ಬಿಗ್‌ ಬಾಸ್‌ ಬಗ್ಗೆ ಲಕ್ಷ್ಮೀ ಮೆನನ್‌ ವಿವಾದಾತ್ಮಕ ಹೇಳಿಕೆಗೆ ನೆಟ್ಟಿಗರು ಗರಂ! ಖಡಕ್‌ ಸ್ಪಷ್ಟನೆ ಕೊಟ್ಟ ನಟಿ

ನೀವು ಈ ಬಾರಿ ಬಿಗ್‌ ಬಾಸ್‌ಗೆ ಹೋಗ್ತೀರಂತೆ ಹೌದಾ? ಇದು ಸೆಲೆಬ್ರಿಟಿಗಳಿಗೆ ಎದುರಾಗುವ ಸಾಮಾನ್ಯ ಪ್ರಶ್ನೆ. ಹಾಗಂತ ಇಂಥ ಪ್ರಶ್ನೆ ಕೇಳಿದವರ ಮೇಲೆ ಸಿಟ್ಟು ಮಾಡಿಕೊಳ್ಳೋಕೆ ಆಗತ್ತಾ? ಆದರೆ ನಟಿ ಲಕ್ಷ್ಮೀ ಮೆನನ್‌ ಅವರಿಗೆ ಈ ಪ್ರಶ್ನೆ ಎದುರಾದಾಗ ಅವರು ಯಾಕೋ ಕೊಂಚ ಗರಂ ಆದಂತೆ ಕಂಡರು. ಅದರ ಜೊತೆಗೆ ಒಂದು ವಿವಾದಾತ್ಮಕ ಹೇಳಿಕೆಯನ್ನೂ ನೀಡಿದರು. ಅದರ ಬಗ್ಗೆ ಈಗ ಪರ-ವಿರೋಧದ ಚರ್ಚೆ ನಡೆಯುತ್ತಿದೆ.

ಏನು ಹೇಳಿದ್ದರು ಲಕ್ಷ್ಮೀ?
'ನಾನು ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಸ್ಪರ್ಧಿಸುತ್ತಿಲ್ಲ. ನಾನು ಯಾವತ್ತೂ ಬೇರೆಯವರ ಪ್ಲೇಟ್ ತೊಳೆದು, ಟಾಯ್ಲೆಟ್‌ ಕ್ಲೀನ್ ಮಾಡೋದಿಲ್ಲ. ಶೋ ಹೆಸರಿನಲ್ಲಿ ಕ್ಯಾಮರಾ ಮುಂದೆ ಫೈಟ್ ಮಾಡೋದಿಲ್ಲ. ಈ ರೀತಿ ಶೋಗಳಲ್ಲಿ ನಾನು ಭಾಗವಹಿಸ್ತೀನಿ ಅಂತ ಸುದ್ದಿ ಹಬ್ಬಿಸಬೇಡಿ' ಎಂದು ಲಕ್ಷ್ಮೀ ಸಿಟ್ಟಿನಿಂದ ಹೇಳಿದ್ದರು. ಆದರೆ ಅವರ ಈ ಹೇಳಿಕೆ ಅನೇಕರ ಅಸಮಾಧಾನಕ್ಕೆ ಕಾರಣ ಆಗಿದೆ.

