ಬಿಗ್ ಬಾಸ್ ಮನೆಯೊಳಗೆ ಹೋಗೋ ಮೊದ್ಲು ನೀವಿಷ್ಟು ದಿನ ಇಲ್ಲಿ ಇರ್ತೀರಿ ಅಂತ ನಿಮಗೆ ಅನ್ಸಿತ್ತಾ?
ಖಂಡಿತ ಇಲ್ಲ. ಮನೆಯೊಳಗಡೆ ನಾನು ಹೋದಾಗ ಯಾರೂ ಕೂಡ ನಾನು ಇಷ್ಟೊಂದು ದಿನ ಇರುತ್ತೇನೆ ಎಂದು ಭಾವಿಸಿರಲಿಲ್ಲ. ಬಿಗ್ ಬಾಸ್ ಮನೆ ತುಂಬ ಹೇಳಿಕೊಟ್ಟಿದೆ. ನಾನು ಮೊದಲಿನಿಂದಲೂ ಒಬ್ಬನೇ ಇದ್ದು ಅಭ್ಯಾಸ, ಆದರೆ ಬಿಗ್ ಬಾಸ್‌ಗೆ ಬಂದು ಜನರ ಮಧ್ಯೆ ಹೇಗೆ ಇರಬೇಕು ಎಂದು ಕಲಿತಿದ್ದೇನೆ. ಭಾವನೆಗಳು ಏನು ಎಂಬುದನ್ನು ಕಲಿತಿದ್ದೇನೆ. ಈ ಹಿಂದೆ ಒಬ್ಬನೇ ಇದ್ದಿದ್ದರಿಂದ ಫ್ಯಾಮಿಲಿ ಎಮೋಶನಲ್ಸ್ ಏನು ಎಂಬುದನ್ನು ಕಲಿತಿದ್ದೇನೆ. ಬಿಗ್ ಬಾಸ್ ಮನೆಯಲ್ಲಿ ತುಂಬ ಕಲಿತುಕೊಂಡು, ತಗೊಂಡು ಹೋಗುತ್ತಿದ್ದೇನೆ.
ಚಂದನಾ ಮೇಲೆ ನಿಮಗೆ ರಿಯಲ್ ಫೀಲಿಂಗ್ಸ್ ಇತ್ತಾ? ಅಥವಾ ಅದೂ ಒಂದು ಡ್ರಾಮಾನಾ?
ರಿಯಲ್ ಆಗಿ ಹೇಳಬೇಕು ಅಂದ್ರೆ ನನ್ನನ್ನು ಬಿಗ್ ಬಾಸ್ ಮನೆಯಲ್ಲಿ ಮೊದಲು ಮಾತನಾಡಿಸಿದ್ದು ಚಂದನಾ. ಅವರು ಬಬ್ಲಿ, ಸ್ವೀಟ್, ಕಾಳಜಿ, ಸಹಾಯ ಮಾಡ್ತಾರೆ, ಅವರೆಡೆಗೆ ನನಗೆ ಸಾಫ್ಟ್‌ ಕಾರ್ನರ್ ಇದೆ. ತದನಂತರದಲ್ಲಿ ನನ್ನ ಭಾವನೆ ಚೇಂಜ್ ಆಗಿದ್ದು ನಿಜ. ಇದರ ಬಗ್ಗೆ ನನಗಿಂತ ಅವರಿಗೆ ಜಾಸ್ತಿ ಗೊತ್ತಿದೆ. ಯಾಕೆಂದರೆ ಅವರು ತುಂಬ ರಿಯ್ಯಾಕ್ಟ್ ಮಾಡೋಕೆ ಆರಂಭಿಸಿದರು. ಅವರಿಗೆ ಇಷ್ಟ ಇಲ್ಲ ಅಂತ ಗೊತ್ತಾದಾಗ ನಾನು ಒಂದು ಹೆಜ್ಜೆ ಹಿಂದೆ ಇಟ್ಟೆ. ಅವರ ಮೇಲಿದ್ದ ಭಾವನೆ ಯಾವುದೂ ಸ್ಟ್ರಾಟಜಿ ಅಲ್ಲ, ಗೇಮ್ ಅಲ್ಲ, ಅದೊಂದು ನಿಜವಾದ ಭಾವನೆ.
ಮನೆಯಲ್ಲಿ ಡ್ಯಾನ್ಸ್ ಮತ್ತು ಡಾಸ್ಕ್ ಫರ್ಫಾಮೆನ್ಸ್ ಬಿಟ್ರೆ ಬೇರೆ ವಿಚಾರದಲ್ಲಿ ಕಾಂಟ್ರಿಬ್ಯೂಶನ್ ಜಾಸ್ತಿ ಇರ್ಲಿಲ್ಲ?
