ಪ್ರೀತಿ, ಮದುವೆ ವಿಚಾರದಲ್ಲಿ ಚೈತ್ರಾ ಆ ರೀತಿ ನಡೆದುಕೊಂಡಿದ್ದೇಕೆ?
ಕಿಶನ್ ಮತ್ತು ರಕ್ಷಾ ಸೋಮಶೇಖರ್ ಬಿಗ್ ಬಾಸ್ ಹೇಳಿಕೆ ಮೇರೆಗೆ ಮಾಜಿ ಲವ್ವರ್ಗಳಂತೆ ಬಿಗ್ಬಾಸ್ನಲ್ಲಿ ಬಿಹೇವ್ ಮಾಡುತ್ತಿದ್ದಾರೆ. ಇದು ಮನೆಯ ಇತರ ಸದಸ್ಯರಿಗೆ ಗೊತ್ತಿಲ್ಲ. ಈ ಹಿಂದೆ ಚೈತ್ರಾ ಕೋಟೂರ್ ಅವರು ಶೈನ್ ಶೆಟ್ಟಿ ಹಿಂದೆ ಬಿದ್ದಿದ್ದರು. ಒಮ್ಮೆ ಸೊಪ್ಪು ಮಾರುವವನನ್ನು ಮದುವೆಯಾಗಿದ್ದೀನಿ ಎನ್ನುವ ಚೈತ್ರಾ, ಇನ್ನೊಮ್ಮೆ ಬೇರೆ ಹುಡುಗನನ್ನು ಪ್ರೀತಿಸುತ್ತೇನೆ ಎಂದಿದ್ದರು. ಇನ್ನೂ ಕೆಲವೊಮ್ಮೆ ನನ್ನ ಹುಡುಗ ಹಾಗೆ ಮುದ್ದು ಮಾಡಬೇಕು, ಹೀಗೆ ಮುದ್ದು ಮಾಡಬೇಕು ಎನ್ನುತ್ತಿದ್ದರು. ಚೈತ್ರಾರ ಈ ವರ್ತನೆ ವೀಕ್ಷಕರಿಗೆ ದೊಡ್ಡ ಯಕ್ಷಪ್ರಶ್ನೆಯಾಗಿತ್ತು. ನಿಜಕ್ಕೂ ಚೈತ್ರಾ ತಿಳಿಯದೇ ಹೀಗೆ ಆಡಿದರೇ? ಅಥವಾ ಕ್ಯಾಮರಾದಲ್ಲಿ ತುಂಬ ಹೊತ್ತು ಸೆರೆಯಾಗಲು ಈ ರೀತಿ ನಡೆದುಕೊಂಡರಾ? ಎಂಬ ಪ್ರಶ್ನೆ ಕಾಡಬಹುದು.
ಚೈತ್ರಾಗೆ ಸೀಕ್ರೇಟ್ ಟಾಸ್ಕ್ ನೀಡಿದ್ದ ಬಿಗ್ಬಾಸ್?
ಶೈನ್ ಶೆಟ್ಟಿಯನ್ನು ಪ್ರೀತಿಸುತ್ತಿರುವುದು ಚೈತ್ರಾಗೆ ನೀಡಿದ್ದ ಸೀಕ್ರೇಟ್ ಟಾಸ್ಕ್ ಎಂದು ಹೇಳಲಾಗುತ್ತಿದೆ. ಈ ವಿಚಾರವನ್ನು ಚೈತ್ರಾ ಎಲ್ಲೂ ಹೇಳಿಲ್ಲ. ಆದರೂ ಕೂಡ ಇದು ಬಿಗ್ ಬಾಸ್ ಆದೇಶ ಎನ್ನುತ್ತಿವೆ ಕೆಲ ಬಲ್ಲ ಮೂಲಗಳು.
