ಒಂದು ವೇಳೆ ನೀವು ಮೊದಲ ಬಾರಿಗೆ ವಿಮಾನದಲ್ಲಿ ಪ್ರಯಾಣಿಸುತ್ತಿದ್ದರೆ ಅಥವಾ ಹೊಸ ವರ್ಷದಂದು ಫ್ಲೈಟ್‌ನಲ್ಲಿ ಪ್ರಯಾಣಿಸುವವರು ಅಪ್ಪಿತಪ್ಪಿಯೂ ಈ 5 ವಸ್ತುಗಳನ್ನು ಒಯ್ಯಬೇಡಿ. ಇದರಿಂದ ತೊಂದರೆಗೆ ಸಿಲುಕುತ್ತೀರಿ.
ಬಹುತೇಕರು ಹೊಸ ವರ್ಷದಂದು ಭಾರತದ ಇತರ ಭಾಗಗಳಿಗೆ ಅಥವಾ ವಿದೇಶಗಳಿಗೆ ಪ್ರಯಾಣಿಸುವ ಮೂಲಕ ಅಲ್ಲಿ ಕೆಲವು ವಸ್ತುಗಳನ್ನು ಶಾಪಿಂಗ್‌ ಮಾಡಿ ತಮ್ಮ ಲಗೇಜ್‌ನಲ್ಲಿ ಸೇರಿಸುತ್ತಾರೆ. ಆದರೆ ಕೆಲವು ವಸ್ತುಗಳನ್ನು ವಿಮಾನಗಳಲ್ಲಿ ಒಯ್ಯುವಂತಿಲ್ಲ ಎಂಬ ವಿಷಯ ನಿಮಗೆ ತಿಳಿದಿರಲಿ….
ಹೌದು, ಕೆಲವು ವಸ್ತುಗಳನ್ನು ವಿಮಾನದಲ್ಲಿ ಸಾಗಿಸುವುದನ್ನು ನಿಷೇಧಿಸಲಾಗಿದೆ. ಒಂದು ವೇಳೆ ನೀವು ಸಿಕ್ಕಿಬಿದ್ದರೆ, ಕಠಿಣ ಕ್ರಮಕ್ಕೆ ಒಳಗಾಗಬೇಕಾಗುತ್ತದೆ. ಆಗ ನಿಮಗೆ ಅಳುವುದನ್ನು ಬಿಟ್ಟು ಬೇರೆ ದಾರಿಯೇ ಇರುವುದಿಲ್ಲ. ಆದ್ದರಿಂದ ನೀವು ಯಾವ ವಸ್ತುಗಳನ್ನು ತೆಗೆದುಕೊಳ್ಳಬಾರದು ಎಂಬುದನ್ನು ನಾವು ಇಲ್ಲಿ ವಿವರಿಸಿದ್ದೇವೆ ಓದಿ. PC: Unsplash
ಚೂಪಾದ ವಸ್ತುಗಳನ್ನು ನಿಷೇಧಿಸಲಾಗಿದೆ
ನಿಮಗಿದು ತಿಳಿದಿರಲಿ, ವಿಮಾನಗಳಲ್ಲಿ ಯಾವುದೇ ಕಾರಣಕ್ಕೂ ಚೂಪಾದ ವಸ್ತುಗಳನ್ನು ಒಯ್ಯುವಂತಿಲ್ಲ. ಯಾವುದೇ ತೀಕ್ಷ್ಣವಾದ ವಸ್ತುಗಳನ್ನು ವಿಮಾನದ ಒಳಗೆ ಪ್ರವೇಶಿಸುವಂತಿಲ್ಲ ಎಂಬ ನಿಯಮವಿದೆ.
ಉದಾಹರಣೆಗೆ, ಬ್ಲೇಡ್‌ಗಳು, ಕಟ್ಟರ್‌ಗಳು, ನೇಲ್ ಕಟರ್‌ಗಳು, ಫೈಲರ್‌ಗಳು, ಚಾಕು ಅಥವಾ ಯಾವುದೇ ಚೂಪಾದ ವಸ್ತುವನ್ನು ಒಳಗೊಂಡಿರಬಹುದು.