ಲಕ್ಷ್ಮೀ ಹೇಳಿಕೆಗೆ ನೆಟ್ಟಿಗರ ಅಸಮಾಧಾನ
ಲಕ್ಷ್ಮೀ ಮೆನನ್‌ ನೀಡಿದ ಈ ಹೇಳಿಕೆ ಅನೇಕ ಕಡೆಗಳಲ್ಲಿ ಸುದ್ದಿ ಆಯಿತು. ಅದನ್ನು ನೋಡಿದ ಹಲವರು ಲಕ್ಷ್ಮೀಗೆ ಸೋಶಿಯಲ್‌ ಮೀಡಿಯಾ ಮೂಲಕ ಮೆಸೇಜ್ ಮಾಡಿ ಕ್ಲಾಸ್‌ ತೆಗೆದುಕೊಂಡಿದ್ದಾರೆ. ಅಲ್ಲದೆ ಅನೇಕ ನೆಗೆಟಿವ್‌ ಕಾಮೆಂಟ್‌ಗಳನ್ನೂ ಮಾಡಿದ್ದಾರೆ. ಅಷ್ಟಕ್ಕೂ ಲಕ್ಷ್ಮೀ ಹೇಳಿಕೆಯಲ್ಲಿ ತಪ್ಪೇನಿತ್ತು? ಪ್ಲೇಟ್ ತೊಳೆಯುವುದು, ಟಾಯ್ಲೆಟ್‌ ಕ್ಲೀನ್ ಮಾಡುವುದು ಹೀನಾಯ ಕೆಲಸವಲ್ಲ ಎಂಬುದು ನೆಟ್ಟಿಗರ ಅಭಿಪ್ರಾಯ. ಹಾಗಾಗಿ ಲಕ್ಷ್ಮೀಗೆ ಬುದ್ಧಿ ಹೇಳಲಾಗುತ್ತಿದೆ.

also read: ನಾಲ್ಕು ದಿನ ಮುನ್ನವೇ ಶುರುವಾಯ್ತು ಬಿಗ್‌ ಬಾಸ್‌ ಹವಾ! ಹೇಗಿದೆ ನೋಡಿ ಹೊಸ ಸೀಸನ್‌ ಕ್ರೇಜ್‌

ನಾನು ಬಳಸಿದ್ದು ನಾನೇ ಕ್ಲೀನ್ ಮಾಡೋದು
ನೆಗೆಟಿವ್‌ ಮೆಸೇಜ್‌ ಮತ್ತು ಕಾಮೆಂಟ್‌ಗಳು ಬರಲು ಆರಂಭಿಸುತ್ತಿದ್ದಂತೆಯೇ ಅದಕ್ಕೆ ಲಕ್ಷ್ಮೀ ತಿರುಗೇಟು ನೀಡಿದ್ದಾರೆ. 'ನನ್ನನ್ನು ಪ್ರಶ್ನೆ ಮಾಡಲು ನೀವು ಯಾರು? ಇದು ನನ್ನ ಹಕ್ಕು, ನನ್ನ ಆಯ್ಕೆ. ಕೆಲವರಿಗೆ ಈ ಶೋ ಇಷ್ಟ ಆಗಬಹುದು, ಆಗದೇ ಇರಬಹುದು. ನನಗೆ ವೈಯಕ್ತಿಕವಾಗಿ ಇಷ್ಟ ಇಲ್ಲ. ನಮ್ಮ ಮನೆಯಲ್ಲಿ ನಾನು ಬಳಸಿದ ಪ್ಲೇಟ್‌ ಮತ್ತು ಟಾಯ್ಲೆಟ್‌ ನಾನೇ ಕ್ಲೀನ್ ಮಾಡೋದು. ಇದನ್ನೆಲ್ಲ ಶೋಗಾಗಿ ಕ್ಯಾಮರಾ ಮುಂದೆ ಮಾಡಲು ನನಗೆ ಇಷ್ಟ ಇಲ್ಲ' ಎಂದು ಅವರು ತಮ್ಮ ಹಳೇ ಹೇಳಿಕೆಯನ್ನು ಸಮರ್ಥಿಸಿಕೊಂಡಿದ್ದಾರೆ. ಕಮಲ್‌ ಹಾಸನ್‌ ನಡೆಸಿಕೊಡುವ 'ತಮಿಳು ಬಿಗ್‌ ಬಾಸ್‌ 4' ಶೀಘ್ರದಲ್ಲೇ ಆರಂಭ ಆಗಲಿದೆ.

also read: 6 ತಿಂಗಳಲ್ಲಿ 12 ಕೆಜಿ ತೂಕ ಇಳಿಸಿಕೊಂಡು ಮಿಂಚುತ್ತಿರುವ ಬಿಗ್‌ ಬಾಸ್‌ ಸ್ಪರ್ಧಿ! ಏನಿದರ ಸೀಕ್ರೆಟ್‌?