Bigg Boss Kannada Winner Shashi Kumar: ಬಿಗ್ ಬಾಸ್ 6 'ವಿನ್ನರ್' ಶಶಿಕುಮಾರ್

ಬಿಗ್ ಬಾಸ್ ಸೀಸನ್ 6ರಲ್ಲಿ ಶ್ರೀಸಾಮಾನ್ಯನ ವಿಭಾಗದಲ್ಲಿ ಬಿಗ್ ಬಾಸ್ ಮನೆಗೆ ಅಡಿಯಿಟ್ಟ ಸ್ಪರ್ಧಿ ಶಶಿಕುಮಾರ್. ಇಂದು, ಜನವರಿ 27, 2019ರಂದು ನಡೆದ ಕರ್ನಾಟಕದ ಜನಪ್ರಿಯ ರಿಯಾಲಿಟಿ ಶೋ ಬಿಗ್ ಬಾಸ್ ಸೀಸನ್-6ರಲ್ಲಿ ವಿನ್ನರ್ ಆಗಿ ಹೊರಹೊಮ್ಮಿದ್ದಾರೆ. ಇಂದು 'ಬಿಗ್ ಬಾಸ್ ಸೀಸನ್ -6'ನಲ್ಲಿ ರೈತ ಹುಡುಗ ಶಶಿಕುಮಾರ್ ವಿನ್ನರ್ ಪಟ್ಟವನ್ನು ಗಿಟ್ಟಿಸಿಕೊಂಡಿದ್ದಾರೆ. ನಿರೂಪಕ ಕಿಚ್ಚ ಸುದೀಪ್ ಅವರು ಈಗತಾನೇ ಕಲರ್ ಸೂಪರ್ಸ್ ರಿಯಾಲಿಟಿ ಶೋನ ಬಿಗ್ ಬಾಸ್ 6ನೇ ಅವೃತ್ತಿಯ 'ಫಲಿತಾಂಶ' ಘೋಷಿಸಿದರು. ಈ ಮೂಲಕ ಶಶಿ ಕುಮಾರ್ ಅವರು ಅವರು ಬಿಗ್ ಬಾಸ್ ಬಹುಮಾನದ ಮೊತ್ತ 50 ಲಕ್ಷ ರೂ. ಗಳನ್ನು ತಮ್ಮದಾಗಿಸಿಕೊಂಡರು.
Bigg Boss 6 Runner Up : ಬಿಗ್ ಬಾಸ್ ಸೀಸನ್-6 'ರನ್ನರ್ ಅಪ್' ನವೀನ್ ಸಜ್ಜು

ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ಇವರ ಸ್ವಂತ ಊರು. ಆಧುನಿಕ ರೈತನಾಗಿರುವ ಇವರು ಕೃಷಿಯಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಬಿಗ್ ಬಾಸ್ ಮನೆಯಲ್ಲಿ ತುಂಬಾ ಸೆನ್ಸಿಬಲ್ ಸ್ಪರ್ಧಿ ಎಂದೇ ಹೆಸರಾದವರು. ಯಾವ ಜಗಳ, ತರಲೆ-ಕೀಟಲೆಗಳಿಲ್ಲದೇ ಪಕ್ಕಾ ಸಿಂಪಲ್ ಬಾಯ್ ಎನ್ನುವಂತಿದ್ದ ಶಶಿಕುಮಾರ್ ಇಂದು ಇಡೀ ಕರ್ನಾಟಕವೇ ಅಚ್ಚರಿಯಿಂದ ತಲೆ ಎತ್ತಿ ನೋಡುವಂತೆ ಮಾಡಿದ್ದಾರೆ. ರೈತನಾದರೂ ನೋಡಿದರೆ ಸಿನಿಮಾ ಹೀರೋ ತರಹ ಕಾಣುತ್ತಾರೆ ಶಶಿ ಕುಮಾರ್. ತಮ್ಮ ಮಗ್ಧತೆ, ವಿನಯಪೂರ್ವಕ ನಡವಳಿಕೆ ಮೂಲಕ ಶಶಿಕುಮಾರ್ ಮನೆಯ ಎಲ್ಲ ಸದಸ್ಯರುಗಳ ಬೆಂಬಲ ಪಡೆದು ತಮ್ಮ ಜರ್ನಿಯನ್ನು ಸರಳಗೊಳಿಸಿಕೊಂಡ ಬುದ್ದಿವಂತರು.

Bigg Boss 6 Winner: ನಗುನಗುತ್ತಲೇ ಮನೆಯಿಂದ ಹೊರಗೆ ಹೋದ ಕವಿತಾ ಗೌಡ

ಶ್ರೀಸಾಮಾನ್ಯರಾಗಿದ್ದ ಶಶಿಕುಮಾರ್ ಇಂದು ಬಿಗ್ ಬಾಸ್ ವಿನ್ನರ್ ಆಗಿರುವುದರ ಮೂಲಕ ಕರ್ನಾಟಕದ ತುಂಬ ಮನೆಮಾತಾಗಿದ್ದಾರೆ. ರೈತರೆಲ್ಲರ ಪ್ರತಿನಿಧಿಯಾಗಿ ಜನಪ್ರಿಯ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದ ಶಶಿಕುಮಾರ್ ಇಂದು ಕರ್ನಾಟಕದ ರೈತರೆಲ್ಲ ಹೆಮ್ಮೆ ಪಡುವಂತೆ ಸಾಧನೆ ಮಾಡಿದ್ದಾರೆ. ರಾಜ್ಯದ ನವತರುಣರಿಗೆ ರೈತರೂ ಕೂಡ ಸೆಲೆಬ್ರೆಟಿಗಳಾಗಬಲ್ಲರು, ಸೆಲೆಬ್ರೆಟಿಗಳೇ ಎಂಬಹೊಸ ಸಂದೇಶವನ್ನು ಕೊಟ್ಟಿದ್ದಾರೆ ಎನ್ನಬಹುದು.