Bigg Boss 6, 20th January, week end: ಬಿಗ್‌ ಮನೆಗೆ ಎಂಟ್ರಿ ಕೊಟ್ಟ ಸುದೀಪ್‌

ಬಿಗ್‌ ಬಾಸ್‌ ಮನೆಯಿಂದ ಮತ್ತೊಬ್ಬ ಸ್ಪರ್ಧಿ ರಾಕೇಶ್‌ ಹೊರ ಹೋದ ಬೆನ್ನಲ್ಲೇ ಈಗ ಎಲ್ಲರಲ್ಲೂ ಫೈನಲ್‌ ವಾರ ತಲುಪಿದ ಖುಷಿಯಲ್ಲಿದ್ದಾರೆ.

ಅದಕ್ಕಿಂತಲೂ ಹೆಚ್ಚಾಗಿ ಸ್ಪರ್ಧಿಗಳಿಗೆ ಖುಷ್ ಆಗಿದ್ದು ಬಿಗ್‌ ಮನೆಗೆ ಎಂಟ್ರಿ ಕೊಟ್ಟಿದ್ದು ಸುದೀಪ್‌ ಅವರಿಂದ.

ಮನೆಯಲ್ಲಿ ತಮ್ಮ ತಮ್ಮ ಕಾರ್ಯದಲ್ಲಿ ತೊಡಗಿದ್ದಾಗ ಸುದೀಪ್‌ ಎಂಟ್ರಿ ಕೊಟ್ಟರು.

ಇದರಿಂದ ಮನೆಯಲ್ಲಿದ್ದ ಎಲ್ಲರೂ ಥ್ರಿಲ್‌ ಆದರು. ಸುದೀಪ್‌ರನ್ನು ತಬ್ಬಿಕೊಂಡು ತಮ್ಮದೇ ಆದ ಶೈಲಿಯಲ್ಲಿ ಮೆಚ್ಚಿಸಲು ಮುಂದಾದರು.

ಇದಕ್ಕೂ ಮುನ್ನ ಸ್ಪರ್ಧಿಗಳಿಗೆ ಟಾಸ್ಕ್‌ ನೀಡಲಾಗಿತ್ತು.

ಅದರಂತೆ ಬಾಸ್ಮತಿ ಅಕ್ಕಿಯಿಂದ ಹೈದರಾಬಾದ್‌ ಬಿರಿಯಾನಿ, ಕಾಶ್ಮೀರಿ ಪಲಾವ್‌, ಪಿಲಾಫ್‌ ಮಾಡುವ ಟಾಸ್ಕ್‌ ಅನ್ನು ನವೀನ್‌, ಆಂಡಿ, ಧನರಾಜ್‌ ನೀಡಲಾಯಿತು.

ಇದರ ಬೆನ್ನಲ್ಲೇ ವೀಕೆಂಡ್‌ ವಿಥ್‌ ಸುದೀಪದಲ್ಲಿ ಸ್ಪರ್ಧಿಗಳು ಕೇಳಿಕಂಡಂತೆ, ನಾಟಿ ಕೋಳಿ ಸಾರು, ಮಟನ್‌ ಚಾಪ್ಸ್‌, ಮುದ್ದೆಯನ್ನು ಸುದೀಪ್‌ ಕಳುಹಿಸಿಕೊಟ್ಟರು.

ಸುದೀಪ್ ಎಂಟ್ರಿ ಆದ ನಂತರ ಸ್ಪರ್ಧಿಗಳ ಜತೆ ಕುಶಲೋಪರಿ ನಡೆಸಿ ರೌಂಡ್‌ ಟೇಬಲ್‌ ಚರ್ಚೆ ನಡೆಸಿದರು.

ಅದರಲ್ಲಿ ಪ್ರತಿ ಸ್ಪರ್ಧಿಯೂ ತಮ್ಮ ಪ್ರತಿಭೆಯನ್ನು ಸುದೀಪ್‌ ಮುಂದ ಹೊರಹಾಕಿದರು.

ರಶ್ಮಿ ಹಾಡು ಕೇಳಿ ಸುದೀಪ್‌ ಮನಸೋತರು. 16 ವರ್ಷ ಸಂಗೀತ ಸಾಧನೆ ಮಾಡಿ ಈಗ ರೇಡಿಯೋ ಜಾಕಿ ಆಗಿರುವ ಬಗ್ಗೆ ಸುದೀಪ್‌ ತಮ್ಮದೇ ಶೈಲಿಯಲ್ಲಿ ರಶ್ಮಿ ಕಾಲೆಳೆದರು.


ನಂತರ ಕವಿತಾ ನಡೆಸಿಕೊಟ್ಟ ನೃತ್ಯಕ್ಕೂ ಸುದೀಪ್‌ ತಲೆದೂಗಿದರು.

ಆ ನಂತರ ಸ್ಪರ್ಧಿಗಳೆಲ್ಲರನ್ನೂ ಕನ್ಫೆಷನ್‌ ರೂಮ್‌ಗೆ ಕರೆಸಿಕೊಂಡರು ಬಿಗ್‌ಬಾಸ್‌. ಅಲ್ಲಿಂದ ಹೊರಬರುವಷ್ಟರಲ್ಲಿ ಸುದೀಪ್‌ ಮಾಯವಾದರು.

ಜತೆಗೆ ಬಿಗ್‌ಬಾಸ್‌ನ ಸ್ಪರ್ಧಿಗಳಿಗೆ, ಫೈನಲ್‌ ತಲುಪಿದ ಎಲ್ಲರಿಗೂ ಕೈ ಗಡಿಯಾರ ಮತ್ತು ಹೆಡ್‌ಫೋನ್‌ ಅನ್ನು ಉಡುಗೊರೆಯಾಗಿ ಕೊಟ್ಟರು ಸುದೀಪ್‌.

ಇದನ್ನು ನಂತರ ಬಿಗ್‌ಬಾಸ್‌ ವಾಪಸ್ ತೆಗೆದುಕೊಂಡು ನಂತರ ನೀಡುವುದಾಗಿ ತಿಳಿಸಿದರು.

ಈ ಸಂಡೇ ಬಿಗ್‌ ಮನೆಯಲ್ಲಿ ಸ್ಪರ್ಧಿಗಳಿಗೆ ಸುದೀಪ ಬೆಳಗಿದ್ದು ಎಲ್ಲರಿಗೂ ಖುಷಿ ತಂದಿದೆ.