ಬಿಗ್‌ ಬಾಸ್ ಕನ್ನಡಕ್ಕೆ ಬರುವ ಮೂರನೇ ಸ್ಪರ್ಧಿ ಹೆಸರನ್ನು ರಿವೀಲ್ ಮಾಡಿತು ಈ ವಿಡಿಯೋ; ಯಾರು ಅವರು?

ಕನ್ನಡ ಬಿಗ್ ಬಾಸ್‌ನ 6 ಸೀಸನ್‌ಗಳು ಯಶಸ್ವಿಯಾಗಿ ಮುಗಿದಿವೆ‌‌. ಏಳನೇ ಸೀಸನ್ ಅಕ್ಟೋಬರ್ 13ರಿಂದ ಆರಂಭವಾಗುತ್ತಿದೆ‌. ಅಂದರೆ ಇಂದೇ ಬಿಗ್‌ಬಾಸ್‌ ಕನ್ನಡ ಸೀಸನ್‌ 7ರ ಗ್ರ್ಯಾಂಡ್ ಓಪನಿಂಗ್ ನಡೆಯಲಿದೆ. ಹೀಗಾಗಿ ಯಾರು ಯಾರು ಬಿಗ್‌ಬಾಸ್ ಮನೆ ಪ್ರವೇಶಿಸುತ್ತಾರೆ ಎಂಬ ಬಗ್ಗೆ ಈಗಾಗಲೇ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಈಗ ಕನ್ನಡದ ಪ್ರಖ್ಯಾತ ನಟರೊಬ್ಬರ ವಿಡಿಯೋವೊಂದು ಇದಕ್ಕೆ ಪೂರಕವಾಗಿದ್ದು, ಸಾಕಷ್ಟು ಪ್ರಶ್ನೆ ಮೂಡಿಸುತ್ತಿದೆ. ಆದರೆ ಇದು ಸತ್ಯ ಹೌದೋ, ಇಲ್ಲವೋ ಎಂದು ತಿಳಿಯಲು ಸಂಜೆವರೆಗೆ ಕಾಯಲೇಬೇಕು.

ನಟ, ನಿರ್ದೇಶಕ, ನಿರ್ಮಾಪಕನಾಗಿರುವ ಜೈ ಜಗದೀಶ್ ಅವರು ಈ ಬಾರಿ ಬಿಗ್‌ಬಾಸ್ ಮನೆಗೆ ಹೋಗುತ್ತಾರೆ ಎನ್ನಲಾಗುತ್ತಿತ್ತು. ಈಗ ಅವರ ಕುಟುಂಬಸ್ಥರು ಅವರನ್ನು ಭಾವನಾತ್ಮಕವಾಗಿ ಬೀಳ್ಕೊಡುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಕುಟುಂಬಸ್ಥರು ಬಿಗ್‌ಬಾಸ್‌ಗೆ ಕಳಿಸಿಕೊಡುತ್ತಿರುವುದಕ್ಕಾಗಿಯೇ ಅವರನ್ನು ಈ ರೀತಿ ಬೀಳ್ಕೊಡುತ್ತಿದ್ದಾರೆಯೇ ಎಂಬ ಪ್ರಶ್ನೆ ಕಾಡುತ್ತಿದೆ.

'ಬಿಗ್‌ಬಾಸ್‌ ಕನ್ನಡ 7'ಕ್ಕೆ ಬರುವ ಮೊದಲ ಸ್ಪರ್ಧಿ ಇವರೇ ಅನ್ನೋದು ಫಿಕ್ಸ್!

ಜೈ ಜಗದೀಶ್ ಅವರು ನಟನಾಗಿ 'ಫಲಿಂತಾಶ' ಸಿನಿಮಾದಲ್ಲಿ ಅವರು ಅಭಿನಯಿಸಿದ್ದಾರೆ. ಇಲ್ಲಿಯವರೆಗೆ ಅವರು ಮೂರು ನೂರಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ. 2018ರಲ್ಲಿ ತೆರೆ ಕಂಡ 'ಅಂಬಿ ನಿಂಗೆ ವಯಸ್ಸಾಯ್ತೋ' ಸಿನಿಮಾದಲ್ಲೂ ಕೂಡ ಜೈ ಜಗದೀಶ್ ಅಭಿನಯಿಸಿದ್ದಾರೆ. ಇವರ ಪತ್ನಿ ವಿಜಯಲಕ್ಷ್ಮೀ ಸಿಂಗ್. ವೈನಿಧಿ, ವೈಭವಿ, ವೈಸಿರಿ ಇವರ ಮೂವರು ಮಕ್ಕಳು. ನಟಿ, ನಿರ್ದೇಶಕಿ ವಿಜಯಲಕ್ಷ್ಮಿಸಿಂಗ್‌ 'ಯಾನಾ' ಚಿತ್ರ ನಿರ್ದೇಶನ ಮಾಡಿದ್ದು, ತಮ್ಮ ಮೂವರು ಪುತ್ರಿಯರನ್ನು ಚಿತ್ರರಂಗಕ್ಕೆ ಕರೆತಂದಿದ್ದರು. ಭಾರತೀಯ ಚಿತ್ರರಂಗದಲ್ಲಿ ಮೂವರು ಸಹೋದರಿಯರು ನಾಯಕಿಯರಾಗಿ ಒಟ್ಟಿಗೆ ನಟಿಸಿದ ಮೊದಲ ಚಿತ್ರ ಎಂಬ ದಾಖಲೆ ಬರೆದಿತ್ತು. ಪುತ್ರಿಯರಿಗೆ ಅಮ್ಮನೇ ನಿರ್ದೇಶನ ಮಾಡಿದ್ದರು.

'ಬಿಗ್‌ಬಾಸ್‌' ಮನೆಯಲ್ಲಿ ಸಿಗರೇಟ್‌ಗೆ ಬೇಡಿಕೆ ಇಟ್ಟ ರವಿ ಬೆಳಗೆರೆ!! ಶುರುವಾಯ್ತು ಸ್ಮೋಕಿಂಗ್ ಜೋನ್‌ ಹುಡುಕಾಟ!

ಕುರಿ ಪ್ರತಾಪ್ ಮತ್ತು ರವಿ ಬೆಳಗೆರೆ ಬಿಗ್‌ಬಾಸ್ ಮನೆ ಪ್ರವೇಶಿಸುವುದು ಪಕ್ಕಾ ಎನ್ನಲಾಗುತ್ತಿದೆ. ಈ ಸಂಬಂಧ ಪ್ರತಾಪ್ ಮತ್ತು ರವಿ ಬಿಗ್‌ಬಾಸ್‌ ಮನೆಯೊಳಗೆ ಇರುವ ವಿಡಿಯೋವೊಂದನ್ನು ಕೂಡ ಕಲರ್ಸ್ ಕನ್ನಡ ವಾಹಿನಿ ಸಾಮಾಜಿಕ ಜಾಲತಾಣದ ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದೆ.
ಬಿಗ್ ಬಾಸ್ ಮನೆಗೆ 'ಹಾಯ್' ಹೇಳಲಿದ್ದಾರಾ ಈ ಖ್ಯಾತ ಪತ್ರಕರ್ತ?