Episode 11 Highlights: ಒಂದೇ ಒಂದು ಆ್ಯಪಲ್‍ಗಾಗಿ ರಣರಂಗವಾದ ಮನೆ

ಉಗುರಿನಲ್ಲಿ ಹೋಗುವುದಕ್ಕೆ ಕೊಡಲಿ ತಂಗೊಡ್ರು ಅಂತಾರಲ್ಲ ಅದೇ ರೀತಿ ಆಯಿತು ಬಿಗ್ ಬಾಸ್ ಮನೆಯಲ್ಲಿ. ಕಳೆದ ಹತ್ತುದಿನಗಳಿಂದ ಏನೋ ಒಂಥರಾ ಸಾಗುತ್ತಿದ್ದ ಬಿಗ್ ಬಾಸ್ ಮನೆಯಲ್ಲಿ 11ನೇ ದಿನ ಇದ್ದಕ್ಕಿದ್ದಂತೆ ಕಿಡಿ ಹೊತ್ತಿಕೊಂಡಿದೆ. ಅದೂ ಒಂದೇ ಒಂದು ಆ್ಯಪಲ್‍ಗಾಗಿ ಮನೆ ರಣರಂಗವಾಗಿ ಬದಲಾಯಿತು.

ಅಡುಗೆ ಮನೆಯ ವಿಚಾರಕ್ಕೆ ಯಾರೂ ಬರಬಾರದು ಎಂದು ಪದೇಪದೇ ಸುಜಾತಾ ಹೇಳುತ್ತಲೇ ಇದ್ದರು. ಅದೇ ರೀತಿ ರಾತ್ರಿ ಆ್ಯಪಲ್‍ ಅಲ್ಲಿ ಕಟ್ ಮಾಡಿ ಇಟ್ಟಿದ್ದು ಯಾರು? ಎಂಬ ಕಾರಣಕ್ಕೆ ಶುರುವಾದ ಜಗಳ ಕೊನೆಗೆ ಮನೆ ರಣರಂಗವಾಗುವಂತೆ ಮಾಡಿತು.

ಆ್ಯಪಲ್‍ನ್ನು ಚೈತ್ರಾ ಕೋಟೂರ್ ತೆಗೆದುಕೊಂಡಿದ್ದರು. ಅದನ್ನು ಚಂದನ್, ಕುರಿ ಪ್ರತಾಪ್ ಹಾಗೂ ರಾಜು ತಾಳಿಕೋಟಿ ಅವರಿಗೂ ಕೊಟ್ಟಿದ್ದಾಗಿ ಹೇಳಿದ್ದರು. ಮಧ್ಯರಾತ್ರಿ ಕಳ್ಳರ ತೆಗೆಯುವುದು, ತಿನ್ನುವುದು ಮಾಡಬಾರದು ಎಂದರು.

ಈ ಮನೆಯಲ್ಲಿ ನನಗಿರೋದಿಕ್ಕೆ ಇಷ್ಟ ಇಲ್ಲ. ಕಳುಹಿಸಿ ಬಿಡಿ ಎಂದು ಚೈತ್ರಾ ಕಣ್ಣೀರಿಟ್ಟರು. ಚೈತ್ರಾ ಕೋಟೂರ್ ಅವರಿಗೆ ಇಷ್ಟೆಲ್ಲಾ ಕೊಬ್ಬಿರಬಾರದು, ಅಹಂಕಾರ ಸಲ್ಲದು ಎಂಬ ಮಾತುಗಳಿಂದ ಅವರು ಇನ್ನಷ್ಟು ಕುಸಿದರು. ಚೈತ್ರಾ ಕೋಟೂರ್ ಅವರಿಗೆ ಡೀಸೆನ್ಸಿ ಇಲ್ಲ ಎಂದು ಹೇಳಿದ, ಚಂದನ್ ಡಬಲ್ ಗೇಮ್ ಆಡ್ತಿದ್ದಾನೆ ಎಂದು ಮನೆಯವರು ಚರ್ಚಿಸಿಕೊಂಡರು.

ನನ್ನನ್ನು ಟ್ರಿಗರ್ ಮಾಡ್ಬೇಡ, ಏನಾದ್ರೂ ಎತ್ತಿ ಹಾಕಿ ಬಿಡ್ತೀನಿ ಎಂದು ಚಂದನ್ ಮೇಲೆ ಕಿರುಚಾಡಿದರು. ಒಟ್ಟಾರೆ ಒಂದೇ ಒಂದು ಆ್ಯಪಲ್‍ ಈ ಜಗಳ ನಡೆಯಿತಾ ಅಥವಾ ಚೈತ್ರಾ ಕೋಟೂರ್ ಅವರನ್ನು ಸುಜಾತಾ, ಚಂದನ್ ಆಚಾರ್ ಹಾಗೂ ಜೈ ಜಗದೀಶ್ ಸೇರಿ ಟಾರ್ಗೆಟ್ ಮಾಡಿದ್ರಾ ಎಂಬ ಅನುಮಾನವೂ ವೀಕ್ಷಕರನ್ನು ಕಾಡುತ್ತಿದೆ.