಡೆಯಲು ಸಾಹಸಿಗಳು ಅಣಿಯಾಗುತ್ತಾರೆ.
ಆ ದೃಶ್ಯ ನೋಡುವುದೇ ಸೋಜಿಗ. ಇಲ್ಲಿ ನಿಮಗೆ ಬಂಗೀ ಜಂಪಿಂಗ್ ಯಶ್ವಸಿ ಜಿಗಿತದ ಪ್ರಮಾಣ ಪತ್ರವನ್ನು ಕೂಡ ನೀಡುತ್ತಾರೆ.
ಪ್ರವೇಶ ಶುಲ್ಕ: ಒಬ್ಬರಿಗೆ ೨೫೦೦ ರೂಪಾಯಿಗಳು.
ಇಲ್ಲಿನ ಸಾಹಸಗಳನ್ನು ಆನಂದಿಸಲು ವರ್ಷದ ಯಾವ ಸಮಯದಲ್ಲಾದರೂ ಭೇಟಿ ನೀಡಬಹುದು.
೩. ಬೆಂಗಳೂರಿನಲ್ಲಿ ಬಂಗೀ ಜಂಪಿಂಗ್
ಬೆಂಗಳೂರಿನಲ್ಲಿ ಬಂಗೀ ಜಂಪಿಂಗ್ ಅನ್ನು ಇತ್ತೀಚೆಗಷ್ಟೇ ಪರಿಚಯ ಮಾಡಲಾಯಿತು. ಬೆಂಗಳೂರಿನಲ್ಲಿ ಬಂಗೀ ಜಂಪಿಂಗ್ ಗೆ ಅತ್ಯಂತ ಜನಪ್ರಿಯವಾದ ಸ್ಥಳವೆಂದರೆ ಓಝೋನ್ ಅಡ್ವೆಂಚರ್ಸ್. ಸುಮಾರು ೧೩೦ ಅಡಿ ಎತ್ತರದ ಮೊಬೈಲ್ ಕ್ರೇನ್ಗೆ ಜೋಡಿಸಲಾಗಿದೆ. ಇಲ್ಲೂ ಕೂಡ ಹೆಚ್ಚು ನಿಯಮ ನಿಬಂಧನೆಗಳು ಒಳಗೊಂಡಿವೆ.
ಈ ಸಾಹಸಮಯ ಬಂಗೀ ಜಂಪಿಂಗ್ ಮಾಡಲು ವ್ಯಕ್ತಿಗೆ ೪೦೦ ರೂಪಾಯಿಗಳು. ಸುಮಾರು ೪೦ ಮೀ ಎತ್ತರದಿಂದ ಸಾಹಸಿಗಳು ಜಿಗಿತವನ್ನು ಆನಂದಿಸಬಹುದು.
ಕನಿಷ್ಟ ೧೮ ವರ್ಷ ವಯಸ್ಸಾಗಿದ್ದು, ಕನಿಷ್ಟ ೩೫ ಕೆ.ಜಿ ತೂಕ ಮತ್ತು ಗರಿಷ್ಟ ೧೧೦ ಕೆ.ಜಿ ದೇಹ ತೂಕವನ್ನು ಹೊಂದಿರಬೇಕು.
ಯಾವುದೇ ಕಾರಣಕ್ಕೂ, ಹೃದಯ ಸಂಬಂಧಿ ಸಮಸ್ಯೆ, ಅಧಿಕ ರಕ್ತದೊತ್ತಡ, ಮಧುಮೇಹ, ಗರ್ಭಿಣಿಯರು ಈ ಸಾಹಸವನ್ನು ಕೈಗೊಳ್ಳುವಂತಿಲ್ಲ.
೪. ದೆಹಲಿಯಲ್ಲಿ ಬಂಗೀ ಜಂಪಿಂಗ್
PC: Vincent
- ಭಾರತದ ರಾಜಧಾನಿ ದೆಹಲಿಯಲ್ಲಿ ಕೂಡ ಬಂಗೀ ಜಂಪಿಂಗ್ ಲಭ್ಯವಿದೆ.
- ಇಲ್ಲಿನ ಎಲ್ಲಾ ಉಪಕರಣಗಳನ್ನು ಜಪಾನ್ ನಿಂದ ಆಮದು ಮಾಡಿಕೊಳ್ಳಲಾಗಿದ್ದು, ಎಲ್ಲಾ ಸಿಬ್ಬಂದಿಗಳು ಜರ್ಮನಿಯಿಂದ ತರಬೇತಿ ಪಡೆದಿದ್ದಾರೆ.
- ಸುಮಾರು ೧೩೦ ಅಡಿ ಎತ್ತರದ ಕ್ರೇನ್ ಗೆ ಜೋಡಿಸಲಾಗಿದ್ದು, ರೋಮಾಂಚಕಾರಿ ಅನುಭವವನ್ನು ಪಡೆಯಬಹುದು.
- ನಿಮ್ಮ ಜಿಗಿತದ ನಂತರ ಪ್ರಮಾಣ ಪತ್ರವನ್ನು ನೀಡಲಾಗುತ್ತದೆ.
- ಇಲ್ಲಿಗೆ ಭೇಟಿ ನೀಡಲು ಸೂಕ್ತವಾದ ಸಮಯವೆಂದರೆ, ಅಕ್ಟೋಬರ್ ನಿಂದ ಮಾರ್ಚ್ ತಿಂಗಳ ನಡುವೆ.
- ಇಲ್ಲಿ ಬಂಗೀ ಜಂಪಿಂಗ್ ಮಾಡಲು ಒಬ್ಬರಿಗೆ ೩೦೦೦ ರೂಪಾಯಿಗಳು.
ಈ ತಾಣಗಳು ಕೇವಲ ಡೇರ್ ಡೆವಿಲ್ಸ್ ಗಳಿಗೆ ಮಾತ್ರ
೫. ಗೋವಾದಲ್ಲಿ ಬಂಗೀ ಜಂಪಿಂಗ್
PC: Che010
ಗೋವಾ ಕೇವಲ ಕಡಲತೀರಗಳಿಗೆ ಮಾತ್ರ ಫೇಮಸ್ ಅಲ್ಲ, ಬದಲಿಗೆ ಸಾಹಸಮಯ ಕ್ರೀಡೆಗಳಿಗೂ ಕೂಡ ಜನಪ್ರಿಯವಾಗಿದೆ. ಗೋವಾಗೆ ಭೇಟಿ ನೀಡುವವರು ತಪ್ಪದೇ ಇಲ್ಲಿನ ಬಂಗೀ ಜಂಪಿಂಗ್ ಆನಂದಿಸಿ.
ಗಂಭೀರ ಸಮಸ್ಯೆಗಳನ್ನು ಹೊಂದಿದ್ದರೆ ಬಂಗೀ ಜಂಪಿಂಗ್ ಇಲ್ಲಿ ಅನುಮತಿಸುವುದಿಲ್ಲ.
ಸೂಕ್ತವಾದ ಸಮಯ: ಅಕ್ಟೋಬರ್ ನಿಂದ ಮಾರ್ಚ್ ತಿಂಗಳ ನಡುವೆ.
ಬಂಗೀ ಜಂಪಿಂಗ್ ಗೆ ಪ್ರವೇಶ ಶುಲ್ಕ: ಋತುಮಾನಕ್ಕೆ ಅನುಗುಣವಾಗಿ ಬಂಗೀ ಜಂಪಿಂಗ್ ಶುಲ್ಕವು ಬದಲಾಗುತ್ತಿರುತ್ತದೆ.