ತಪಾಸಣೆಯ ಸಮಯದಲ್ಲಿ, ಈ ಎಲ್ಲಾ ವಸ್ತುಗಳನ್ನು ತೆಗೆದುಹಾಕಲಾಗುತ್ತದೆ ಮತ್ತು ವಿಮಾನ ನಿಲ್ದಾಣ ಪ್ರಾಧಿಕಾರದಲ್ಲಿ ಠೇವಣಿ ಮಾಡಲಾಗುತ್ತದೆ. ಇದರಿಂದಾಗಿ ನೀವು ವಿಮಾನ ನಿಲ್ದಾಣದ ಸಿಬ್ಬಂದಿಯೊಂದಿಗೆ ವಾಗ್ವಾದಕ್ಕೆ ಇಳಿಯುತ್ತೀರಿ, ಸಹಜವಾಗಿಯೇ ನಿಮ್ಮ ಸಮಯ ವ್ಯರ್ಥವಾಗುತ್ತದೆ. PC: Unsplash
ದ್ರವ ಅಥವಾ ಮದ್ಯವನ್ನು ಸಾಗಿಸಲು ಸಾಧ್ಯವಿಲ್ಲ
ತುಂಬಾ ಅಗ್ಗದ ಬೆಲೆಯಲ್ಲಿ ಖರೀದಿ ಮಾಡಿದ ಮದ್ಯಪಾನವನ್ನು ನಿಮ್ಮ ಬ್ಯಾಗ್‌ನಲ್ಲಿ ಸಾಗಿಸಿದರೆ ತೊಂದರೆಗೆ ಸಿಲುಕುತ್ತೀರಿ.
ಕೇವಲ ಮದ್ಯಪಾನ ಮಾತ್ರವಲ್ಲ ವಿಮಾನದಲ್ಲಿ ನೀವು 100 ಎಂಎಂ ವರೆಗೆ ಹಾಲು ಅಥವಾ ಇತರ ದ್ರವ ಪದಾರ್ಥಗಳನ್ನು ಮಕ್ಕಳೊಂದಿಗೆ ಆರಾಮವಾಗಿ ಸಾಗಿಸಬಹುದು. ಆದರೆ ನೀವು ಒಂದು ನಗರದಿಂದ ಇನ್ನೊಂದು ನಗರಕ್ಕೆ ಮದ್ಯ ಅಥವಾ ಇನ್ನಾವುದೇ ದ್ರವ ಪದಾರ್ಥವನ್ನು ಕೊಂಡೊಯ್ಯುತ್ತಿದ್ದರೆ, ತಪಾಸಣೆಯ ಸಮಯದಲ್ಲಿ ಅದನ್ನು ಕ್ಯಾಬಿನ್ ಬ್ಯಾಗೇಜ್‌ನಲ್ಲಿ ಸಾಗಿಸಲಾಗುವುದಿಲ್ಲ. ಔಷಧಿಗಳ ಜೊತೆಗೆ, ನೀವು ಯಾವುದೇ ರೀತಿಯ ದ್ರವವನ್ನು ನಿಮ್ಮೊಂದಿಗೆ ಸಾಗಿಸಲು ಸಾಧ್ಯವಿಲ್ಲ. PC: Unsplash
ಎರಡು ಲ್ಯಾಪ್‌ಟಾಪ್‌ಗಳನ್ನು ಒಯ್ಯುವುದನ್ನು ತಪ್ಪಿಸಿ
ಬಹುತೇಕರು ಸ್ವಂತ ಹಾಗೂ ಕಛೇರಿಯ ಎರಡು ಲ್ಯಾಪ್‌ಟಾಪ್‌ಗಳನ್ನು ವಿಮಾನದಲ್ಲಿ ಒಯ್ಯುತ್ತಾರೆ. ಬಹುಶಃ ಅದು ನಿಮಗೆ ದುಬಾರಿಯಾಗಬಹುದು, ಏಕೆಂದರೆ ವಿಮಾನದಲ್ಲಿ ಒಂದು ಲ್ಯಾಪ್‌ಟಾಪ್ ಸಾಗಿಸಲು ನಿಮಗೆ ಅನುಮತಿ ಇದೆ. ಆದರೆ ನೀವು ಎರಡು ಲ್ಯಾಪ್‌ಟಾಪ್‌ಗಳನ್ನು ತೆಗೆದುಕೊಂಡರೆ, ಅದು ಸಾಧ್ಯವೇ ಇಲ್ಲ. ಪ್ರತಿಯೊಂದು ಏರ್‌ಲೈನ್ ತನ್ನದೇ ಆದ ನಿಯಮಗಳನ್ನು ಹೊಂದಿದ್ದರೂ,
