ಚಂದನಾರನ್ನು ಪ್ರೀತಿಸುತ್ತಿರುವ ಕಿಶನ್
ಚಂದನಾಗೆ ಕಿಶನ್ ತಂಗಿ ಅಂತ ಹೇಳಿದ್ದಾರೆ. ಇದು ಚಂದನಾಗೆ ಸ್ವಲ್ಪ ಬೇಸರ ತಂದಿದೆ ಎನ್ನೋದು ವಾಸುಕಿ ವೈಭವ್, ಕಿಶನ್ ಅವರ ಅಭಿಪ್ರಾಯ. ನಿಜವಾಗಲೂ ನಿಮ್ಮನ್ನು ತುಂಬ ಇಷ್ಟಪಡ್ತೀನಿ, ಶನಿವಾರದ ಎಪಿಸೋಡ್‌ಲ್ಲಿ ನೀವು ಅತ್ತಾಗಿನಿಂದ ನಾನು ನಿಮ್ಮನ್ನು ರೇಗಿಸಿಲ್ಲ, ಇದನ್ನು ದೀಪಿಕಾಗೆ ಕೂಡ ಹೇಳಿದ್ದೇನೆ. ನನಗೆ ನಿಮ್ಮನ್ನು ಹರ್ಟ್ ಮಾಡಬೇಕು ಎನ್ನುವ ಉದ್ದೇಶ ಇರಲಿಲ್ಲ. ನಿಜವಾಗಲೂ ನೀವೇ ನನಗೆ ಇಷ್ಟ, ಬೇರೆ ಯಾರೂ ಇಷ್ಟ ಇಲ್ಲ. ಬೇರೆಯವರ ಕಡೆಯಿಂದ ಲವ್ ಬ್ರೇಕಪ್ ಆಗಿರಬಹುದು, ನಿಮಗೆ ನನ್ನ ಕಡೆಯಿಂದ ಲವ್ ಬ್ರೇಕಪ್ ಆಗಿದೆ ಅಂತ ಅನಿಸತ್ತಾ? ಅಂತ ರಕ್ಷಾ ಲವ್ ಕಥೆ ಸೇರಿಸಿ ಹೇಳಿದ್ದಾರೆ ಕಿಶನ್.
ಚಂದನಾ ಬೇಸರಮಾಡಿಕೊಂಡಿದ್ದೇಕೆ?
"ನನ್ನ ಪರ್ಫಾಮೆನ್ಸ್ ಚೆನ್ನಾಗಿರಲಿಲ್ಲ, ಹಾಡು ಚೆನ್ನಾಗಿ ಹಾಡಿರಲಿಲ್ಲ, ವಾಸುಕಿ ನನ್ನ ಜೊತೆ ಸರಿಯಾಗಿ ಮಾತನಾಡಿರಲಿಲ್ಲ. ಹೀಗಾಗಿ ನನಗೆ ಬೇಜಾರಾಗಿತ್ತು. ನಿಮ್ಮನ್ನು ಒಳ್ಳೆಯ ಫ್ರೆಂಡ್‌ ಆಗಿ ಟ್ರೀಟ್ ಮಾಡುತ್ತೀನಿ" ಎಂದಿದ್ದಾರೆ ಚಂದನಾ. ಈ ಮನೆಯೊಳಗಡೆಯೇ ಬಿಗ್ ಬಾಸ್ ಆದೇಶದಂತೆ ದೀಪಿಕಾ ಜೊತೆ ಡಿನ್ನರ್ ಡೇಟ್ ಮಾಡಿದ್ದರು.
ಸೀಕ್ರೇಟ್ ಟಾಸ್ಕ್‌ ಮಾಡುತ್ತಿದ್ದಾರೆ ರಕ್ಷಾ, ಕಿಶನ್
ಒಟ್ಟಾರೆಯಾಗಿ ಕಿಶನ್ ನಡವಳಿಕೆ ನೋಡಿ ಬಿಗ್ ಬಾಸ್ ಮನೆಯ ಸ್ಪರ್ಧಿಗಳಿಗೆ ಅಚ್ಚರಿ ಮೂಡಿಸಿದೆ. ಚಂದನಾರನ್ನು ಒಮ್ಮೆ ತಂಗಿ ಅಂತ ಕರೆದು, ಇನ್ನೊಮ್ಮೆ ಅವರನ್ನು ತುಂಬ ಇಷ್ಟಪಡ್ತಿದ್ದೀನಿ ಎನ್ನುತ್ತಾರೆ ಕಿಶನ್. ಇದನ್ನು ಬಿಗ್ ಬಾಸ್ ಮನೆಯ ಸದಸ್ಯರು ಕೂಡ ವಿರೋಧಿಸುತ್ತಿದ್ದಾರೆ. ವೀಕ್ಷಕರು ಕೂಡ ಈ ವರ್ತನೆ ಕಂಡು ಬೇಸರಗೊಂಡಿದ್ದಾರೆ. ಆದರೆ ಕಿಶನ್ ಉದ್ದೇಶಪೂರ್ವಕವಾಗಿ ಈ ರೀತಿ ಮಾಡುತ್ತಿದ್ದಾರೋ ಅಥವಾ ಇದು ಕೂಡ ಬಿಗ್ ಬಾಸ್ ಆದೇಶವೋ ಆ ಬಿಗ್ ಬಾಸ್‌ಗೆ ಗೊತ್ತು.