ಕರ್ನಾಟಕದ ಕೊಪ್ಪಳದಲ್ಲಿ ಮನಸೋರೆಗೊಳ್ಳುವ ಪ್ರವಾಸಿ ಸ್ಥಳಗಳಿವೆ…!

PC:SWE-Yaatrik

ಕೊಪ್ಪಳದಲ್ಲಿ ಐತಿಹಾಸಿಕ ಕೊಪ್ಪಳ ಕೋಟೆ ಇದೆ. ಇದು ದೇಶದಲ್ಲಿರುವ ಪ್ರಬಲವಾದ ಕೋಟೆಗಳಲ್ಲಿ ಒಂದು ಎಂದು ಪರಿಗಣಿಸ್ಪಟ್ಟಿದೆ. ಈ ಭದ್ರವಾದ ಕೋಟೆ ಯಾರು ನಿರ್ಮಿಸಿದರು ಎಂಬುದರ ಬಗ್ಗೆ ಇನ್ನು ಗೊಂದಲವಿದೆ. ಆದಾಗ್ಯೂ, 1786 ರ ಸಮಯದಲ್ಲಿ ಟಿಪ್ಪು ಸುಲ್ತಾನ್‌ ಸ್ವಾಧೀನಪಡಿಸಿಕೊಂಡರು. ಅಷ್ಟೇ ಅಲ್ಲ, ಫ್ರೆಂಚ್‌ ಇಂಜಿನಿಯರ್‌ಗಳ ಸಹಾಯದಿಂದ ಕೋಟೆಯನ್ನು ಪುನರ್ ನಿರ್ಮಿಸಿದರು ಎನ್ನಲಾಗಿದೆ. ಕೊಪ್ಪಳ ಪ್ರವಾಸ ಯೋಜಿಸುವವರು ತಪ್ಪದೇ ಈ ಕೋಟೆಗೆ ಭೇಟಿ ನೀಡಿ.

PC:User:Indiancorrector

ಆನೆಗುಂದಿಯನ್ನು ಹಂಪಿಗಿಂತ ಹೆಚ್ಚು ಪುರಾತನವಾದುದು ಎಂದು ಹೇಳಲಾಗುತ್ತದೆ. ಪೌರಾಣಿಕ ಕಥೆಗಳಲ್ಲಿಯು ಈ ಆನೆಗುಂಡಿ ಅಥವಾ ಆನೆಗುಂದಿಯ ಬಗ್ಗೆ ಉಲ್ಲೇಖವಿದೆ. ಇಲ್ಲಿ ಕೂಡ ಅನೇಕ ಪುರಾತನವಾದ ದೇವಾಲಯ ಹಾಗು ಕೋಟೆಗಳನ್ನು ನೋಡಬಹುದು. ಆನೆಗುಂದಿಯಲ್ಲಿ ಪಂಪಾ ಸರೋವರ, ಚಿಂತಾಮಣಿ ದೇವಾಲಯ ಹಾಗು ರಂಗನಾಥ ದೇವಾಲಯ ತುಂಬಾನೇ ಜನಪ್ರಿಯವಾಗಿದೆ.

PC:User:Indiancorrector

ಪಂಪಾ ಸರೋವರ: ಆನೆಗುಂದಿಯಲ್ಲಿರುವ ಅಹ್ಲಾದಕರವಾದ ಸರೋವರ ಇದಾಗಿದೆ. ಭಾರತದ ಪವಿತ್ರವಾದ 5 ಸರೋವರಗಳಲ್ಲಿ ಇದು ಕೂಡ ಒಂದು. ಕೊಪ್ಪಳಕ್ಕೆ ಹೋಗುವ ಮಂದಿ ಈ ಪಂಪಾ ಸರೋವರದಂತಹ ನಿರ್ಮಲವಾದ ತಾಣಕ್ಕೆ ಹೋಗಬಹುದು.

