ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ನಿರೂಪಣೆಯಲ್ಲಿ ಮೂಡಿಬರುತ್ತಿರುವ ಸೆಲೆಬ್ರಿಟಿ ರಿಯಾಲಿಟಿ ಶೋ ಬಿಗ್ ಬಾಸ್ ಸೀಸನ್ 13ರಲ್ಲಿ ಮಹಿಳಾ ಸ್ಪರ್ಧಿಗಳ ವಿರುದ್ಧ ಅಸಭ್ಯಕರವಾದ ಕಾಮೆಂಟ್‌ಗಳು ಹೆಚ್ಚಾಗುತ್ತಿವೆ. ಮುಖ್ಯವಾಗಿ ಸ್ಪರ್ಧಿ ಸಿದ್ಧಾರ್ಥ್ ಶುಕ್ಲಾ ಹಾಗೂ ನಟಿ ರಶ್ಮಿ ದೇಸಾಯಿ ವಿರುದ್ಧ ಮನಬಂದಂತೆ ಮಾತನಾಡಿದ್ದಾರೆ. ಈ ಬಗ್ಗೆ ನೆಟ್ಟಿಗರು ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಬಿಗ್ ಬಾಸ್ ಶೋ ಆರಂಭವಾದ ಹೊಸದರಲ್ಲಿ ರಶ್ಮಿ, ಸಿದ್ಧಾರ್ಥ್ ಒಬ್ಬರನೊಬ್ಬರು ಪ್ರೀತಿಸಿಕೊಂಡಿದ್ದರು. ಆ ಬಳಿಕ ಇಬ್ಬರೂ ಹಾವು ಮುಂಗುಸಿ ತರಹ ಆಡಲು ಶುರು ಮಾಡಿದರು. ಇಷ್ಟಕ್ಕೂ ರಶ್ಮಿ ಜೊತೆಗೆ ತಾನ್ಯಾಕೆ ಜಗಳ ಮಾಡಿಕೊಂಡೆ ಎಂಬ ಬಗ್ಗೆ ಸಿದ್ಧಾರ್ಥ್ ಮಾತನಾಡಿದ್ದು ಆಕೆಯ ಕ್ಯಾರೆಕ್ಟರ್ ಬಗ್ಗೆ ಸುಳ್ಳುಸುಳ್ಳು ಹೇಳಿಕೆಗಳನ್ನು ನೀಡಿದ್ದಾನೆ.
ರಶ್ಮಿ ತಿಂಗಳಿಗೆ ಒಬ್ಬರನ್ನು ಬದಲಾಯಿಸುವ ಪೈಕಿ ಎಂದಿರುವ ಸಿದ್ಧಾರ್ಥ್
"ರಶ್ಮಿ ಜೊತೆಗೆ ಯಾಕೆ ಜಗಳ ಮಾಡಿಕೊಂಡೆ ಎಂದು ಬಹಳಷ್ಟು ಮಂದಿ ಕೇಳುತ್ತಿದ್ದಾರೆ. ನಾನು ಸಹ ಈ ಬಗ್ಗೆ ಮಾತನಾಡಬೇಕು ಎಂದುಕೊಂಡಿದ್ದೇನೆ. ಒಂದು ಸಮಯದಲ್ಲಿ ನಾನು ರಶ್ಮಿ ಒಬ್ಬರನ್ನೊಬ್ಬರು ತುಂಬಾ ಇಷ್ಟಪಟ್ಟಿದ್ದು ನಿಜ. ಆದರೆ ನಾನು ಸೆಟ್ಸ್‌ನಲ್ಲಿ ಇತರೆ ನಟನಟಿಯರ ಜೊತೆಗೆ ಅಸಭ್ಯಕರವಾಗಿ ವರ್ತಿಸುತ್ತಿದ್ದೇನೆ ಎಂದು ನನ್ನ ಬಗ್ಗೆ ಕೆಲ ಮಾಧ್ಯಮಗಳು ವರದಿ ಮಾಡಿದ್ದವು. ಅವೆಲ್ಲಾ ರಶ್ಮಿಗೆ ಇರುವ ಸಮಸ್ಯೆಗಳು. ರಶ್ಮಿನೇ ಈ ಸಮಸ್ಯೆಗಳಿಗೆಲ್ಲಾ ಕಾರಣ ಎಂದು ನನಗೆ ಪ್ರೊಡಕ್ಷನ್ ಬಾಯ್ಸ್ ಹೇಳಿದರು. ಅದಷ್ಟೇ ಅಲ್ಲ ರಶ್ಮಿ ತಿಂಗಳಿಗೆ ಒಬ್ಬರನ್ನು ಬದಲಾಯಿಸುವ ಪೈಕಿ" ಎಂದಿದ್ದಾರೆ.
