ದೀಪಿಕಾ ದಾಸ್ ಜೊತೆ ಫ್ಲರ್ಟ್ ಮಾಡಿದ ಬಿಗ್ ಬಾಸ್ ಸ್ಪರ್ಧಿಗಳು

ಈ ವಾರದ ಬಿಗ್ ಬಾಸ್‌ ಎಪಿಸೋಡ್‌ನಲ್ಲಿ ಶಾಲೆಯ ವಾತಾವರಣ ಕಂಡುಬರುತ್ತಿದೆ. ಸ್ಪರ್ಧಿಗಳೆಲ್ಲ ಚಿಕ್ಕ ಮಕ್ಕಳಂತೆ ನಟಿಸುತ್ತಿದ್ದಾರೆ. ಈ ಎಪಿಸೋಡ್‌ಗಳು ತುಂಬ ಮನರಂಜನಾತ್ಮಕವಾಗಿವೆ. ಇದು ಲಕ್ಷುರಿ ಬಜೆಟ್‌ಗೋಸ್ಕರ ಇರುವ ಟಾಸ್ಕ್ ಆಗಿದ್ದು ಇದರ ಹೆಸರು 'ಲಕ್ಷುರಿ ಟಾಸ್ಕ್ ಶಾಲೆ'. ಹರೀಶ್ ರಾಜ್‌, ಭೂಮಿ ಶೆಟ್ಟಿ, ಕಿಶನ್, ಶೈನ್ ಶೆಟ್ಟಿ, ವಾಸುಕಿ ವೈಭವ್ ಮತ್ತು ಕುರಿ ಪ್ರತಾಪ್ ಈಗಾಗಲೇ ಟೀಚರ್ ಪಾತ್ರ ಮಾಡಿದ್ದಾರೆ. ಈಗ ದೀಪಿಕಾ ಟೀಚರ್ ಆಗುವ ಸರದಿ. ಇಂದಿನ ಎಪಿಸೋಡ್‌ನಲ್ಲಿ ಇನ್ನಷ್ಟು ಮನರಂಜನೆ ಸಿಗಲಿದೆ. ಈಗಾಗಲೇ ಇಂದಿನ ಎಪಿಸೋಡ್‌ನ ಪ್ರೋಮೋ ಕೂಡ ರಿಲೀಸ್ ಆಗಿದೆ.

ಈ ಪ್ರೋಮೋ ನೋಡಿದಾಗ ದೀಪಿಕಾ ಜೊತೆ ಇತರ ಸ್ಪರ್ಧಿಗಳು ಫ್ಲರ್ಟ್ ಮಾಡುತ್ತಿರೋದು ಕಾಣುತ್ತಿದೆ. ಈ ಹಿಂದಿನ ಎಪಿಸೋಡ್‌ನಲ್ಲಿ ಶೈನ್ ಶೆಟ್ಟಿ ತಾಯಿ ಬಿಗ್ ಬಾಸ್ ಮನೆಗೆ ಬಂದಿದ್ದು, ಆಗ ಮನೆಯವರೆಲ್ಲ ಒಮ್ಮೆ ಎಮೋಶನಲ್ ಆಗಿದ್ದರು. ಶೈನ್ ಕೂಡ ಗಣಿತ ಟೀಚರ್ ಆಗಿ ಭಾಗಾಕಾರ ಮತ್ತು ಗುಣಾಕಾರವನ್ನು ಕಲಿಸಿದ್ದಾರೆ.