BBK9: ಅದೊಂದು ಗುಣದಿಂದ ಬಿಗ್ ಬಾಸ್ ಮನೆಯಲ್ಲಿ ಗೌರವ ಕಳೆದುಕೊಳ್ತಿದ್ದಾರಾ ಅರುಣ್ ಸಾಗರ್?

ಬಿಗ್ ಬಾಸ್ ಕನ್ನಡ ಸೀಸನ್ 9 ಶೋನಲ್ಲಿ ( Bigg Boss Kannada Season 9 ) 70% ಅರುಣ್ ಸಾಗರ್ ಅವರೇ ( Arun Sagar ) ಕಾಣುತ್ತಿದ್ದಾರೆ. ಇವರೆಷ್ಟು ಕ್ರಿಯೇಟಿವ್ ವ್ಯಕ್ತಿ ಆಗಿರಬಹುದು ಎಂದು ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಆಗ್ತಿದೆ. ದೊಡ್ಮನೆಯಲ್ಲಿ ಸಖತ್ ಮನರಂಜನೆ ನೀಡುತ್ತಿರುವ ಅರುಣ್ ಸಾಗರ್ ಅವರು ಆಟವನ್ನು ಅಷ್ಟು ಗಂಭೀರವಾಗಿ ಪರಿಗಣಿಸದೆ ಗೌರವ ಕಳೆದುಕೊಳ್ಳುತ್ತಿದ್ದಾರಾ?ಹೌದು, ಕಳೆದ ಎರಡು ದಿನಗಳಿಂದ ಅರುಣ್ ಸಾಗರ್ ಹಾಗೂ ನವಾಜ್ ಜೋಡಿ ಆಟವನ್ನು ಗಂಭೀರವಾಗಿ ಪರಿಗಣಿಸಿಲ್ಲ ಎಂಬುದು ಮೇಲ್ನೋಟಕ್ಕೆ ಕಾಣುತ್ತಿದೆ ಫಿರಮಿಡ್ ಟಾಸ್ಕ್‌ನಲ್ಲಿ ಕೂಡ ಅವರು ಜಾಸ್ತಿ ಪ್ರಯತ್ನ ಮಾಡದೆ ಆಗೋದಿಲ್ಲ ಎಂದು ಕೈ ಕಟ್ಟಿ ಕುಳಿತರು, ಹಾಡು ಹಾಡಿದರು, ದರ್ಶ್ ಚಂದ್ರಪ್ಪ, ಆರ್ಯವರ್ಧನ್ ಅವರನ್ನು ಅಣುಕಿಸಿದರು. ಮಯೂರಿ, ಸಾನ್ಯಾ ಅಯ್ಯರ್ ಅವರು ಈ ಜೋಡಿ ಗೆಲ್ಲುತ್ತದೆ ಎಂದು ಬೆಟ್ ಕಟ್ಟಿ ಕೊನೆಯಪಕ್ಷ ಇವರು ಪ್ರಯತ್ನ ಪಡಲಿಲ್ಲ ಎಂದು ನಿರಾಶೆಗೊಂಡರು.

"ನನಗೆ ಅರುಣ್ ಸಾಗರ್ ಮೇಲೆ ಸಖತ್ ಗೌರವವಿದೆ, ಹೀಗೆಲ್ಲ ಮಾಡಿದರೆ ಹೇಗೆ? ಬಿಗ್ ಬಾಸ್ ಶೋಗೆ ಅವಮಾನ ಮಾಡಿದ ಹಾಗಲ್ವಾ? ಅರುಣ್ ಸರ್ ಈ ತರ ಮಾಡಿ ಗೌರವ ಕಳೆದುಕೊಳ್ತಿದ್ದಾರೆ. ಅರುಣ್ ಸಾಗರ್ ಅವರು ಆರ್ಟ್ ಡೈರೆಕ್ಟರ್ ಅಲ್ವಾ.." ಎಂದು ಸಾನ್ಯಾ ಅಯ್ಯರ್ ಅವರು ಹೇಳಿದ್ದರು. ಮಯೂರಿ ಕೂಡ ಇದೇ ಅಭಿಪ್ರಾಯ ಹೊಂದಿದ್ದರು.

BBK 9: ಅರುಣ್ ಸಾಗರ್‌ಗೆ ಸಿಕ್ತು ವಿಧೂಷಕ, ನಾಯಕ, ಗೆಳೆಯನ ಪಟ್ಟಿ! ಮಿಕ್ಕವರಿಗೆ ಲಭಿಸಿದ್ದೇನು?

