ಆ್ಯಪ್ನಗರ

ಬೆಂಗಳೂರು ಸಮೀಪದ ಅಮ್ಯೂಸ್‌ಮೆಂಟ್ ಪಾರ್ಕ್‌ಗಳಿವು…! ಮಕ್ಕಳ ಜೊತೆ ಹೋಗಲು ಪ್ಲಾನ್‌ ಮಾಡಿ

Authored by ಸೌಮ್ಯ ಟೇಮ್ಕರ್ | Vijaya Karnataka Web 1 Apr 2023, 5:00 pm

PC: Pixabay

ಎಕ್ಸಾಂಗಳು ಈಗಾಗಲೇ ಬಹುತೇಕ ಮಕ್ಕಳಿಗೆ ಮುಗಿದಿದೆ. ಈ ಬೇಸಿಗೆಯಲ್ಲಿ ನೀರಿರುವ ತಾಣಕ್ಕೆ ಹೋಗಿ ಎಂಜಾಯ್‌ ಮಾಡಲು ನೀವು ಪ್ರವಾಸವೇ ಮಾಡುಬೇಕು ಎಂದೇನಿಲ್ಲ. ಬದಲಾಗಿ ಪ್ರವಾಸಕ್ಕೆ ಹಾಕುವ ಹಣವನ್ನು ಬೆಂಗಳೂರು ಸಮೀಪದ ಕೆಲವು ಅಮ್ಯೂಸ್‌ಮೆಂಟ್ ಪಾರ್ಕ್ಗಳ ಟಿಕೆಟ್‌ಗೆ ನೀಡಿದರೆ ಅಂತ್ಯವಿಲ್ಲದೇ ಎಂಜಾಯ್ ಮಾಡಬಹುದು.

ಬೆಂಗಳೂರಿನಲ್ಲಿ ಸಾಕಷ್ಟು ಮನರಂಜನಾತ್ಮಕ ವಾಟರ್ ಹಾಗು ಥೀಮ್‌ ಪಾರ್ಕ್‌ಗಳಿವೆ. ಅವುಗಳಲ್ಲಿ ವಂಡರ್ಲಾ, ಇನ್ನೋವೇಟಿವ್ ಫಿಲ್ಮ್ ಸಿಟಿ, ಫನ್ ವರ್ಲ್ಡ್ ಅಮ್ಯೂಸ್‌ಮೆಂಟ್ ಪಾರ್ಕ್, ಸ್ನೋ ಸಿಟಿ, ನೀಲಾದ್ರಿ ಅಮ್ಯೂಸ್‌ಮೆಂಟ್ ಪಾರ್ಕ್, ಫ್ಯಾಂಟಸಿ ಲಗೂನ್ ವಾಟರ್ ಪಾರ್ಕ್, ಎಕ್ಸ್‌ಟ್ರೀಮ್ ಜೋನ್ ಗೆಟ್‌ವೇಜ್, ವಾಟರ್ ವರ್ಲ್ಡ್, ಸ್ಟಾರ್ ಸಿಟಿ ಅಮ್ಯೂಸ್‌ಮೆಂಟ್ ಪಾರ್ಕ್ ಇನ್ನು ಅನೇಕ ಎಂದೇ ಹೇಳಬಹುದು.

Vijaya Karnataka Web unlimited water park near bangalore
ಬೆಂಗಳೂರು ಸಮೀಪದ ಅಮ್ಯೂಸ್‌ಮೆಂಟ್ ಪಾರ್ಕ್‌ಗಳಿವು…! ಮಕ್ಕಳ ಜೊತೆ ಹೋಗಲು ಪ್ಲಾನ್‌ ಮಾಡಿ


