'ಬಿಗ್ ಬಾಸ್ ಕನ್ನಡ 8'ರಲ್ಲಿ 'ಅಗ್ನಿಸಾಕ್ಷಿ' ಧಾರಾವಾಹಿ ನಟಿ ವೈಷ್ಣವಿ ಗೌಡ? ಏನಂತಾರೆ ಪ್ರೇಕ್ಷಕರ ಸನ್ನಿಧಿ?

ಬಿಗ್ ಬಾಸ್ ಕನ್ನಡ ಸೀಸನ್ 8ರಲ್ಲಿ 'ಅಗ್ನಿಸಾಕ್ಷಿ' ಧಾರಾವಾಹಿ ನಟಿ ವೈಷ್ಣವಿ ಗೌಡ ಭಾಗವಹಿಸುತ್ತಾರೆ ಎಂದು ಹೇಳಲಾಗುತ್ತಿದೆ. ಈ ಹಿಂದೆ ಕೂಡ ಅವರು ಬಿಗ್ ಬಾಸ್ ಮನೆಗೆ ಹೋಗಲಿದ್ದಾರೆ ಎಂಬ ಮಾತು ಕೇಳಿ ಬಂದಿತ್ತು. ನಿಜಾನಾ? ವೈಷ್ಣವಿ ಏನಂತಾರೆ?

ಇನ್ನು ಬಿಗ್ ಬಾಸ್ ಆಯೋಜಕರು ಕೂಡ ವೈಷ್ಣವಿಯನ್ನು ಸಂಪರ್ಕಿಸಿದ್ದಾರೆ ಎಂದು ಹೇಳಲಾಗಿತ್ತು. ಈ ಬಗ್ಗೆ ಮಾತನಾಡಿರುವ ವೈಷ್ಣವಿ 'ನನಗೆ ವಾಹಿನಿಯಿಂದ ಆಫರ್ ಬಂದಿದ್ದು ನಿಜ. ಆದರೆ ನನ್ನ ಕೈಯಲ್ಲಿ ಸಿನಿಮಾವಿದೆ. ಮೇ ತಿಂಗಳಲ್ಲಿ ಚಿತ್ರ ರಿಲೀಸ್ ಆಗುತ್ತಿದೆ. ಇತ್ತೀಚೆಗಷ್ಟೇ ನಾನು ಡಬ್ಬಿಂಗ್ ಮುಗಿಸಿದೆ. ನಕ್ಷತ್ರಾ ಎಂಬ ಸ್ವತಂತ್ರ, ಖುಷಿ ಖುಷಿಯಾಗಿರುವ ಹುಡುಗಿ ಪಾತ್ರ ಮಾಡಿದ್ದೇನೆ' ಎಂದು ಹೇಳಿದ್ದಾರೆ.

ನಟಿ ವೈಷ್ಣವಿ ಅವರು 'ಅಗ್ನಿಸಾಕ್ಷಿ'ಯಲ್ಲಿ ಸನ್ನಿಧಿ ಪಾತ್ರದಲ್ಲಿ ಆರಕ್ಕಿಂತ ಹೆಚ್ಚು ವರ್ಷಗಳ ಕಾಲ ನಟಿಸಿದ್ದರು. ಅವರಿಗೆ 'ಅಗ್ನಿಸಾಕ್ಷಿ' ದೊಡ್ಡಮಟ್ಟದ ಜನಪ್ರಿಯತೆ ತಂದುಕೊಟ್ಟಿತ್ತು. ಇನ್ನು ಸೀರಿಯಲ್ ಜೊತೆಗೆ ವೈಷ್ಣವಿ ಅವರು ಸಿನಿಮಾದಲ್ಲಿಯೂ ಸಕ್ರಿಯರಾಗಿದ್ದರು. ಈಗ ಅವರು ಸಿನಿಮಾದ ಕಡೆಗೆ ಹೆಚ್ಚು ಗಮನ ನೀಡುತ್ತಿದ್ದಾರೆ. ಇನ್ನು ರಿಯಾಲಿಟಿ ಶೋಗಳು ನನಗೆ ಅಲ್ಲ ಅಂತ ವೈಷ್ಣವಿ 'ವಿಜಯ ಕರ್ನಾಟಕ'ಕ್ಕೆ ನೀಡಿದ ಸಂದರ್ಶನದಲ್ಲಿ ಈ ಹಿಂದೆಯೇ ಹೇಳಿದ್ದರು.

Also Read-ಬಿಗ್ ಬಾಸ್‌ ಕನ್ನಡ ಸೀಸನ್ 8: ಈ ಬಾರಿಯ ಬಿಗ್ ಬಾಸ್‌ನಲ್ಲಿ 'ಸಿಲ್ಲಿ ಲಲ್ಲಿ' ಖ್ಯಾತಿಯ ನಟ ರವಿಶಂಕರ್ ಗೌಡ?

ಸಿನಿಮಾಗಳಿಗಿಂತ ಹೆಚ್ಚಾಗಿ ಧಾರಾವಾಹಿ ಮಾಡುವವರು ಜನರಿಗೆ ಹತ್ತಿರ ಆಗುತ್ತಾರೆ. ಇದಕ್ಕಾಗಿ ಬಿಗ್ ಬಾಸ್ ಆಯೋಜಕರು ಧಾರಾವಾಹಿ ಕಲಾವಿದರಿಗೆ ಬಿಗ್ ಬಾಸ್ ಶೋನಲ್ಲಿ ಹೆಚ್ಚು ಪ್ರಾಧಾನ್ಯತೆ ನೀಡಿದಂತೆ ಕಾಣುತ್ತಿದೆ. ಫೆಬ್ರವರಿಯಲ್ಲಿಯೇ ಬಿಗ್ ಬಾಸ್ ಆರಂಭವಾಗಲಿದೆ. ಯಾರು ಯಾರು ಬಿಗ್ ಬಾಸ್ ಮನೆಯೊಳಗೆ ಹೋಗುತ್ತಾರೆ ಎಂದು ಕಾದು ನೋಡಬೇಕಿದೆ. ಪ್ರೇಕ್ಷಕರು ಬಿಗ್ ಬಾಸ್ ನೋಡಲು ಕಾಯುತ್ತಿದ್ದಾರೆ.

Also Read-ಬಿಗ್ ಬಾಸ್‌ ಕನ್ನಡ 8ರಲ್ಲಿ ಭಾಗವಹಿಸುತ್ತಾರಾ 'ಬ್ರಹ್ಮಗಂಟು' ಧಾರಾವಾಹಿ ನಟಿ ಗೀತಾ ಭಾರತಿ ಭಟ್?