'ಬಿಗ್ ಬಾಸ್ ಕನ್ನಡ ಸೀಸನ್ 8' ಶೋಗೆ ಯಾರು ಹೋಗ್ತಾರೆ? ಹೋಗಲ್ಲ?

ಕೊರೊನಾ ವೈರಸ್ ಇಲ್ಲದಿದ್ದರೆ ಇಷ್ಟುಹೊತ್ತಿಗೆ 'ಬಿಗ್ ಬಾಸ್ ಕನ್ನಡ ಸೀಸನ್ 8' ಆರಂಭವಾಗಿ ಮುಕ್ತಾಯವಾಗುತ್ತಿತ್ತು. ಈಗ ಬಿಗ್ ಬಾಸ್ ಆರಂಭಿಸುವ ಕುರಿತು ದೊಡ್ಡ ಮಟ್ಟದಲ್ಲಿ ತಯಾರಿ ಕೂಡ ನಡೆಯುತ್ತಿದೆ. ನಟ ಕಿಚ್ಚ ಸುದೀಪ್ ಜೊತೆಗೆ ಕಲರ್ಸ್ ಕನ್ನಡ ವಾಹಿನಿ ಮುಖ್ಯಸ್ಥ ಪರಮೇಶ್ವರ್ ಗುಂಡ್ಕಲ್ ಅವರು ಮಾತುಕತೆ ಮಾಡಿದ್ದಾರೆ ಎನ್ನಲಾಗಿದೆ. ಹಾಗಾದರೆ ಈ ಬಾರಿಯ ಬಿಗ್ ಬಾಸ್‌ಗೆ ಹೋಗುವ ಸ್ಪರ್ಧಿಗಳು ಯಾರು ಯಾರು?

ಕಳೆದ ಕೆಲವು ದಿನಗಳಿಂದ ಯಾರು ಯಾರು ಬಿಗ್ ಬಾಸ್‌ಗೆ ಹೋಗುತ್ತಾರೆ ಎಂಬ ಬಗ್ಗೆ ದೊಡ್ಡ ಮಟ್ಟದ ಚರ್ಚೆ ನಡೆಯುತ್ತಿದೆ. ಕೆಲ ಟಿಕ್ ಟಾಕ್ ಸ್ಟಾರ್‌ಗಳು ಬಿಗ್ ಬಾಸ್‌ಗೆ ಹೋಗುತ್ತಾರೆ ಎನ್ನಲಾಗಿತ್ತು. ಅದರ ಜೊತೆಗೆ ಕೆಲ ಧಾರಾವಾಹಿ ನಟ-ನಟಿಯರು, ಸಿನಿಮಾ ತಾರೆಯರ ಹೆಸರು ಕೂಡ ಕೇಳಿ ಬಂದಿತ್ತು. ಅವರು ಯಾರು? ಈ ಬಗ್ಗೆ ಆ ತಾರೆಯರು ಏನು ಹೇಳ್ತಾರೆ?

ಅನಿರುದ್ಧ'ಜೊತೆ ಜೊತೆಯಲಿ' ಧಾರಾವಾಹಿ ನಟ ಅನಿರುದ್ಧ ಅವರು ಬಿಗ್ ಬಾಸ್‌ಗೆ ಹೋಗುತ್ತಾರೆ, 'ಜೊತೆ ಜೊತೆಯಲಿ' ಧಾರಾವಾಹಿ ಬಿಡುತ್ತಾರೆ ಎನ್ನಲಾಗಿತ್ತು. ಆದರೆ ಇದೆಲ್ಲ ಶುದ್ಧ ಸುಳ್ಳು ಎಂದು ಸ್ವತಃ ಅನಿರುದ್ಧ ಅವರೇ ವಿಡಿಯೋ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಅಪ್‌ಲೋಡ್ ಮಾಡಿದ್ದಾರೆ.

