ಒಂದೇ ದಿನದಲ್ಲಿ ಶೈನ್‌ ಶೆಟ್ಟಿ ಮೇಲೆ ಚೈತ್ರಾ ಕೊಟ್ಟೂರ್‌ಗೆ ಲವ್ ಆಗಿದ್ದೇಗೆ?

ಬಿಗ್‌ ಬಾಸ್‌ನಲ್ಲಿ ಜಗಳ, ಮುನಿಸು, ಮನಸ್ತಾಪ, ಪ್ರೀತಿ-ಪ್ರೇಮ, ಅಣ್ಣ-ತಂಗಿ ಸಂಬಂಧ, ಅಪ್ಪ-ಮಗಳು ಮುಂತಾದ ವಿಷಯಗಳ ಸುತ್ತ ಕೆಲ ಘಟನೆಗಳು ನಡೆಯುತ್ತವೆ. ಕಳೆದ ಸೀಸನ್‌ ಸ್ಪರ್ಧಿಗಳಾದ ಚಂದನ್ ಶೆಟ್ಟಿ, ನಿವೇದಿತಾ ಗೌಡ ಇಬ್ಬರೂ ಮದುವೆ ತಯಾರಿಯಲ್ಲಿದ್ದಾರೆ. ಈ ಬಾರಿ ಇಂತಹ ಘಟನೆಗಳು ನಡೆಯುತ್ತವೆ ಎಂಬುದು ಹಲವರ ಅಭಿಪ್ರಾಯವಾಗಿತ್ತು. ಪ್ರತಿ ಸೀಸನ್‌ನಲ್ಲೂ ಕೂಡ ಒಂದೋ ಎರಡೋ ಪ್ರೀತಿ-ಪ್ರೇಮದ ಕಥೆ ಇರತ್ತೆ. ಅದು ನಿಜವಾಗಿರಬಹುದು ಅಥವಾ ಟಿಆರ್‌ಪಿಗಾಗಿಯೋ ಅಥವಾ ಬಿಗ್‌ ಬಾಸ್‌ ಮನೆಯಲ್ಲಿ ಹೆಚ್ಚು ವಾರಗಳ ಕಾಲ ಉಳಿದುಕೊಳ್ಳಬೇಕು ಎಂಬ ಉದ್ದೇಶಕ್ಕೋ ಈ ರೀತಿ ನಡೆದುಕೊಳ್ಳಬಹುದು.

ಈ ಬಾರಿ ತಮಾಷೆಗಾಗಿ ಪ್ರಿಯಾಂಕಾ ಹಿಂದೆ ಶೈನ್ ಶೆಟ್ಟಿ ಹಿಂದೆ ಬಿದ್ದಿದ್ದರು. ಚೈತ್ರಾ ಕೊಟ್ಟೂರು ಶೈನ್ ಹಿಂದೆ ಬಿದ್ದಿದ್ದಾರೆ. ಪರೋಕ್ಷವಾಗಿ ಶೈನ್‌ ಶೆಟ್ಟಿ ತನ್ನನ್ನು ಪ್ರೀತಿ ಮಾಡುತ್ತಿದ್ದಾರಾ? ಎಂದು ಅವರನ್ನೇ ಪ್ರಶ್ನಿಸಿದ್ದರು. ಚೈತ್ರಾ ನಡವಳಿಕೆ ನೋಡಿ ಮನೆಯವರೆಲ್ಲರೂ ಶೈನ್‌ ಶೆಟ್ಟಿ ಕಾಲೆಳೆಯುತ್ತಿದ್ದರೆ, ಚೈತ್ರಾ ಅದಕ್ಕೆಲ್ಲ ಮತ್ತಷ್ಟು ಪುಷ್ಠಿ ಕೊಡುತ್ತ ನಗುತ್ತಿದ್ದಾರೆ. ಇತರ ಸ್ಪರ್ಧಿಗಳ ಅನುಮಾನ ನಿಜ ಎಂದೆನಿಸುವಂತಿದೆ ಚೈತ್ರಾ ಬಿಹೇವಿಯರ್. ಈ ನಡುವೆ ಚೈತ್ರಾ ಒಬ್ಬಂಟಿಯಾಗಿದ್ದಾರೆ. ಅವರು ಏಕಾಂಗಿಯಾಗಿ ಕುಳಿತಿರೋದನ್ನು ನೋಡಿ ಶೈನ್ ಶೆಟ್ಟಿ ಮತ್ತು ಪ್ರಿಯಾಂಕಾ ಅವರನ್ನು ಪ್ರಶ್ನಿಸಿದ್ದಾರೆ.