ವೈಲ್ಡ್ ಕಾರ್ಡ್ ಎಂಟ್ರಿಯಾಗಿ ಮತ್ತೆ ಚೈತ್ರಾ ಬಿಗ್ ಮನೆಯೊಳಕ್ಕೆ?
ಚೈತ್ರಾ ಕೋಟೂರ್ ಎಲಿಮಿನೇಟ್ ಆಗಿ ಮನೆಯಿಂದ ಹೊರಬಂದಿದ್ದು ಅವರನ್ನೂ ಸೇರಿದಂತೆ ಹಲವರಿಗೆ ದೊಡ್ಡ ಶಾಕ್ ನೀಡಿತ್ತು. ಚೈತ್ರಾ ಕೋಟೂರ್ ಬಿಗ್ ಮನೆಯೊಳಕ್ಕೆ ಇದ್ದದ್ದು ಪ್ರತಿದಿನ ವೀಕ್ಷಕರಿಗೆ ತಿಳಿಯುತ್ತಿತ್ತು, ಅಂದರೆ ಅವರು ಸದಾ ಆ್ಯಕ್ಟಿವ್ ಆಗಿರುತ್ತಿದ್ದರು. ಈಗ ಕೇಳಿಬರುತ್ತಿರುವ ವಿಚಾರವೇನೆಂದರೆ ಚೈತ್ರಾ ಕೋಟೂರ್ ಮತ್ತೆ ವೈಲ್ಡ್ ಕಾರ್ಡ್ ಸ್ಪರ್ಧಿಯಾಗಿ ಬಿಗ್ ಬಾಸ್ ಮನೆಯೊಳಗೆ ಕಾಲಿಡುತ್ತಾರಂತೆ.
ಈಗ ಚೈತ್ರಾ ಬಿಗ್ ಮನೆಯೊಳಗೆ ಕಾಲಿಟ್ಟರೆ ಹೇಗಿರತ್ತೆ ಅಲ್ಲಿನ ವಾತಾವರಣ?
ಚೈತ್ರಾ ಕೋಟೂರ್ ಬಿಗ್ ಬಾಸ್ ಮನೆಯೊಳಗೆ ಕಾಲಿಟ್ಟ ನಂತರ ಬಿಗ್ ಬಾಸ್ ಸ್ಪರ್ಧಿಗಳ ಬಿಹೇವಿಯರ್ ಸ್ವಲ್ಪ ಬದಲಾವಣೆ ಆಗಬಹುದು. ಅಷ್ಟೇ ಅಲ್ಲದೆ ಚೈತ್ರಾ ಕೂಡ ಟಿವಿ ಪರದೆಯಲ್ಲಿ ಇತರ ಸ್ಪರ್ಧಿಗಳ ನಡವಳಿಕೆ, ಗುಣ ಎಲ್ಲವನ್ನು ಇಷ್ಟು ದಿನ ಕುಳಿತು ನೋಡಿರುತ್ತಾರೆ, ಗಮನಿಸಿರುತ್ತಾರೆ. ಈಗ ಹೇಗೆ ಆಟ ಆಡಿದರೆ ಕೊನೆಯ ತನಕ ತಾನು ಹೇಗೆ ಆ ಮನೆಯಲ್ಲಿ ಉಳಿಯಬಹುದು ಎಂಬ ಆಲೋಚನೆ ಪೂರ್ವ ಯೋಜನೆ ಅವರ ತಲೆಯಲ್ಲಿ ಇರುತ್ತದೆ. ಹೀಗಾಗಿ ಚೈತ್ರಾ ಕೋಟೂರ್ ಬಿಗ್ ಬಾಸ್ ಮನೆಯೊಳಕ್ಕೆ ಮತ್ತೆ ಎಂಟ್ರಿ ನೀಡಿದರೆ ಆಟವು ಇನ್ನಷ್ಟು ರೋಚಕತೆ ಪಡೆದುಕೊಳ್ಳುವುದಂತೂ ಸತ್ಯ.