Bigg Boss 6, 26th December, Day 66: ಸೂಪರ್‌ ಹೀರೋಸ್‌ ವರ್ಸಸ್‌ ಸೂಪರ್‌ ವಿಲನ್‌

ಬಿಗ್‌ ಬಾಸ್‌ ಆರನೇ ಆವೃತ್ತಿ ಈಗ 66 ದಿನಗಳನ್ನು ದಾಟಿದೆ.

ಕಳೆದ ಎರಡು ತಿಂಗಳಿನಿಂದ ಇದ್ದ ಸ್ಪರ್ಧಿಗಳ ಜತೆಗೆ ಹೊಸದಾಗಿ ಬಂದ ಸ್ಪರ್ಧಿಗಳ ನಡುವಿನ ಗದ್ದಲ, ಕಿತ್ತಾಟ, ಚರ್ಚೆ, ಮಾತಿನ ಚಕಮಕಿ ಜೋರಾಗಿ ಸಾಗಿತ್ತು.

66ನೇ ದಿನದಲ್ಲಿ ಮೇಘಶ್ರೀಗೆ ಎದ್ದ ಕೂಡಲೇ ಅಚ್ಚರಿ ಕೂಡ ಕಾದಿತ್ತು. ಆಕೆಯ ಜನ್ಮದಿನದ ಹಿನ್ನೆಲೆಯಲ್ಲಿ ಎಲ್ಲರೂ ಶುಭ ಕೋರಿದರು.

ಆದರೆ ಸೂಪರ್ ಹೀರೋ, ಸೂಪರ್‌ ವಿಲನ್‌ನ ಲಕ್ಸುರಿ ಬಜೆಟ್‌ ಟಾಸ್ಕ್‌ ಇನ್ನಷ್ಟು ಕಿಚ್ಚು ಹೆಚ್ಚಿಸಿತು.

ಎರಡು ಗಳಾಗಿ ಸೂಪರ್‌ ತಂಡಗಳನ್ನು ವಿಂಗಡಿಸಲಾಗಿತ್ತು. ಒಂದರಲ್ಲಿ ಶಶಿ, ಧನರಾಜ್‌, ಅಕ್ಷತಾ, ಕವಿತಾ, ನಿವೇದಿತಾ, ಜೀವಿತಾ ಇದ್ದರೆ, ಮತ್ತೊಂದರಲ್ಲಿ ವಿಲನ್‌ಗಳಾಗಿ ಇದ್ದದ್ದು ಮುರಳಿ, ರಶ್ಮಿ, ಆಂಡಿ, ರಾಕೇಶ್‌, ನವೀನ್ ಮತ್ತು ಮೇಘಶ್ರೀ


ಜೈಲಿನಲ್ಲಿರುವ ವಿಜ್ಞಾನಿಯನ್ನು ಬಿಡಿಸಲು ಸೂಪರ್‌ ಹೀರೋಗಳು ಬೀಗಗಳನ್ನು ತೆಗೆಯಬೇಕಾಗಿತ್ತು. ಅದನ್ನು ತಡೆಯಲು ಸೂಪರ್‌ ವಿಲನ್‌ಗಳು ತಮಗೆ ಗೊತ್ತಿದ್ದ ಎಲ್ಲ ತರಲೆಗಳನ್ನು ಪ್ರಯೋಗಿಸಿದರು.

ಅದರಲ್ಲೂ ಆಂಡಿ ಎಲ್ಲರ ಮುಖಕ್ಕೆ ಡಿಯೋಡರೆಂಟ್‌ ಹೊಡೆಯುತ್ತಿದ್ದು ಸ್ವಲ್ಪ ಅತಿ ಎನಿಸಿತು. ಕಣ್ಣಿಗೆ ಹಾಕಬಾರದು ಎಂದು ಸ್ಪರ್ಧಿಗಳು ಹೇಳಿದರೂ ಆಂಡಿ ವಿಲನ್‌ ಆಟ ಮುಂದುವರಿದೇ ಇತ್ತು.

ಒಂದು ಹಂತದಲ್ಲಿ ಆಂಡಿ ತಂಡದಲ್ಲೇ ಇದ್ದ ರಾಕೇಶ್‌ ಕೂಡ ಇದು ಸರಿ ಇಲ್ಲ, ಇದನ್ನು ಬಳಸುವಾಗ ಎಚ್ಚರಿಕೆ ವಹಿಸೋಣ ಎಂದು ಎಚ್ಚರಿಸಿದರೂ, ಆಂಡಿನ ರಂಪಾಟ ಕಡಿಮೆಯಾಗಲೇ ಇಲ್ಲ.

ಈ ಟಾಸ್ಕ್‌ ಸ್ವಲ್ಪ ಮಿತಿ ಮೀರಿದಂತೆ ಕಂಡುಬಂತು. ಆದರೂ ಸೂಪರ್‌ ಹೀರೋಗಳು ಮತ್ತು ಸೂಪರ್‌ ವಿಲನ್‌ಗಳ ನಡುವಿನ ಫೈಟ್‌ ಈ ಸೀಸನ್‌ನ ಎಲ್ಲ ಟಾಸ್ಕ್‌ಗಳಿಗಿಂತಲೂ ಜೋರಾಟಿ ನಡೆದಿತ್ತು.

ಸೂಪರ್‌ ಹೀರೋಗಳ ಕಡೆಯಿಂದ ಹುಡುಗಿಯರು ತಮಗಾದ ಎಲ್ಲ ಅನುಭವಗಳನ್ನು ಹೇಳಿಕೊಂಡರು. ಕೊನೆಗೂ ಶಶಿ, ಧನರಾಜ್‌ ನೇತೃತ್ವದ ಸೂಪರ್‌ ಹೀರೋಸ್‌ ಪಂದ್ಯವನ್ನು ಬಿಟ್ಟುಕೊಟ್ಟರು.

ಮುಂದಿನ ಹಂತದಲ್ಲಿ ಸೂಪರ್‌ ಹೀರೋ, ವಿಲನ್‌ಗಳ ಅದಲುಬದಲಾಗಲಿದ್ದಾರೆ.