Bigg Boss 6, 16th November, Day 26: ಸ್ಪರ್ಧಿಗಳ ಬಣ್ಣ ಬಯಲು

ಬಿಗ್‌ ಬಾಸ್‌ ಆರನೇ ಆವೃತ್ತಿಯಲ್ಲಿ ಈಗ ಜಗಳ, ಅಳು, ಮುನಿಸು, ಕೋಪ, ತಾಪ ಹೆಚ್ಚಾಗಿದೆ.

ಮೊದಲ ದಿನದಲ್ಲಿ ಬಿಗ್‌ ಬಾಸ್‌ ನೀಡಿದ್ದ ಟಾಸ್ಕ್‌ ಎರಡನೇ ದಿನವೂ ಮುಂದುವರಿದಿದೆ.

26ನೇ ದಿನ ಬಣ್ಣ ಬಣ್ಣ ಹಾಡಿನೊಂದಿಗೆ ಆರಂಭವಾಯಿತು. ಬಿಗ್‌ ಬಾಸ್‌ ನೀಡಿ ಕ್ಯಾನ್ವಾಸ್‌ ಮೇಲೆ ಬಣ್ಣ ಹೆಚ್ಚಲು ಟಾಸ್ಕ್‌ ನೀಡಲಾಗಿತ್ತು. ಅದರಂತೆ ಶಶಿ ನೀಲಿ ಬಣ್ಣವನ್ನು ಅತಿ ಹೆಚ್ಚು ಬಳಿಯುವ ಮೂಲಕ ಗೆದ್ದರು. ನಂತರ ಮನೆಯ ನೂತನ ಕ್ಯಾಪ್ಟನ್‌ ಆಗಿ ಶಶಿ ಆಯ್ಕೆಯಾಗಿದ್ದಾರೆ ಎಂದು ಬಿಗ್‌ಬಾಸ್‌ ಘೋಷಿಸಿದರು.

ಬಿಗ್ ಮನೆಯಲ್ಲಿ ಗುಂಪುಗಾರಿಕೆ ಹೆಚ್ಚಾಗಿದೆ ಎಂದು ಆಂಡಿ, ಆದಮ್‌, ಶಶಿ, ಜಯಶ್ರೀ, ಸೋನು, ಕವಿತಾ ನಡುವೆ ಬಿಸಿ ಬಿಸಿ ಚರ್ಚೆ ನಡೆಯಿತು.

ಕ್ಯಾಪ್ಟನ್‌ ಶಶಿ ಮಾಡಿದ ಕಿಚನ್‌ ತಂಡ, ಸ್ವಚ್ಛ ತಂಡದ ಬಗ್ಗೆ ಸ್ಪರ್ಧಿಗಳ ನಡುವೆ ಭಾರಿ ಚರ್ಚೆ ನಡೆಯಿತು. ರವಿಗೆ ವಹಿಸಲಾಗಿದ್ದ ಕಿಚನ್‌ ಇನ್‌ಚಾರ್ಜ್‌ ಸ್ಥಾನವನ್ನು ಬಿಟ್ಟು ಕೈ ತೊಳೆದುಕೊಂಡರು. ರಶ್ಮಿ ಅವರು ಇಡೀ ತಂಡದ ಸದಸ್ಯರ ಜತೆಗೂ ಮಾತಿನ ಚಕಮಕಿ ನಡೆಸಿದರು.

ಶುಕ್ರವಾರ ಬಿಗ್‌ ಬಾಸ್‌ ನೀಡಿದ ಗೋಲು ಹೊಡೆಯುವ ಚಟುವಟಿಕೆಯಲ್ಲಿ ಸ್ಪರ್ಧಿಗಳು ಉತ್ಸಾಹದಿಂದ ಪಾಲ್ಗೊಂಡಿದ್ದರು. ರವಿ, ಶಶಿ ಸೇರಿದಂತೆ ಕೆಲವರು ಮಾತ್ರ ಚೆಂಡನ್ನು ಗೋಲು ಬಲೆಯೊಳಗೆ ಸೇರಿಸಿದರು.

ಈ ನಡುವೆ ಜೈಲು ಶಿಕ್ಷೆಗೊಳಗಾಗಿದ್ದ ಧನರಾಜ್‌ ಮತ್ತು ಸೋನು ಪಟೇಲ್‌ಗೆ ಬಿಗ್‌ಬಾಸ್‌ ಬಿಡುಗಡೆಯ ಭಾಗ್ಯ ಕರುಣಿಸಿದರು. ಕಣ್ಣೀರನ ಕೋಡಿಯೊಂದಿಗೆ ಸೋನು ಹೊರಬಂದರು.

ಈಗ ಎಲ್ಲರ ಕಣ್ಣು ಶನಿವಾರದ ಎಲಿಮಿನೇಷನ್‌ ರೌಂಡ್‌ ಹಾಗೂ ಸುದೀಪ್‌ ಜತೆಗಿನ ಸಂಭಾಷಣೆ ಮೇಲೆ ನೆಟ್ಟಿದೆ.