ಹಿತಾ ಚಂದ್ರಶೇಖರ್
ಸಿಹಿಕಹಿ ಚಂದ್ರು ಮಗಳು ಹಿತಾ ಚಂದ್ರಶೇಖರ್ ಅವರು ಬಿಗ್ ಬಾಸ್‌ಗೆ ಹೋಗುತ್ತಾರಾ ಅಂತ ಇನ್‌ಸ್ಟಾಗ್ರಾಮ್‌ನಲ್ಲಿ ನೆಟ್ಟಿಗರೊಬ್ಬರು ಪ್ರಶ್ನೆ ಮಾಡಿದ್ದಾರೆ. ಅದಕ್ಕೆ ಉತ್ತರ ನೀಡಿರುವ ಹಿತಾ, ನನ್ನ ಕುಟುಂಬ, ಗಂಡ ಇಲ್ಲದೆ ನಾನು ಬಿಗ್ ಬಾಸ್ ಮನೆಯಲ್ಲಿ ಹೆಚ್ಚು ದಿನ ಉಳಿಯಲಾಗುವುದಿಲ್ಲ, ದೈಹಿಕ ಟಾಸ್ಕ್ ಕೂಡ ಮಾಡಲಾಗದು, ಹೀಗಾಗಿ ನಾನು ಒಪ್ಪಿಕೊಳ್ಳೋದಿಲ್ಲ ಅಂತ ಹೇಳಿದ್ದಾರೆ.

ಸೋನು ಗೌಡ
ಟಿಕ್ ಟಾಕ್, ಸಂದರ್ಶನಗಳ ಮೂಲಕ ಖ್ಯಾತಿ ಪಡೆದಿರುವ ಸೋನು ಗೌಡ ಅವರು ಬಿಗ್ ಬಾಸ್‌ಗೆ ಹೋಗುತ್ತಾರೆ ಎನ್ನಲಾಗಿತ್ತು. ಇನ್‌ಸ್ಟಾಗ್ರಾಮ್‌ ಲೈವ್‌ನಲ್ಲಿ ನಾನು ಬಿಗ್ ಬಾಸ್‌ಗೆ ಹೋಗೋದಿಲ್ಲ ಅಂತ ಸೋನ ಹೇಳಿದ್ದಾರೆ.

Also Read-ಅಧಿಕಾರಿಗೆ ಚಪ್ಪಲಿಯಲ್ಲಿ ಹೊಡೆದಿದ್ದ ಬಿಜೆಪಿ ರಾಜಕಾರಣಿ, ನಟಿ ಸೊನಾಲಿ ಈಗ ಬಿಗ್‌ ಬಾಸ್‌ ಸ್ಪರ್ಧಿ!

ವೈಷ್ಣವಿ ಗೌಡ'ಅಗ್ನಿಸಾಕ್ಷಿ' ಧಾರಾವಾಹಿ ನಟಿ ವೈಷ್ಣವಿ ಗೌಡ ಅವರು ಬಿಗ್ ಬಾಸ್‌ಗೆ ಹೋಗೋದು ಡೌಟ್. ಈ ಹಿಂದೆ ನೀಡಿದ ಸಂದರ್ಶನದಲ್ಲಿ ರಿಯಾಲಿಟಿ ಶೋಗಳು ನನಗಲ್ಲ ಅಂತ ಹೇಳಿದ್ದರು.

ಡ್ರೋನ್ ಪ್ರತಾಪ್, ಬಿಂದು ಗೌಡ, ರಾಧಾ ಹೀರೇಗೌಡರ್, ಡ್ರೋನ್ ಪ್ರತಾಪ್ ಮುಂತಾದವರು ಬಿಗ್ ಬಾಸ್ ಶೋನಲ್ಲಿ ಭಾಗಿಯಾಗಲಿದ್ದಾರೆ ಎಂಬ ಮಾತು ಕೇಳಿಬರುತ್ತಿದೆ. ಬಿಗ್ ಬಾಸ ಕನ್ನಡ ಸೀಸನ್ 8 ಶುರುವಾದನಂತರವೇ ಇದಕ್ಕೆಲ್ಲ ಉತ್ತರ ಸಿಗುವುದು. ಇನ್ನು ತೆಲುಗು ಹಾಗೂ ಹಿಂದಿಯಲ್ಲಿ ಬಿಗ್ ಬಾಸ್ ಶೋ ನಡೆದಿದೆ.
Also read-ಉತ್ತಮ ಆಟ, ಅಭಿಮಾನಿಗಳನ್ನು ಸಂಪಾದನೆ ಮಾಡಿ, ಎಲಿಮಿನೇಶನ್ ಇಲ್ಲದೆ ಬಿಗ್ ಬಾಸ್ ಮನೆಯಿಂದ ಹೊರಬಂದ ಸ್ಪರ್ಧಿ!