Bigg Boss 6, 28th December, Day 68: ಟಾಸ್ಕ್‌ಗಳಲ್ಲಿ ಮಿಂದೆದ್ದ ಸ್ಪರ್ಧಿಗಳು

ಬಿಗ್‌ ಬಾಸ್‌ ಆರನೇ ಆವೃತ್ತಿ ಈಗ 68ನೇ ದಿನ ಸಂಪೂರ್ಣ ಟಾಸ್ಕ್‌ಮಯವಾಗಿತ್ತು.

ಈ ವಾರದಲ್ಲಿ ನಡೆದ ಸೂಪರ್‌ ಹೀರೋಸ್‌, ಸೂಪರ್‌ ವಿಲನ್‌ ಟಾಸ್ಕ್‌ನಲ್ಲಿ ಸ್ಪರ್ಧಿಗಳಿಗೆ ಸಾಕಷ್ಟು ಗೋಳು ಹೊಯ್ದುಕೊಂಡಿದ್ದ ಆಂಡಿ ಬೆಳ್ಳಂಬೆಳ್ಳಗೆ ನಿವೇದಿತಾಗೆ ಕಿರಿಕ್‌ ಮಾಡಿದರು.

ನಂತರ ಬೆಳಗ್ಗೆ ಎಲ್ಲರಿಗೂ ಜಾನಪದ ನೃತ್ಯ ಹೇಳಿಕೊಡುವಲ್ಲಿ ಶಶಿ ನಿರತರಾದರು.

ಇದರ ಬೆನ್ನಲ್ಲೇ ವಾರದ ಕ್ಯಾಪ್ಟನ್‌ ಯಾರಾಗಬೇಕು ಎಂಬುದಕ್ಕೆ ವಿಶೇಷ ಟಾಸ್ಕ್‌ ನೀಡಲಾಯಿತು. ಅದರಂತೆ ರಾಕೇಶ್‌, ನವೀನ್‌, ರಶ್ಮಿ, ಮೇಘಶ್ರೀ, ಆಂಡಿ, ಮುರಳಿ ಪ್ರತಿಸ್ಪರ್ಧಿಗಳಾದರು.

ಬೆನ್ನ ಮೂಲೆ ಮೂಟೆಯನ್ನು ಹೊತ್ತು ವೃತ್ತದಲ್ಲಿ ತಿರುಗಬೇಕಾಗುತ್ತದೆ. ಸ್ಪರ್ಧಿಗಳು ತಮ್ಮ ಎದುರಿಗಿರುವ ಸ್ಪರ್ಧಿಯ ಮೂಟೆಯಲ್ಲಿರುವ ಥರ್ಮಾಕೋಲ್‌ ಪೀಸ್‌ಗಳನ್ನು ಕಡಿಮೆ ಮಾಡಬೇಕಾಯಿತು. ಅದರಂತೆ ಕೊನೆಯಲ್ಲಿ ತನ್ನ ಮೂಟೆಯಲ್ಲಿದ್ದ ಥರ್ಮಾಕೋಲ್‌ ಅನ್ನು ಉಳಿಸಿಕೊಂಡ ಆಂಡಿ ನಾಯಕ ಪಟ್ಟ ಏರಿದರು.

ಅಲ್ಲದೇ ಸೂಪರ್‌ ವಿಲನ್‌ ಟಾಸ್ಕ್‌ನಲ್ಲಿ ನಾನು ಸ್ವಲ್ಪ ಹೆಚ್ಚಾಗಿಯೇ ವಿಲನ್‌ ಆಗಿದ್ದೆ. ಸ್ಪರ್ಧಿಗಳಿಗೆ ಸಾಕಷ್ಟು ಹಿಂಸೆ ಕೊಟ್ಟಿದ್ದೇನೆ. ಇದಕ್ಕಾಗಿ ಕ್ಷಮೆ ಕೋರುತ್ತೇನೆ ಎಂದು ಭಾಷಣ ಬಿಗಿದರು.

ಇದಾದ ನಂತರ ಬಿಗ್‌ ಮನೆಯ ಸನ್ನಿವೇಶಗಳನ್ನು ಭಾವಚಿತ್ರ ರೂಪದಲ್ಲಿ ಪ್ರಿಂಟ್‌ ಮಾಡಿಕೊಡಲಾಯಿತು. ಇದಕ್ಕೆ ಸ್ಪರ್ಧಿಗಳು ತಮ್ಮದೇ ರೀತಿಯಲ್ಲಿ ಕಥೆ ಹೆಣೆದರು.


ನಂತರ ಶುರುವಾಯಿತು ಟಾಸ್ಕ್‌ಗಳ ಸಮರ. ಸ್ಪರ್ಧಿಗಳಿಗೆ ಫುಟ್ಬಾಲ್‌, ಕ್ರಿಕೆಟ್‌ ಮತ್ತು ಬ್ಯಾಡ್ಮಿಂಟನ್‌ ಆಟ ನಡೆಸಲಾಯಿತು. ಫುಟ್ಬಾಲ್‌ನಲ್ಲಿ ಶಶಿ ಕವಿತಾ ಸ್ಪರ್ಧಿಗಳಾಗಿದ್ದರು. ಶಶಿ ಇಲ್ಲಿ ಗೆದ್ದರು.

ನಂತರ ರಾಕೇಶ್‌, ರಶ್ಮಿ ನಡುವಿನ ಕ್ರಿಕೆಟ್‌ ಸ್ಪರ್ಧೆಯಲ್ಲಿ ರಾಕೇಶ್‌ ಜಯಶಾಲಿಯಾದರು.

ಕೊನೆಗೆ ನಡೆದ ಬ್ಯಾಡ್ಮಿಂಟನ್‌ ಕ್ರೀಡೆಯಲ್ಲಿ ನಿವೇದಿತಾ ವಿರುದ್ಧ ನವೀನ್‌ ಸಜ್ಜು ಜಯಗಳಿಸಿದರು.

ಈ ಟಾಸ್ಕ್‌ನಲ್ಲಿ ಭಾಗವಹಿಸಿದವರೆಲ್ಲರಿಗೂ ಬಿಗ್‌ ಬಾಸ್ ಕಡೆಯಿಂದ ಪದಕಗಳೂ ದಕ್ಕಿತು.