ಸಣಾಪುರ ಕೆರೆ: ಹಂಪಿಯ ಬಳಿ ಇರುವ ಈ ಕೆರೆಯು ಸುತ್ತಮುತ್ತಲಿನ ಅದ್ಭುತವಾದ ದೃಶ್ಯಾವಳಿಗಳಿಗೆ ಹೆಸರುವಾಸಿಯಾಗಿದೆ. ತೆಪ್ಪದಲ್ಲಿ ಸವಾರಿ ಮಾಡಲು ನೀವು ಬಯಸಿದರೆ ಖಂಡಿತವಾಗಿಯು ಸಣಾಪುರ ಕೆರೆಯಲ್ಲಿ ಕೈಗೊಳ್ಳಿ.

ಇದನ್ನೂ ಓದಿ:ಬಿಡದಿಯ ಸಮೀಪದಲ್ಲಿ 5 ಪ್ರವಾಸಿ ಆಕರ್ಷಣೆಗಳಿವೆ ಗೊತ್ತಾ?

PC:Pixabay

ಕೊಪ್ಪಳದಲ್ಲಿ ಸಾಕಷ್ಟು ಮೋಜಿನ ತಾಣಗಳಿವೆ. ಹಂಪಿಯ ಸಮೀಪದಲ್ಲಿರುವ ಕಿಷ್ಕಿಂದಾ ವಾಟರ್‌ ಪಾರ್ಕ್‌ಗೆ ನೀವು ಹೋಗಬಹುದು. ಈ ಉದ್ಯಾನವು ಸುಮಾರು 8 ಎಕರೆ ಪ್ರದೇಶದಲ್ಲಿ ಹರಡಿದೆ. ಸಾಕಷ್ಟು ನೀರಿನ ಸ್ಲೈಡ್‌ಗಳು, ಈಜುಕೊಳಗಳು, ಮಕ್ಕಳ ಉದ್ಯಾನವನ, ಆಟದ ಮೈದಾನ, ಪೆಡಲ್‌ ಬೋಟಿಂಗ್‌ ಸೇರಿದಂತೆ ಇನ್ನು ಅನೇಕ ರೋಮಾಂಚಕ ಆಯ್ಕೆಗಳಿವೆ.

ಜಪಾನೀಸ್‌ ಮಾದರಿಯ ಅಲಂಕಾರಿಕ ಉದ್ಯಾನಕ್ಕೆ ಹೋಗಲು ಮುನಿರಾಬಾದ್‌ ಬಳಿ ಪಿಕ್ನಿಕ್‌ ಯೋಜಿಸಿ. ಕುಟುಂಬ ಸಮೇತ ಪ್ರವಾಸ ಮಾಡಲು ಇದು ಸೂಕ್ತವಾದ ತಾಣವಾಗಿದೆ.

ಇದನ್ನೂ ಓದಿ:​ಮಕ್ಕಳಿಗೆ ಖುಷಿ ನೀಡುತ್ತವೆ ಬೆಂಗಳೂರಿನ ಈ ತಾಣಗಳು

PC:User:Indiancorrector -

ಕೊಪ್ಪಳದಲ್ಲಿ ಮಹಾಮಾಯ ದೇವಾಲಯ, ನವಲಿಂಗ ಸ್ವಾಮಿ ದೇವಾಲಯ, ಕನಕಗಿರಿಯ ಕನಕ ಮುನಿ ಸ್ಥಳ, ಹುಲಿಗೆಮ್ಮ ದೇವಿ ದೇವಾಲಯ, ಗವಿಮಠ ಮತ್ತು ಪಾಲ್ಕಿಗುಂಡು ಅಶೋಕನ ಶಾಸನ, ಚಿಂತಾಮಣಿ ದೇವಸ್ಥಾನ ಸೇರಿದಂತೆ ಇನ್ನು ಅನೇಕ ಧಾರ್ಮಿಕ ತಾಣಗಳಿವೆ.

ಇದನ್ನೂ ಓದಿ: ಒಂದೇ ರಾತ್ರಿ…ಭೂತಗಳು ನಿರ್ಮಿಸಿದ ಹಾಗು ಭಯಾನಕ ದೇವಾಲಯಗಳು ನಮ್ಮ ಭಾರತದಲ್ಲಿವೆ