PC:iStock
ದೆಹಲಿ ಕೇವಲ ಮೊಘಲರ ಸ್ಮಾರಕಗಳಿಗೆ ಮಾತ್ರ ಫೇಮಸ್ ಆಗಿಲ್ಲ. ಬದಲಾಗಿ ಶಾಪಿಂಗ್‌ ಮಾಡಲು ಅತ್ಯುತ್ತಮವಾದ ನಗರವಾಗಿದೆ. ಇಲ್ಲಿ ಕೈಗೆಟುಕುವ ಬೆಲೆಯಲ್ಲಿ ಮಹಿಳೆಯರಿಗೆ ಮತ್ತು ಪುರುಷರಿಗೆ ಬೇಕಾದ ವಸ್ತುಗಳು ದೊರೆಯುತ್ತವೆ. ಅದರಲ್ಲೂ, ದೆಹಲಿಯ ಈ ಮಾರುಕಟ್ಟೆಗಳು ವಧುವಿನ ಆಭರಣಗಳಿಗೆ ಉತ್ತಮವಾಗಿವೆ. ಅದ್ಭುತವಾದ ಬ್ರೈಡಲ್ ಸೆಟ್‌ಗಳು ರೂ 1500 ದಿಂದ ದೊರೆಯುತ್ತವೆ.
ಲೆಹೆಂಗಾ, ಪಾದರಕ್ಷೆ, ಹೇರ್‌ಸ್ಟೈಲ್‌ ವಸ್ತುಗಳು, ದುಪಟ್ಟಾ, ಸೀರೆ ಸೇರಿದಂತೆ ಸಾಕಷ್ಟು ಅಲಂಕಾರಿಕ ವಸ್ತುಗಳು ಲೇಖನದಲ್ಲಿ ಹೇಳಲಾಗುವ 4 ಮಾರುಕಟ್ಟೆಯಲ್ಲಿ ಅಗ್ಗದ ಬೆಲೆಯಲ್ಲಿ ದೊರೆಯುತ್ತವೆ. ದೆಹಲಿಯ ಪ್ರವಾಸಕ್ಕೆ ಹೋದಾಗ ಈ ಮಾರುಕಟ್ಟೆಗಳಿಗೆ ಹೋಗಿ ಶಾಪಿಂಗ್‌ ಮಾಡುವುದನ್ನು ಮರೆಯದಿರಿ.
ಮದುವೆಯ ಆಭರಣಗಳಿಗಾಗಿ ತಿಲಕ್ ನಗರ
PC:iStock
ದೆಹಲಿಯ ತಿಲಕ್ ನಗರವು ಶಾಪಿಂಗ್‌ಗೆ ಅತ್ಯುತ್ತಮವಾದ ಸ್ಥಳವಾಗಿದೆ.
ಮದುವೆಗೆ ಸಂಬಂಧಿಸಿದ ಅನೇಕ ವಸ್ತುಗಳು ಇಲ್ಲಿ ಸುಲಭವಾಗಿ ಖರೀದಿ ಮಾಡಬಹುದು. ಎಲ್ಲಾ ವಸ್ತುಗಳು ತುಂಬಾನೇ ಡಿಫರೆಂಟ್‌ ಆಗಿರುತ್ತದೆ. ವಧುವಿನ ಆಭರಣಗಳನ್ನು ಖರೀದಿ ಮಾಡಲು ಅಥವಾ ಬಾಡಿಗೆಗೆ ಪಡೆಯಲು ತಿಲಕ್ ನಗರಕ್ಕೆ ಹೋಗಿ. ಸುಮಾರು 2000 ದಿಂದ 6000 ದ ಒಳಗೆ ಉತ್ತಮ ದರ್ಜೆಯ ಬ್ರೈಡಲ್ ಸೆಟ್‌ಗಳು ದೊರೆಯುತ್ತವೆ.
ಇಲ್ಲಿಗೆ ತಲುಪಲು ನೀವು ಮೆಟ್ರೋ ಸಹಾಯವನ್ನು ತೆಗೆದುಕೊಳ್ಳಬಹುದು. ನೀವು ಖಾಸಗಿ ಕ್ಯಾಬ್ ಮೂಲಕವೂ ತಿಲಕ್ ನಗರಕ್ಕೆ ತೆರಳಬಹುದು.
ರಾಜೌರಿ ಗಾರ್ಡನ್
PC:iStock
ದೆಹಲಿಯ ಮತ್ತೊಂದು ಅದ್ಭುತವಾದ ಶಾಪಿಂಗ್‌ ತಾಣವೆಂದರೆ ಅದು ರಾಜೌರಿ ಗಾರ್ಡನ್. ಇಲ್ಲಿ ಕೇವಲ ಬ್ರೈಡಲ್ ಸೆಟ್‌ಗಳು ಮಾತ್ರವಲ್ಲ, ಏರ್‌ಪಿನ್‌ನಿಂದ ಹಿಡಿದು ಭಾರವಾದ ಲೆಹೆಂಗಾಗಳವರೆಗೆ ದೊರೆಯುತ್ತದೆ. ಚೌಕಾಸಿ ಮಾಡುವ ಕಲೆ ನಿಮಗೆ ಗೊತ್ತಿದ್ದರೆ ಸಾಕು ರಾಚೌರಿ ಗಾರ್ಡನ್‌ನಲ್ಲಿ ಅಗ್ಗದ ಬೆಲೆಯಲ್ಲಿ ಸಾಕಷ್ಟು ವಸ್ತುಗಳನ್ನು ಖರೀದಿಸಬಹುದು.
