Bigg Boss 8: 'ಬಿಗ್ ಬಾಸ್‌' ಮನೆಗೆ ನಗಿಸಲು ಬಂದು ರಘು ಗೌಡ! ಇವರ 'ವೈನ್‌ ಸ್ಟೋರ್' ಬಗ್ಗೆ ನಿಮಗೆಷ್ಟು ಗೊತ್ತು?

ಬಿಗ್ ಬಾಸ್ ಕನ್ನಡ ಸೀಸನ್ 8 ಶೋನಲ್ಲಿ 13ನೇ ಸ್ಪರ್ಧಿಯಾಗಿ ಸೋಶಿಯಲ್ ಮೀಡಿಯಾ ಸೆನ್ಸೇಷನಲ್ ರಘು ಗೌಡ ಎಂಟ್ರಿ ನೀಡಿದ್ದಾರೆ. ಯೂ ಟ್ಯೂಬ್‌ನಲ್ಲಿ ಇವರ ವಿಡಿಯೋಗಳು ಸಖತ್ ಸದ್ದು ಮಾಡುತ್ತಿವೆ. ಇದೀಗ ಶೋನಲ್ಲಿ ಅವರು ಹೇಗೆ ಸೌಂಡು ಮಾಡಲಿದ್ದಾರೆ ಅನ್ನೋದು ಕಾದು ನೋಡಬೇಕು!

'ಕಿಚ್ಚ' ಸುದೀಪ್ ನಿರೂಪಣೆಯ 'ಬಿಗ್ ಬಾಸ್ ಕನ್ನಡ ಸೀಸನ್ 8' ಗ್ರ್ಯಾಂಡ್ ಆಗಿ ಲಾಂಚ್ ಅಗಿದೆ. ಈಗಾಗಲೇ ಮನೆಗೆ ಧನುಶ್ರೀ, ಶುಭಾ ಪೂಂಜಾ, ನಿಧಿ ಸುಬ್ಬಯ್ಯ, ಶಂಕರ್ ಅಶ್ವತ್ಥ್‌, ಬ್ರೋ ಗೌಡ, ಗೀತಾ ಭಾರತಿ ಭಟ್, ಅರವಿಂದ್, ವಿಶ್ವನಾಥ ಸ್ಪರ್ಧಿಗಳಾಗಿ ಹೋಗಿದ್ದಾರೆ. ಈಗ 13ನೇ ಸ್ಪರ್ಧಿಯಾಗಿ ರಘು ಗೌಡ ಎಂಟ್ರಿ ಕೊಟ್ಟಿದ್ದಾರೆ. ಲಾಕ್‌ಡೌನ್‌ ಸಮಯದಲ್ಲಂತೂ ರಘು ಗೌಡ ಅವರ ವಿಡಿಯೋಗಳು ಭಾರೀ ಜನಪ್ರಿಯತೆ ಆಗಿವೆ. ತಮ್ಮದೇ ರಾಘು ವೈನ್‌ ಸ್ಟೋರ್ ಎಂಬ ಯೂ ಟ್ಯೂಬ್ ಚಾನೆಲ್ ಮಾಡಿಕೊಂಡಿರುವ ಅವರು, ಅಲ್ಲಿ ತಮ್ಮದೇ ಸ್ವಂತ ಕಂಟೆಂಟ್ ವಿಡಿಯೋಗಳ ಮೂಲಕ ರಂಜಿಸಿದ್ದಾರೆ.

ರಘುಗೆ ಮದುವೆಯಾಗಿ ಮಗ ಇದ್ದಾನೆ. ರಘು ಪದವಿ ಓದುತ್ತಿದ್ದಾಗಲೇ ತಂದೆ-ತಾಯಿ ಡಿಪ್ರೆಶನ್‌ನಿಂದ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಹೀಗಾಗಿ ಅವರ ಸಂಬಂಧಿಕರು ತುಂಬ ಕಡಿಮೆ ವಯಸ್ಸಿನಲ್ಲಿ ರಘುಗೆ ಮದುವೆ ಮಾಡಿದರು.