ಬಿಗ್ ಬಾಸ್ ಕನ್ನಡ ಸೀಸನ್ 8: ನಾಯಿ ಮಾಲೀಕರ ಮೇಲೆ ಹರಿಹಾಯ್ದ ಪ್ರಶಾಂತ್ ಸಂಬರಗಿ!

ಬಿಗ್ ಬಾಸ್ ಮನೆಯಲ್ಲಿ ಅನೇಕ ವಿಚಾರಗಳು ಹೊರ ಬರುತ್ತವೆ, ಅಂತೆಯೇ ಈಗಾಗಲೇ ದೊಡ್ಮನೆ ಹೊರಗಡೆ ಸದ್ದು ಮಾಡಿರುವ ರಾಷ್ಟ್ರೀಯವಾದಿ, ಸಾಮಾಜಿಕ ಕಳಕಳಿ ಹೊಂದಿರುವ ವ್ಯಕ್ತಿ ಪ್ರಶಾಂತ್ ಸಂಬರಗಿ ಅವರು ನಾಯಿ ಮಾಲೀಕರ ಬಗ್ಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.ಹೌದು, ವಿಶೇಷವಾಗಿ ಬೆಂಗಳೂರಿನಲ್ಲಿ ನಾಯಿ ಮಾಲೀಕರು ಫುಟ್‌ಬಾತ್‌ನಲ್ಲಿ ಮಲವನ್ನು ಮಾಡಿಸುತ್ತಿರುತ್ತಾರಂತೆ, ಇದರಿಂದ ಜನರು ಫುಟ್‌ಬಾತ್‌ನಲ್ಲಿ ಓಡಾಡಾಲು ಕಷ್ಟವಾಗುವುದು. ನಾಯಿಯ ಮಲದಲ್ಲಿ ಸಿಕ್ಕಾಪಟ್ಟೆ ಬ್ಯಾಕ್ಟೀರಿಯ ಇರುತ್ತದೆ ಎಂಬುದು ಪ್ರಶಾಂತ್ ಅವರ ಕಳಕಳಿ, ಹೀಗಾಗಿ ಕೋರ್ಟ್‌ನಲ್ಲಿ ಅವರು ಅರ್ಜಿ ಸಲ್ಲಿಸಿದ್ದರು. ಈ ಕುರಿತು ಅವರು ಬಿಗ್ ಬಾಸ್ ಮನೆಯಲ್ಲಿ ಮಾತನಾಡಿದ್ದಾರೆ.

"ನಾನು ಹೇಳುವ ವಿಚಾರ ನಾಯಿ ಪ್ರಿಯರಿಗೆ ಬೇಸರ ತರಿಸಬಹುದು. ನಾನು ಒಂದು ವರ್ಷ ಸಿಂಗಾಪುರದಲ್ಲಿದ್ದೆ. ಅಲ್ಲಿ ನಾಯಿಗಳ ಮಲವನ್ನು ಸ್ವಚ್ಛವಾಗಿ ತೆಗೆಯುತ್ತಾರೆ. ಅಧ್ಯಯನವನ್ನು ಮಾಡಿದ್ದೇನೆ, ವಿಶ್ಲೇಷಣೆ ಮಾಡಿದ್ದೇನೆ. ನಾಯಿಗಳು ಮಾಡುವ ಮಲವನ್ನು ಅವರೇ ಎತ್ತಬೇಕು, ದಂಡ ಎತ್ತಬೇಕು ಅಂತ ಅರ್ಜಿ ಸಲ್ಲಿಸಿದ್ದೆ. ನಾನು ಹೊರಗಡೆ ನೋಡುವಾಗ ಯಾರಿಗಾದರೂ ಹೇಳಿದಾಗ ಕೂಡ ನಮ್ಮ ನಾಯಿ ಅಲ್ಲ ಅದು, ಬೇರೆಯವರ ನಾಯಿ ಅಂತಾರೆ. 5% ಜನರು ಮಾತ್ರ ಅದನ್ನು ಸ್ವಚ್ಛ ಮಾಡುತ್ತಾರೆ. ನಾಯಿ ಮಲದಿಂದ ಸಿಕ್ಕಾಪಟ್ಟೆ ರೋಗಗಳು ಬರುತ್ತವೆ" ಎಂದು ಪ್ರಶಾಂತ್ ಹೇಳಿದ್ದಾರೆ.

Also Read-bigg boss 8: ನಟಿ ದಿವ್ಯಾ ಉರುಡುಗ ಕೈ ಹಿಡಿದು ಭವಿಷ್ಯ ಹೇಳಿದ ಪ್ರಶಾಂತ್ ಸಂಬರ್ಗಿ: ಕರ್ಮಫಲಗಳ ಲೆಕ್ಕಾಚಾರವಂತೆ!

"ನಾಯಿ ಮಾಲೀಕರಿಗೆ ಸಾಮಾಜಿಕ ಕಳಕಳಿ ಸ್ವಲ್ಪವೂ ಇಲ್ವಾ? ಒಂದು ಮನೆಗೆ ಎರಡು ನಾಯಿ ಅಂತ ನೋಂದಣಿ ಮಾಡಿಸಲಾಯ್ತು, ಆದರೆ 100 ನಾಯಿಗಳಿಗೆ 2 ನಾಯಿಯಾದರೂ ಕೂಡ ನೋಂದಣಿ ಆಗಬೇಕಿತ್ತು. ಬೆಂಗಳೂರಿನಲ್ಲಿ ಕೋರಮಂಗಲದಲ್ಲಿ ನಾಯಿಗಳ ಸಂಖ್ಯೆ ಜಾಸ್ತಿ ಇದೆ ಅಂತ ಅಂತಾಷ್ಟ್ರೀಯ ಸಂಸ್ಥೆಯೊಂದು ಹೇಳಿದೆ. ತುಂಬ ಧಾರಾಳವಾಗಿ ಫುಟ್‌ಬಾತ್‌ನಲ್ಲಿ ನಾಯಿಯನ್ನು ಮಲ ಮಾಡಿಸಲು ಕರೆದುಕೊಂಡು ಹೋಗುತ್ತಾರೆ, ವಾಕ್ ಮಾಡುತ್ತಾರೆ. ನನಗೂ ನಾಯಿಯೆಂದರೆ ಇಷ್ಟ. ಆದರೆ ಅದಕ್ಕೆ ಕ್ರಮವಿದೆ. ಬೀದಿ ನಾಯಿಗಳ ಸಂತತಿ ಕಡಿಮೆ ಮಾಡಬೇಕು ಎಂದು ಎಬಿಸಿ ಮಾಡಿಸಲಾಗುತ್ತಿದೆ. ಕೆಲವರು ನಾಯಿಗಳಿಗೆ ಟಾಯ್ಲೆಟ್ ಮಾಡಿಸೋದನ್ನು ರೂಢಿ ಮಾಡಿಸುತ್ತಿರುತ್ತಾರೆ" ಎಂದು ಪ್ರಶಾಂತ್ ಹೇಳಿದ್ದಾರೆ.