ಈ ಮಾರುಕಟ್ಟೆಗೆ ತಲುಪಲು ನೀವು ಮೆಟ್ರೋವನ್ನು ಪಡೆಯಬಹುದು. ಇಲ್ಲಿಗೆ ಸಮೀಪದ ಮೆಟ್ರೋ ನಿಲ್ದಾಣದ ಹೆಸರು ರಾಜೌರಿ ಗಾರ್ಡನ್.
ಉತ್ತಮ್ ನಗರ
PC:iStock
ದೆಹಲಿಯ ಉತ್ತಮ್ ನಗರವು ಕೂಡ ಅಗ್ಗದ ಮತ್ತು ಬಜೆಟ್ ಸ್ನೇಹಿ ಶಾಪಿಂಗ್‌ಗೆ ಬಹಳ ಸೂಕ್ತವಾದ ತಾಣವಾಗಿದೆ. ದೆಹಲಿಯ ಮಂದಿಗೆ ಫೇವರೆಟ್‌ ತಾಣಗಳಲ್ಲಿ ಈ ಉತ್ತಮ್ ನಗರವು ಒಂದು. ಉತ್ತಮ್ ನಗರದ ಆರ್ಯ ಸಮಾಜ ರಸ್ತೆಯಲ್ಲಿ ಶಾಪಿಂಗ್‌ ಮಾಡಿ. ದೊಡ್ಡ ಸಂಖ್ಯೆಯ ಜನಸಂದಣಿಯನ್ನು ನೀವು ನೋಡಬಹುದು. ಅತಿ ಕಡಿಮೆ ಬೆಲೆಯಲ್ಲಿ ವಧುವಿಗೆ ಅಭರಣಗಳು ದೊರೆಯುತ್ತವೆ. ಹಾಗೆಯೇ ಅತ್ಯುತ್ತಮವಾದ ಅಲಂಕಾರಿಕ ವಸ್ತುಗಳು, ಪಾರ್ಟಿ ವೇರ್‌ ಸೀರೆಗಳು ದೊರೆಯುತ್ತವೆ. ಇಲ್ಲಿಗೆ ತಲುಪಲು ಸಮೀಪದ ಮೆಟ್ರೋ ನಿಲ್ದಾಣವೆಂದರೆ, ಉತ್ತಮ್ ನಗರ ಪಶ್ಚಿಮ ಮತ್ತು ಉತ್ತಮ್ ನಗರ ಪೂರ್ವ.
ಇದನ್ನೂ ಓದಿ: ಪ್ರವಾಸ ಮಾಡುವುದಾದರೆ ಇಂತಹ ತಾಣಗಳ ಪ್ರವಾಸ ಮಾಡಬೇಕಂತೆ…!
ಚಾಂದಿನಿ ಚೌಕ್
PC:iStock
ಮುಖ್ಯವಾಗಿ ದೆಹಲಿಯ ಈ ಚಾಂದಿನಿ ಚೌಕ್ ಜನಪ್ರಿಯ ಶಾಪಿಂಗ್‌ ತಾಣವಾಗಿದೆ. ಇಲ್ಲಿ ದೊರೆಯದ ವಸ್ತುಗಳೇ ಇಲ್ಲ ಎನ್ನಬಹುದು. ಪುರುಷರಿಗೆ ಹಾಗು ಮಹಿಳೆಯರಿಗೆ ತರಾವರಿ ವಸ್ತುಗಳನ್ನು ಖರೀದಿ ಮಾಡಬಹುದು.
ಇಲ್ಲಿ ಲೆಹೆಂಗಾ-ಸೀರೆ ಅಥವಾ ಸೂಟ್‌ಗೆ ಹೆಚ್ಚು ಪ್ರಸಿದ್ಧವಾಗಿದೆ. ವಧುವಿನ ಆಭರಣಗಳು ಸಹ ಇಲ್ಲಿ ತುಂಬಾ ಅಗ್ಗವಾಗಿದೆ. ದೆಹಲಿಯಲ್ಲಿ ಶಾಪಿಂಗ್‌ ಮಾಡಲು ನೀವು ಬಯಸಿದರೆ ಖಂಡಿತವಾಗಿಯು ಚಾಂದಿನಿ ಚೌಕ್‌ಗೆ ಭೇಟಿ ನೀಡಿ.
ಇದನ್ನೂ ಓದಿ: ಮಹಿಳೆಯರ ದಿನಾಚರಣೆ: ಮಹಿಳೆಯರು ಒನ್‌ ಡೇ ಟ್ರಿಪ್‌ ಮಾಡಲು ಸೂಕ್ತ ಈ ತಾಣಗಳು