ಪ್ರಯಾಣಿಸುವ ಮೊದಲು ಮಾರ್ಗಸೂಚಿಗಳನ್ನು ಒಮ್ಮೆ ಪರೀಕ್ಷಿಸಲು ಮರೆಯದಿರಿ. PC: Unsplash
ಅನಿಲ ಅಥವಾ ಸ್ಫೋಟಕ ವಸ್ತುಗಳನ್ನು ನಿಷೇಧಿಸಲಾಗಿದೆ
ವಿಮಾನದಲ್ಲಿ ಯಾವುದೇ ಕಾರಣಕ್ಕೂ ಅನಿಲ ಅಥವಾ ಸ್ಫೋಟಕ ವಸ್ತುಗಳನ್ನು ತೆಗೆದುಕೊಂಡು ಹೋಗುವಂತಿಲ್ಲ. ಕೆಲವೊಮ್ಮೆ ವಿಮಾನದಲ್ಲಿ ಪ್ರಯಾಣಿಸುವಾಗ, ಆಕಸ್ಮಿಕವಾಗಿ ಗ್ಯಾಸ್ ತುಂಬಿದ ಲೈಟರ್, ಮ್ಯಾಚ್‌ಬಾಕ್ಸ್ ಅಥವಾ ಯಾವುದೇ ಸ್ಫೋಟಕ ವಸ್ತುಗಳು ಅಪಾಯವನ್ನು ತೊಂದೊಡ್ಡಬಹುದು. ತಪಾಸಣೆಯ ಸಮಯದಲ್ಲಿ ನಿಮ್ಮ ಲಗೇಜ್‌ನಿಂದ ಇವೆಲ್ಲವನ್ನೂ ತೆಗೆದುಹಾಕಲಾಗುತ್ತದೆ ಮತ್ತು ಯಾವುದೇ ಗಂಭೀರ ಸಾಮಾನು ಕಂಡುಬಂದಲ್ಲಿ ನೀವು ಮತ್ತಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು ಎಂಬುದನ್ನು ನಾವು ನಿಮಗೆ ಹೇಳುತ್ತೇವೆ. PC: Unsplash
ಮಾಂಸ ಅಥವಾ ತರಕಾರಿಗಳನ್ನು ಅನುಮತಿಸಲಾಗುವುದಿಲ್ಲ
ನೀವು ಪ್ರಯಾಣಿಸುವಾಗ ಮಾಂಸ ಅಥವಾ ತರಕಾರಿಗಳಂತಹ ಆಹಾರ ಪದಾರ್ಥಗಳನ್ನು ನಿಮ್ಮೊಂದಿಗೆ ತೆಗೆದುಕೊಂಡು ಹೋಗುವಂತಿಲ್ಲ. ನಿಮಗಿದು ತಿಳಿದಿರಲಿ, ವಿಮಾನ ನಿಲ್ದಾಣದಲ್ಲಿಯೇ ಇವುಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲಾಗುತ್ತದೆ. ಯಾವುದೇ ಏರ್‌ಲೈನ್‌ನಲ್ಲಿ ಟಿಕೆಟ್‌ಗಳನ್ನು ಕಾಯ್ದಿರಿಸುವಾಗ, ಖಂಡಿತವಾಗಿಯೂ ಅಲ್ಲಿನ
ಮಾರ್ಗಸೂಚಿಗಳನ್ನು ಓದುವುದು ಬಹಳ ಅವಶ್ಯಕ. PC: Unsplash