Bigg Boss 6 Episode 17: ಹಾವಿನ ದ್ವೇಷ ಟಾಸ್ಕ್‌ನಲ್ಲಿ ಮಾತಿನ ಚಕಮಕಿಯ ರೋಷ

ಬಿಗ್‌ ಬಾಸ್‌ ಆರನೇ ಆವೃತ್ತಿ ಭಾರಿ ನಿರೀಕ್ಷೆಗಳೊಂದಿಗೆ ಮೂರನೇ ವಾರಕ್ಕೆ ಕಾಲಿಟ್ಟಿದೆ.

ತಂಗಾಳಿಯಲ್ಲಿ ನಾನು ತೇಲಿಬಂದೆ ಎಂಬ ಹಾಡಿನೊಂದಿಗೆ 17ನೇ ದಿನ ಆರಂಭವಾಯಿತು.

ಬಿಗ್‌ ಬಾಸ್‌ ನೀಡಿದ್ದ ಹಾವಿನ ದ್ವೇಷ ಹನ್ನೆರಡು ವರುಷ ಆಟದ ಟಾಸ್ಕ್‌ ಮುಂದುವರಿದಿದೆ.

ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ಎಲ್ಲರೂ ಎಣ್ಣೆ ಹಚ್ಚಿಕೊಂಡು ಸ್ನಾನ ಮಾಡುವಂತೆ ಬಿಗ್‌ ಬಾಸ್‌ ಸೂಚಿಸಿದರು.


ಬುಧವಾರದ ಆಟದಲ್ಲಿ ನಡೆದ ವೇಳೆ ರ‍್ಯಾಪಿಡ್ ರಶ್ಮಿ ಮತ್ತು ಧನರಾಜ್‌ ನಡುವೆ ತೀವ್ರ ಮಾತಿನ ಚಕಮಕಿ ಉಂಟಾಯಿತು. ಬಾಗಿಲು ಮುರಿದ ವಿಷಯವಾಗಿ ಭಾರಿ ಚರ್ಚೆ ನಡೆಯಿತು.

ಎವಿ ರವಿ ಹಾಗೂ ಆನಂದ್‌ಗೆ ಬಿಗ್‌ ಬಾಸ್ ಕೆಲವು ಸವಾಲುಗಳನ್ನು ನೀಡಿದರು. ಆದರೆ ಹಾವಿನ ದ್ವೇಷ ಆಟದಲ್ಲಿ ಆಟಕ್ಕಿಂತ ಸ್ಪರ್ಧಿಗಳ ನಡುವಿನ ಚರ್ಚೆಗೆ ಹೆಚ್ಚು ಒತ್ತು ನೀಡಿದಂತಿತ್ತು. ರಶ್ಮಿ ಮತ್ತು ಜಯಶ್ರಿ, ಕವಿತಾ ನಡುವೆ ಮೊಟ್ಟೆಯ ವಿಷಯವಾಗಿ ಭಾರಿ ಮಾತಿನ ಚಕಮಕಿಯೂ ನಡೆಯಿತು.

ಇದೇ ಸಂದರ್ಭದಲ್ಲಿ ಶಶಿ, ಕವಿತಾಗೆ ಬಿಗ್‌ ಬಾಸ್‌ ಸವಾಲೊಡ್ಡಿದರು. ಆಂಡಿ ಕೆನ್ನೆಗೆ ಮುತ್ತು ನೀಡುವ ಟಾಸ್ಕ್‌ ನೀಡಲಾಯಿತು. ಅದರಂತೆ ಆಂಡಿ ಕೆನ್ನೆಗೆ ಕವಿತಾ ಮುತ್ತು ನೀಡಿದ ನಂತರ ಆಕೆ ಟಾಸ್ಕ್‌ನಲ್ಲಿ ಯಶಸ್ವಿ ಹೊಂದಿದರು.

ಅದರಂತೆ ಸ್ಪರ್ಧಿಗಳಿಗೆ ಈ ಟಾಸ್ಕ್‌ನಲ್ಲಿ ವಿಷ ಸರ್ಪ ಯಾರು ಎಂದು ಕಂಡುಹಿಡಿಯಲು ತಿಳಿಸಲಾಗಿತ್ತು. ರಾಕೇಶ್‌ ಈ ಬಗ್ಗೆ ಹೇಳಿದರು. ಶಶಿ ಮತ್ತು ಕವಿತಾ ಈ ಟಾಸ್ಕ್‌ನಲ್ಲಿ ವಿಷ ಸರ್ಪಗಳಾಗಿದ್ದರು. ಬಿಗ್‌ ಬಾಸ್ ನೀಡಿದ ಸೂಚನೆಗಳನ್ನು ಅತ್ಯಂತ ನಾಜೂಕಾಗಿ, ಜಾಣ್ಮೆಯಿಂದ ಮಾಡಿ ಟಾಸ್ಕ್‌ನಲ್ಲಿ ಯಶಸ್ವಿಯಾದರು.