ವಂಡರ್ಲಾ​

PC: Pixabay

ಅಮ್ಯೂಸ್‌ಮೆಂಟ್ ಪಾರ್ಕ್‌ ಎಂದಾಕ್ಷಣ ತಟ್ಟನೆ ನೆನಪಾಗುವುದೇ ವಂಡರ್ಲಾ. ಚಿಕ್ಕವರು ಹಾಗು ದೊಡ್ಡವರಿಗೆ ಅನೇಕ ಸವಾರಿಗಳನ್ನು ಅಚ್ಚುಕಟ್ಟಾಗಿ ಇಲ್ಲಿ ಜೋಡಿಸಲಾಗಿದೆ. ನೀರಿನ ಸ್ಲೈಡ್‌ಗಳು, ರೈನ್‌ ಡ್ಯಾನ್ಸ್‌, ಮೋಜಿನ ಸವಾರಿಗಳು, ಎದೆ ಝಲ್‌ ಎನ್ನಿಸುವ ಸಾಹಸಗಳು ಅಬ್ಬಾ…! ಒಂದು ದಿನ ಇಲ್ಲಿನ ಎಲ್ಲಾ ರೈಡ್‌ಗಳನ್ನು ಆನಂದಿಸಲು ಸಮಯ ಸಾಕಾಗುವುದಿಲ್ಲ ಎಂದೇ ಹೇಳಬಹುದು.

ತರಂಗ ಪೂಲ್‌ಗಳು, ರೈನ್ ಡಿಸ್ಕೋ, ವರ್ಟಿಕಲ್ ವಾಟರ್ ರೈಡ್‌ಗಳು ಮತ್ತು ಪ್ಲೇ ಪೂಲ್‌ಗಳು ಇಲ್ಲಿವೆ. ಹಾಗೆಯೇ ರುಚಿಕರವಾದ ಆಹಾರಗಳನ್ನು ಒದಗಿಸುವ ರೆಸ್ಟೋರೆಂಟ್‌ ಇಲ್ಲಿದೆ.

ಇನ್ನೋವೆಟಿವ್‌ ಫಿಲ್ಮ್‌ ಸಿಟಿ

PC: Pixabay

ಇನ್ನೋವೆಟಿವ್‌ ಫಿಲ್ಮ್‌ ಸಿಟಿ ದೊಡ್ಡವರಿಗಿಂತ ಹೆಚ್ಚಾಗಿ ಮಕ್ಕಳಿಗೆ ಹೆಚ್ಚು ಇಷ್ಟವಾಗುತ್ತದೆ. ಇದು ಕೂಡ ಅನೇಕ ಮೋಜಿನ ಸವಾರಿಗಳನ್ನು ಹೊಂದಿದೆ. ಯುರೋಪಿಯನ್ ಮತ್ತು ರೋಮ್ ವಾಸ್ತುಶಿಲ್ಪದ ಸಾರವು ನೋಡಬಹುದು. ಸಿನಿಮಾಗಳ ಶೂಟಿಂಗ್ ಸ್ಪಾಟ್, ಬಿಗ್‌ ಬಾಸ್‌ ಮನೆ, ಮೋಜಿನ ಸವಾರಿಗಳು ಇಲ್ಲಿವೆ.

ಇಲ್ಲಿನ ಪ್ರಮುಖ ಆಕರ್ಷಣೆಗಳೆಂದರೆ ಡೈನೋಸಾರ್ ಪಾರ್ಕ್, ಮಿರರ್ ಮೇಜ್, ಟುಸ್ಸಾಡ್ಸ್ ವ್ಯಾಕ್ಸ್ ಮ್ಯೂಸಿಯಂ, 4 ಡಿ ಥಿಯೇಟರ್ ಮತ್ತು ಕಾರ್ಟೂನ್ ಸಿಟಿ ಇನ್ನು ಅನೇಕ.

ಸ್ನೋ ಸಿಟಿ

PC: Pixabay

ಬೆಂಗಳೂರಿನಲ್ಲಿರುವ ಜನಪ್ರಿಯ ಮೋಜಿನ ತಾಣಗಳಲ್ಲಿ ಸ್ನೋ ಸಿಟಿ ಕೂಡ ಒಂದು. ಸ್ನೋ ಸಿಟಿಗೆ ಬೇಸಿಗೆಯಲ್ಲಿ ಹೋಗುವುದು ರೋಮಾಂಚಕ ಅನುಭೂತಿಯನ್ನು ಉಂಟು ಮಾಡುತ್ತದೆ. ನೃತ್ಯ, ಬೈಲಿಂಗ್, ಸ್ಲೈಡಿಂಗ್ ಅಥವಾ ಜೋರ್ಬಿಂಗ್ ಕೈಗೊಳ್ಳಬಹುದು. ಮಕ್ಕಳಿಗಂತು ಈ ತಾಣ ಹಿಡಿಸುವುದರಲ್ಲಿ ಯಾವುದೇ ಅನುಮಾನವಿಲ್ಲ.

