Bigg Boss 6, 7th January, Day 78: ಬಿಗ್‌ ಟಿವಿ ಶೋ ಸಂಭ್ರಮ

ಬಿಗ್‌ ಬಾಸ್‌ ಈಗ ಅಂತಿಮ ಹಂತದತ್ತ ಹೆಜ್ಜೆ ಹಾಕುತ್ತಿದೆ. ಕಳೆದ ಡಬಲ್‌ ಎಲಿಮಿನೇಶನ್‌ ನಂತರ ಈ ಬಾರಿಯೂ ಸ್ಪರ್ಧಿಗಳಲ್ಲಿ ತಳಮಳ ಶುರುವಾದ ಬೆನ್ನಲ್ಲೇ ಮತ್ತೊಂದು ವಾರದ ಅಧ್ಯಾಯ ಆರಂಭವಾಗಿದೆ.

ಸೋಮವಾರ ಆರಂಭದಲ್ಲೇ ಬಿಗ್‌ ಬಾಸ್ ಎಲಿಮಿನೇಶನ್‌ ಟಾಸ್ಕ್‌ ಕೊಟ್ಟರು.

ಸ್ಪರ್ಧಿಗಳನ್ನು ಕರೆದು ನಾಮಿನೇಟ್‌ ಮಾಡಲು ಸೂಕ್ತ ಕಾರಣ ತಿಳಿಸುವಂತೆ ಸೂಚನೆ ನೀಡಿದರು.

ನಂತರ ಸ್ಪರ್ಧಿಗಳ ಆಯ್ಕೆಯಂತೆ ಆಂಡಿ, ರಾಕೇಶ್‌, ಅಕ್ಷತಾ, ಶಶಿ ನಾಮಿನೇಟ್‌ ಆದರು.

ನಂತರ ಕ್ಯಾಪ್ಟನ್‌ ನವೀನ್‌ಗೆ ಬಿಗ್‌ ಬಾಸ್‌ ಹೊಸ ಟಾಸ್ಕ್‌ ಕೊಟ್ಟರು. ಧನರಾಜ್‌, ಕವಿತಾ ಮತ್ತು ರಶ್ಮಿ ಅವರಲ್ಲಿ ನೇರವಾಗಿ ನಾಮಿನೇಟ್‌ ಮಾಡಲು ಅವಕಾಶ ನೀಡಿದರು. ಇದಕ್ಕೆ ಮೂವರಿಂದ ಸೂಕ್ತ ಸ್ಪಷ್ಟನೆ ಪಡೆದು ನಿರ್ಧಾರ ಕೈಗೊಳ್ಳುವಂತೆ ಸೂಚಿಸಿದರು.

ಅದರಂತೆ ನವೀನ್‌ ಮೂವರಿಂದ ಸ್ಪಷ್ಟನೆ ಪಡೆದು ಕೊನೆಗೆ ರಶ್ಮಿಯನ್ನು ಈಜುಕೊಳಕ್ಕೆ ತಳ್ಳುವ ಮೂಲಕ ನೇರವಾಗಿ ನಾಮಿನೇಟ್‌ ಮಾಡಿದರು.

ನಂತರ ಬಿಗ್‌ ಮನೆಯಲ್ಲಿ ಟಿವಿ ಶೋ ನಡೆಸಲು ಸ್ಪರ್ಧಿಗಳಿಗೆ ಟಾಸ್ಕ್‌ ನೀಡಲಾಗಿತ್ತು.

ಧನರಾಜ್‌, ಶಶಿ, ರಾಕೇಶ್‌, ನವೀನ್‌ ಆಂಕರ್‌ಗಳಾಗಿ ಟಿವಿ ಶೋ ನಡೆಸಿಕೊಟ್ಟರು.


ಅದರಲ್ಲೂ ಧನರಾಜ್‌ ಆಂಕರ್‌ ಆಗಿ ಆದಮ್‌ ಪಾಷಾ ರೀತಿಯಲ್ಲಿಯೇ ಕಾರ್ಯಕ್ರಮ ನಡೆಸಿಕೊಟ್ಟರು. ಅಕ್ಷತಾಗೆ ಮೇಕಪ್‌ ಮಾಡುವ ಕಲೆಯನ್ನು ಕವಿತಾ ಈ ಶೋನಲ್ಲಿ ತೋರಿಸಿಕೊಟ್ಟರು.

ನಂತರ ಶಶಿ ನಡೆಸಿಕೊಟ್ಟ ಟಿವಿ ಶೋನಲ್ಲಿ ಅಕ್ಷತಾ ತಮ್ಮ ಕೈಚಳಕ ತೋರಿದರು. ಕಡಿಮೆ ಪದಾರ್ಥಗಳನ್ನು ಬಳಸಿ ಹೆಸರುಬೇಳೆ ಪಾಯಸ ತಯಾರಿಸಿ ಸೈ ಎನಿಸಿದರು.

ನಂತರ ಡಿಬೇಟ್‌ ಅನ್ನು ನವೀನ್‌, ರಾಕೇಶ್ ಖುಷಿ ಖುಷಿ ನಡೆಸಿಕೊಟ್ಟರು ಎಲ್ಲರಿಗೂ ಖುಷಿ ಕೊಟ್ಟರು.

ನಂತರ ರ‍್ಯಾಪಿಡ್ ರಶ್ಮಿ ನಡೆಸಿಕೊಟ್ಟ ಗಾಸಿಪ್ ಶೋನಲ್ಲಿ ಸಖತ್‌ ಗಾಸಿಪ್‌ ಮಾಡಿದರು. ಮನೆಯಲ್ಲಿ ನಡೆದ ಘಟನೆಗಳನ್ನು ಇಟ್ಟುಕೊಂಡು ಗಾಸಿಪ್‌ ಮಾಡಿದರು.