ನಾನು ಕಂಪ್ಲೀಟ್ ಒಪ್ಪಲ್ಲ. ಡಾನ್ಸ್, ಟಾಸ್ಕ್ ನಾನು ಚೆನ್ನಾಗಿ ಮಾಡಿದ್ದೇನೆ. ಆದರೆ ಮನೆಯ ಎಲ್ಲ ಚಟುವಟಿಕೆಗಳಲ್ಲಿ ನಾನು ತೊಡಗಿಕೊಂಡಿದ್ದೆ. ಬಿಗ್ ಬಾಸ್ ಮನೆಯಲ್ಲಿದ್ದವರಿಗೆಲ್ಲ ತುಂಬ ಪ್ರೀತಿ ಹಂಚಿದ್ದೇನೆ. ಯಾರಿಗಾದರೂ ಹುಷಾರಿಲ್ಲದಿದ್ದಾಗ, ರೆಡಿಯಾಗಬೇಕಾದಾಗ, ಅಡುಗೆ ಮಾಡುವಾಗ ಸಹಾಯ ಮಾಡುತ್ತಿದ್ದೆ. ಡಾನ್ಸ್ ಮಾಡುವಾಗಲೂ ಕೂಡ ಬೇರೆಯವರಿಗೆ ಮೊದಲು ಕಲಿಸಿ ತದನಂತರದಲ್ಲಿ ನನ್ನ ಡಾನ್ಸ್ ಮಾಡಿಕೊಳ್ಳುತ್ತಿದ್ದೆ. ಬಿಗ್ ಬಾಸ್ ಟಾಸ್ಕ್ ಏನೇ ಟಾಸ್ಕ್ ಕೊಟ್ಟಿದ್ದರೂ ಕೂಡ ಅದನ್ನು ಮೊದಲು ಮಾಡುತ್ತಿದ್ದೆ. ಬೇರೆಯವರನ್ನು ನಗಿಸಿದ್ದೇನೆ. ಸುದೀಪ್ ಸರ್ ಬಿಗ್ ಬಾಸ್ ವೇದಿಕೆಯಲ್ಲಿ ಕುಳಿತು ನಕ್ಕಿದ್ದರು.
ದೀಪಿಕಾ ಅವರ ಮೇಲೆ ನಿಮಗೆ ಏನಾದ್ರೂ ಫೀಲಿಂಗ್ಸ್ ಇತ್ತಾ? ಯಾಕಂದರೆ ಅವರು ಶೈನ್ ಜೊತೆ ಕ್ಲೋಸ್ ಆಗಿದ್ದಾಗಲೆಲ್ಲ ನಿಮಗೆ ಜೆಲಸ್ ಆಗ್ತಾ ಇತ್ತಲ್ವಾ?
ನನ್ನದು ಮತ್ತು ದೀಪಿಕಾದು ಒಳ್ಳೆಯ ಫ್ರೆಂಡ್‌ಶಿಪ್. ಮನೆಯ ಒಳಗೂ ಮತ್ತು ಹೊರಗೂ ಅವರು ನನಗೆ ಒಳ್ಳೆಯ ಸ್ನೇಹಿತರಾಗಿರುತ್ತಾರೆ. ನಾನು ಮನೆಯಿಂದ ಹೊರಬಂದಾಗ ಅವರ ಕಣ್ಣಲ್ಲಿ ಮಾತ್ರ ನೀರಿತ್ತು. ಒಳ್ಳೆಯ ಸೋಲ್ ಅವರು. ನನ್ನ ಭಾವನೆ ಎಂದಿಗೂ ಬದಲಾಗೋದಿಲ್ಲ.
ಬಿಗ್ ಬಾಸ್ ಮನೆಗೆ ಬಂದಮೇಲೆ ಕಿಸ್ಸಿಂಗ್ ಸ್ಟಾರ್ ಅಂತ ಫೇಮಸ್ ಆದ್ರಿ..ಇದರ ಬಗ್ಗೆ ಹೇಳೋದಾದ್ರೆ..
ಚಿಕ್ಕಂದಿನಿಂದಲೂ ನನಗೆ ಕಿಸ್ಸಿಂಗ್ ಸ್ಟಾರ್ ಅಂತ ಬಿರುದು ಬಂದಿರಲಿಲ್ಲ. ನಾನು ಯಾರಿಗಾದರೂ ಖುಷಿಯಿದ್ದಾಗ ಮುತ್ತು ಕೊಡುತ್ತಿದ್ದೆ. ಆದರೆ ಬಿಗ್ ಬಾಸ್ ಮನೆಯಲ್ಲಿ ಇದೇ ಹೈಲೇಟ್ ಆಯ್ತು. ಆದರೆ ಕೆಟ್ಟದೃಷ್ಟಿಯಿಂದ ನಾನು ಯಾರಿಗೂ ಮುತ್ತು ಕೊಟ್ಟಿಲ್ಲ.
ಈ ಮನೆಯಲ್ಲಿ ಶೈನ್ ಅವರನ್ನು ನೀವು ಸ್ಟ್ರಾಂಗ್ ಕಂಟೆಸ್ಟೆಂಟ್ ಅಂತ ಭಾವಿಸಿದ್ರಾ? ಅವರನ್ನು ಕಂಡರೆ ನಿಮಗೆ ಯಾಕೆ ಇಷ್ಟ ಇರ್ಲಿಲ್ವಾ?
ಶೈನ್ ಮತ್ತು ನಾನು ಆಗಿಲ್ಲ ಅಂತ ಬಂದಿಲ್ಲ. ಶೈನ್ ಒಮ್ಮೆ ರಿಯ್ಯಾಕ್ಟ್ ಮಾಡಿದ ರೀತಿ ನನಗೆ ಇಷ್ಟ ಆಗಲಿಲ್ಲ, ಜೀವನದಲ್ಲಿ ಯಾರೂ ಕೂಡ ನನಗೆ ಆ ರೀತಿ ಹೇಳಿರಲಿಲ್ಲ. ಬಿಗ್ ಮನೆಯಿಂದ ಹೊರಬಂದಮೇಲೆ ನಾವೆಲ್ಲ ಟ್ರಿಪ್ ಹೋಗುವ ಪ್ಲ್ಯಾನ್ ಮಾಡಿದ್ದೇವೆ. ನಮ್ಮಿಬ್ಬರ ನಡುವೆ ಯಾವುದೇ ಮನಸ್ತಾಪ ಇಲ್ಲ. ಶೈನ್ ನನಗೆ ಉತ್ತಮ ಮೆಡಲ್ ನೀಡಿದ್ದರು. ಹೀಗಾಗಿ ನನಗೆ ಹೆಮ್ಮೆಯಿದೆ.