ಬಿಗ್ ಬಾಸ್ ಟಾಸ್ಕ್ ಫಲಿತಾಂಶದ ಬಗ್ಗೆ ಮಾತನಾಡುವಾಗ ಮಧ್ಯೆ ಮಾತನಾಡುವ ದುಸ್ಸಾಹಸ ಮಾಡಿದ್ದು ಕೆಲವರಿಗೆ ಬೇಸರ ತಂದಿತ್ತು. ಅಷ್ಟೇ ಅಲ್ಲದೆ ಫಿರಾಮಿಡ್ ಟಾಸ್ಕ್‌ನಲ್ಲಿ ಆಟದ ಅಂಗಳದಿಂದ ಹೊರಗೆ ಬಂದು, ತಮಾಷೆಗೆ ಬಾಗಿಲ ಬಳಿ ನಿಂತು ದರ್ಶ್, ಆರ್ಯವರ್ಧನ್ ಜೋಡಿಯನ್ನು ನೋಡಿದ್ದಾರೆ, ಆಮೇಲೆ ಆಟ ಮುಗಿಸಿದ್ವಿ ಅಂತ ಹೇಳಲು ಗಂಟೆ ಎಲ್ಲಿ ಎಂದು ಹುಡುಕಾಡಿದ್ದಾರೆ. ಇದು ಕೆಲ ಸ್ಪರ್ಧಿಗಳಿಗೆ ಬೇಜವಾಬ್ದಾರಿಯ ವರ್ತನೆ ರೀತಿ ಕಂಡಿದೆ. ಸೋಶಿಯಲ್ ಮೀಡಿಯಾದಲ್ಲಿ ಈ ಕುರಿತು ಚರ್ಚೆ ನಡೆಯುತ್ತಿದೆ.

ಮೂರನೇ ದಿನದ ಟಾಸ್ಕ್‌ನಲ್ಲಿ ಕೂಡ ಅರುಣ್ ಸಾಗರ್ ಅವರ ನಡೆ ರೂಪೇಶ್ ಶೆಟ್ಟಿಗೆ ಬೇಸರ ತಂದಿದೆ. "ನನಗೆ ಇದೆಲ್ಲ ನಗು ಬರಲ್ಲ, ಕೋಪ ಬರತ್ತೆ, ನೋಡಿದೋರಿಗೆ ಹುಚ್ಚರ ತರ ಅನಿಸತ್ತೆ" ಎಂದು ಅನುಪಮಾ ಗೌಡ, ನೇಹಾ ಗೌಡ ಬಳಿ ಹೇಳಿಕೊಂಡಿದ್ದಾರೆ.

BBK 9: ವಾವ್.. ‘ಬಿಗ್ ಬಾಸ್’ ಮನೆಗೆ ಎಂಟ್ರಿಕೊಟ್ಟ ‘ಎಂಟರ್‌ಟೇನರ್’ ಅರುಣ್ ಸಾಗರ್!

ಅನುಪಮಾ ಗೌಡ ಕೂಡ "ಬಿಗ್ ಬಾಸ್‌ನಲ್ಲಿ ಫನ್ ಮಾಡಿ, ಅಗೌರವಿಸಬೇಡಿ. ಇವರಿಗೆಲ್ಲ ಸೀನಿಯರ್ ಅನ್ನೋದು ತಲೆಗೆ ಬಂದಿದೆ" ಎಂದು ಹೇಳಿದ್ದಾರೆ.

ರೂಪೇಶ್ ಶೆಟ್ಟಿ, ಕಾವ್ಯಶ್ರೀ ಗೌಡ ಕೂಡ ಅರುಣ್ ಬಗ್ಗೆ ಮಾತನಾಡಿದ್ದು, "ಆರ್ಯವರ್ಧನ್ ಅವರು ಬಿಗ್ ಬಾಸ್‌ಗೆ ಹೆದರುತ್ತಾರೆ, ಆದರೆ ಅರುಣ್ ಹೆದರಲ್ಲ, ನಾನು ರೂಲ್ಸ್ ಕೇಳಲ್ಲ ಅಂತ ಹೇಳ್ತಾರೆ" ಎಂದು ಹೇಳಿದ್ದಾರೆ.

ಬಿಗ್ ಬಾಸ್ ಕನ್ನಡ ಸೀಸನ್ 1 ಶೋನಲ್ಲಿ ಭಾಗವಹಿಸಿದ್ದ ಅರುಣ್ ಸಾಗರ್ ಅವರು ರನ್ನರ್ ಅಪ್ ಆಗಿ ಹೊರಹೊಮ್ಮಿದ್ದರು. ಸಾಕಷ್ಟು ಜನರಿಗೆ ಅರುಣ್ ಗೆಲ್ಲಲಿ ಎಂಬ ಆಶಯವಿತ್ತು. ಆ ಆಸೆ ಈ ಸೀಸನ್‌ನಲ್ಲಿ ನೆರವೇರಲಿದೆಯಾ ಎಂದು ಕಾದು ನೋಡಬೇಕಿದೆ.

ಶುಕ್ರವಾರ ಬಂತೆಂದರೆ ಸಿನಿಮಾ ರಿವ್ಯೂ ಹೇಳುವ ನವಾಜ್ ಅವರು 19ನೇ ವಯಸ್ಸಿಗೆ ಬಿಗ್ ಬಾಸ್ ಮನೆಗೆ ಕಾಲಿಟ್ಟಿದ್ದಾರೆ. ಸದ್ಯ ಎರಡು ಲೈನ್ ರೈಮ್ಸ್ ಸಮೇತ ಪಂಚಿಂಗ್ ಮಾತನಾಡುವ ನವಾಜ್ ದೊಡ್ಮನೆಯಲ್ಲಿ ಜಗಳ ಆಡಲು ಕಾಯತ್ತಿದ್ದಾರಂತೆ.