ಇದು ಬೆಂಗಳೂರಿನಲ್ಲಿರುವ ಈ ವಿಶಿಷ್ಟ ಮನೋರಂಜನಾ ಉದ್ಯಾನವನವಾಗಿದ್ದು, ಹಿಮ ಪ್ರಾಣಿಗಳು, ಇಗ್ಲೂಗಳು, ಸ್ಲೈಡ್‌ಗಳು ಮತ್ತು ಸುಂದರವಾಗಿ ವಿನ್ಯಾಸಗೊಳಿಸಲಾದ ಹಿಮ ಕೋಟೆಗಳನ್ನು ನೋಡಬಹುದು.

ನೀಲಾದ್ರಿ ಅಮ್ಯೂಸ್‌ಮೆಂಟ್ ಪಾರ್ಕ್

PC: Pixabay

ಬೆಂಗಳೂರು ಸಮೀಪದಲ್ಲಿ ನೀಲಾದ್ರಿ ಅಮ್ಯೂಸ್‌ಮೆಂಟ್ ಪಾರ್ಕ್‌ ಇದೆ. ಇದು ಕೂಡ ನೀರಿನ ಸ್ಲೈಡ್‌ಗಳಿಗೆ ತುಂಬಾನೇ ಜನಪ್ರಿಯವಾಗಿದೆ. ಬೇಸಿಗೆಯಲ್ಲಿ ನೀರಿನಲ್ಲಿ ಅಡ್ಡಾಡಲು ಇಂತಹ ತಾಣಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು. ರೋಮಾಂಚಕ ಸವಾರಿಗಳು, ವಾಟರ್ ಸ್ಲೈಡ್‌ಗಳು ಇಲ್ಲಿ ಸಾಕಷ್ಟು ಜನಪ್ರಿಯವಾಗಿವೆ. ಈ ಸ್ಥಳವು ನಿಮಗೆ ಅತ್ಯಂತ ಮನರಂಜನೆಯ ಅನನ್ಯ ಅನುಭವವನ್ನು ಒದಗಿಸುತ್ತದೆ.

ಇದನ್ನೂ ಓದಿ: ಭಾಗ 2: ನಿಮ್ಮ ವಾರಾಂತ್ಯಕ್ಕೆ ಈ ಅಮ್ಯೂಸ್‌ಮೆಂಟ್‌ ಪಾರ್ಕ್ಸ್‌…!

ಜವಾಹರ್ ಬಾಲ ಭವನ್‌

PC: Pixabay

ಕಡಿಮೆ ಪ್ರವೇಶ ಶುಲ್ಕವಿರುವ ಸ್ಥಳಗಳಗೆ ಮಕ್ಕಳನ್ನು ಕರೆದೊಯ್ಯಲು ಜವಾಹರ್ ಬಾಲ ಭವನಕ್ಕೆ ಕರೆದುಕೊಂಡು ಹೋಗಿ. ಇಲ್ಲಿ ಟಾಯ್‌ ಟ್ರೈನ್‌ಗಳು, ಮರದ ಮನೆಗಳು, ದೋಣಿಗಳಿಂದ ತುಂಬಿದ ಸ್ನೇಹಶೀಲ ಪುಟ್ಟ ಮನರಂಜನಾ ಮನೆ, ಮ್ಯೂಸಿಯಂ ಸೇರಿದಂತೆ ಇನ್ನು ಸಾಕಷ್ಟು ಮನರಂಜನೆಗಳು ಇಲ್ಲಿವೆ.

ಇದನ್ನೂ ಓದಿ: ಭಾಗ 1: ನಿಮ್ಮ ವಾರಾಂತ್ಯಕ್ಕೆ ಈ ಅಮ್ಯೂಸ್‌ಮೆಂಟ್‌ ಪಾರ್ಕ್ಸ್‌..!