"ಮದುವೆಯಾಗಿ ನೋಡಿ... ಗೊತ್ತಾಗುತ್ತದೆ" ಅಂತ ಸಲ್ಮಾನ್ ಖಾನ್‌ಗೆ ಚಮಕ್ ನೀಡಿದ ಶಿಲ್ಪಾ ಶೆಟ್ಟಿ
ಸಮಯ ಬಂದಾಗ ನಾನೂ ಬಂಡವಾಳ ಬಯಲು ಮಾಡುತ್ತೇನೆ
ಈ ಹೇಳಿಕೆಯಿಂದ ಕುಪಿತಗೊಂಡಿರುವ ರಶ್ಮಿ ಸಮಯ ಬಂದಾಗ ನಾನೂ ಸಹ ನಿನ್ನ ಬಂಡವಾಳ ಬಯಲು ಮಾಡುತ್ತೇನೆ ಎಂದಿದ್ದಾರೆ. ರಿಯಾಲಿಟಿ ಶೋ ಎಂದರೆ ಒಬ್ಬರನ್ನೊಬ್ಬರು ಬೈದುಕೊಳ್ಳುವುದು, ಅಗತ್ಯ ಬಿದ್ದರೆ ಕೈಕೈ ಮಿಲಾಯಿಸುವುದನ್ನೂ ಮಾಡುತ್ತಿರುತ್ತಾರೆ. ಬಿಗ್ ಬಾಸ್ ನಿರ್ವಾಹಕರು ಹೇಗೆ ಹೇಳಿದರೆ ಹಾಗೆ ಮಾಡಬೇಕು ಎಂಬುದು ಸಹಜ. ಆದರೆ ಎಲ್ಲರ ಮುಂದೆ ನಟಿಯೊಬ್ಬರ ಬಗ್ಗೆ ಈ ರೀತಿ ಹೇಳಿಕೆ ನೀಡುವುದು ಸಲ್ಲದು ಎಂದು ನೆಟ್ಟಿಗರು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಮೌನವಾಗಿರುವ ಸಲ್ಮಾನ್ ಖಾನ್ ಬಗ್ಗೆಯೂ ಆಕ್ರೋಶ
ಒಂದು ಕಾಲದಲ್ಲಿ ರಶ್ಮಿಯನ್ನು ಇಷ್ಟಪಟ್ಟಿದ್ದ ಸಿದ್ಧಾರ್ಥ್ ಈಗ ಜಗಳ ಮಾಡಿಕೊಂಡು ತಿಂಗಳಿಗೆ ಒಬ್ಬರನ್ನು ಬದಲಾಯಿಸುವ ರೀತಿ ಎಂದಿರುವುದು ಎಷ್ಟರ ಮಟ್ಟಿಗೆ ಸರಿ ಎಂದು ಪ್ರಶ್ನಿಸಿದ್ದಾರೆ. ಮಹಿಳೆಯೊಬ್ಬರ ಕ್ಯಾರೆಕ್ಟರ್ ಬಗ್ಗೆ ಮಾತನಾಡುವ ಹಕ್ಕು ಅವರಿಗೆ ಯಾರು ಕೊಟ್ಟರು ಎಂದು ಪ್ರಶ್ನಿಸಿದ್ದಾರೆ. ಇವೆಲ್ಲವನ್ನೂ ನೋಡುತ್ತಾ, ಕೇಳುತ್ತಾ ಮೌನವಾಗಿರುವ ಸಲ್ಮಾನ್ ಖಾನ್ ಬಗ್ಗೆಯೂ ಆಕ್ರೋಶ ವ್ಯಕ್ತವಾಗುತ್ತಿದೆ.