ಬಿಗ್ ಬಾಸ್ ಮನೆಯಿಂದ ಹೊರಬಿದ್ದ ಮೊದಲ ಸ್ಪರ್ಧಿ? ವೀಕ್ಷಕರಿಗೆ ಸುದೀಪ್ ಶಾಕ್

ಚೈತ್ರಾ ಕೊಟ್ಟೂರು ಹೇಳೋದೇನು?
ಇದಕ್ಕೆ ಉತ್ತರಿಸಿದ ಚೈತ್ರಾ ಕೊಟ್ಟೂರು "ನನ್ನನ್ನು ಎಲ್ಲರೂ ದೂರವಿಟ್ಟಿದ್ದಾರೆ. ರಶ್ಮಿ, ಪ್ರಿಯಾಂಕಾ, ಭೂಮಿ ಶೆಟ್ಟಿ ಬಿಟ್ಟು ಉಳಿದವರು ನನ್ನನ್ನು ಮಾತನಾಡಿಸುತ್ತಿಲ್ಲ. ನನಗೆ ಏನಾಗುತ್ತಿದೆಯೋ ಗೊತ್ತಾಗುತ್ತಿಲ್ಲ. ಬಾನೆತ್ತರಕ್ಕೆ ಹಾರಬೇಕು ಎಂದುಕೊಂಡಿರುತ್ತೇವೆ. ಆದರೆ ಇವರೇ ನಮ್ಮ ಕಾಲೆಳೆಯುತ್ತಿದ್ದಾರೆ" ಎಂದಿದ್ದಾರೆ.

ಬಿಗ್‌ ಬಾಸ್ ಮನೆಯಿಂದ ಇಂದು ಇಬ್ಬರು ಹೊರಕ್ಕೆ, ಕಾರಣ?

ಶೈನ್ ಶೆಟ್ಟಿ ಚೈತ್ರಾರನ್ನು ಪ್ರೀತಿಸುತ್ತಿದ್ದಾರಾ?
ಶೈನ್ ಶೆಟ್ಟಿ ಚೈತ್ರಾರನ್ನು ಸಂತೈಸಲು ಪ್ರಯತ್ನಿಸಿದರು. ತದನಂತರದಲ್ಲಿ ಚೈತ್ರಾ ಅವರ ಹಿಂದೆ ಬಿದ್ದ ಬಗ್ಗೆಯೂ ಶೈನ್ ನೀವು ಇದನ್ನೆಲ್ಲ ಮಾಡುತ್ತಿರುವುದು ಸೀರಿಯಸ್ ಆಗಿಯೋ? ಅಥವಾ ತಮಾಷೆಗಾಗಿಯೋ ತಿಳಿಯುತ್ತಿಲ್ಲ, ಹೇಳಿ ಎಂದರು. ಆಗ ಚೈತ್ರಾ ತಮಾಷೆ ಅಂದ್ರೆ ಏನು ಮಾಡ್ತೀರಾ? ಸೀರಿಯಸ್ ಅಂದರೆ ಏನು ಮಾಡ್ತೀರಾ? ಅಂತ ಪ್ರಶ್ನಿಸಿದ್ದಾರೆ. ಶೈನ್ ಮತ್ತೆ ಉತ್ತರ ಹೇಳಿ ಎಂದಾಗಲೂ ಚೈತ್ರಾ ಇದಕ್ಕೆ ಉತ್ತರ ಕೊಟ್ಟಿಲ್ಲ. ಆ ಬಳಿಕ ಶೈನ್ ನಿಮಗೆ ನನ್ನ ಮೇಲೆ ನಿಜಕ್ಕೂ ಯಾವ ಅಭಿಪ್ರಾಯವಿದೆಯೆಂದು ಗೊತ್ತಿಲ್ಲ, ಆದರೆ ನನಗೆ ನಿಮ್ಮ ಮೇಲೆ ನೀವು ಒಳ್ಳೆಯ ಪರ್ಫಾಮರ್ ಎಂಬ ಗೌರವವಿದೆ ವಿನಃ ಪ್ರೀತಿಯಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಆಗ ಚೈತ್ರಾ ನಾನು ನಿಮಗೆ ನನ್ನನ್ನು ಪ್ರೀತಿಸಿ ಎಂದು ಕೇಳಿಕೊಳ್ಳುತ್ತಿಲ್ಲ ಎಂದಿದ್ದಾರೆ. ಒಟ್ಟಾರೆಯಾಗಿ ಈ ಕಥೆ ಎಲ್ಲಿಗೆ ಹೋಗಿ ಮುಟ್ಟತ್ತೋ ಗೊತ್ತಿಲ್ಲ.
ನನ್ನ ತಂದೆ ಯಾರು ನನಗೆ ಗೊತ್ತಿಲ್ಲ: 'ಬಿಗ್ ಬಾಸ್‌'ನಲ್ಲಿ ರವಿ ಬೆಳಗೆರೆ