ಲೇಖಕರ ಬಗ್ಗೆ
ಸೌಮ್ಯ ಟೇಮ್ಕರ್
ಸೌಮ್ಯ ಟೇಮ್ಕರ್ ಅವರು ತಮ್ಮ ಉದ್ಯಮದಲ್ಲಿ 4 ವರ್ಷಗಳ ಅನುಭವ ಹೊಂದಿರುವ ಮಾಧ್ಯಮ ವೃತ್ತಿಪರರಾಗಿದ್ದಾರೆ. ಪ್ರಯಾಣಕ್ಕೆ ಸಂಬಂಧಿಸಿದ ಲೇಖನವನ್ನು ಅಚ್ಚುಕಟ್ಟಾಗಿ ಬರೆಯುವುದರಲ್ಲಿ ಆಸಕ್ತಿ ಹೊಂದಿದ್ದಾರೆ. ಸೌಮ್ಯಾ ಕಥೆಗಳನ್ನು ಹೇಳುವ ಹಾಗು ಪ್ರಯಾಣದ ಅನುಭವವನ್ನು ತಮ್ಮ ಲೇಖನದ ಮೂಲಕ ಹಂಚಿಕೊಳ್ಳಲು ಹೆಚ್ಚು ಇಷ್ಟ ಪಡುತ್ತಾರೆ. ತನ್ನ ವೃತ್ತಿಜೀವನದ ಅವಧಿಯಲ್ಲಿ, ಪ್ರಪಂಚದ ಅನೇಕ ಸ್ಥಳಗಳ ಬಗ್ಗೆ ರಸವತ್ತಾದ ಲೇಖನಗಳನ್ನು ಓದುಗರಿಗಾಗಿ ಬರೆಯುತ್ತಾ ಬಂದಿದ್ದಾರೆ. ಪ್ರವಾಸದಲ್ಲಿ ಹೆಚ್ಚಿನ ಆಸಕ್ತಿ ಹೊಂದಿರುವ ಸೌಮ್ಯ, ಪ್ರಯಾಣಕ್ಕೆ ಸಂಬಂಧಿಸಿದಂತೆ ಕೆಲವೊಂದು ಟಿಪ್ಸ್‌ಗಳನ್ನು ಕೂಡ ಹಂಚಿಕೊಳ್ಳುತ್ತಾರೆ. ವಾಸ್ತವವಾಗಿ, ಆಕೆಯ ಬರವಣಿಗೆಯ ಶೈಲಿಯು ಸ್ಪಷ್ಟ ಮತ್ತು ನಿಖರತೆಯನ್ನು ಹೊಂದಿರುತ್ತದೆ. ಓದುಗರನ್ನು ತನ್ನ ಬರವಣಿಗೆಯಿಂದ ಸೆಳೆಯುವ ವಿಶಿಷ್ಟ ಸಾಮರ್ಥ್ಯ ಆಕೆಯಲ್ಲಿದೆ. ಪ್ರಯಾಣದ ಉತ್ಸಾಹಿಗಳಿಗೆ ಅವಳ ಲೇಖನಗಳನ್ನು ಓದಲೇಬೇಕು ಎನ್ನುವ ಭಾವ ಉಂಟಾಗುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಸೌಮ್ಯಾ ಕೇವಲ ಪ್ರವಾಸಗಳಲ್ಲಿ ಮಾತ್ರ ಅತ್ಯಾಸಕ್ತಿ ಹೊಂದಿರುವ ವ್ಯಕ್ತಿಯಲ್ಲ, ಬದಲಾಗಿ ಕಾದಂಬರಿಗಳನ್ನು ಓದುವುದನ್ನು ಆನಂದಿಸುತ್ತಾಳೆ. ಜೊತೆಗೆ ಪ್ರತಿನಿತ್ಯ ನಡೆಯುವ ರಾಜಕೀಯ ಸುದ್ದಿಗಳ ಮಾಹಿತಿಗಳನ್ನು ಸಂಗ್ರಹಿಸುತ್ತಾಳೆ. ಒಟ್ಟಾರೆ ಸೌಮ್ಯಾ ಜೀವನದ ಬಗ್ಗೆ ವಿಶಿಷ್ಟ ದೃಷ್ಟಿಕೋನವನ್ನು ಹೊಂದಿರುವ ಸುಸಂಬದ್ಧ ವ್ಯಕ್ತಿ.... ಇನ್ನಷ್ಟು ಓದಿ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