ಬಿಗ್‌ ಬಾಸ್‌ 14ನೇ ಸೀಸನ್‌ನಲ್ಲಿ ಸ್ಪರ್ಧಿಸಲಿರುವ ಜನಪ್ರಿಯ ಯೂಟ್ಯೂಬರ್‌ ಕ್ಯಾರಿ ಮಿನಾಟಿ?

ಸೋಶಿಯಲ್‌ ಮೀಡಿಯಾದಲ್ಲಿ ಭಾರಿ ಜನಪ್ರಿಯತೆ ಪಡೆದಿರುವ 21ರ ಪ್ರಾಯದ ಕ್ಯಾರಿ ಮಿನಾಟಿ (ಅಜಯ್‌ ನಗರ್‌) ಅವರು ಬಿಗ್‌ ಬಾಸ್‌ ಪ್ರವೇಶಿಸಲಿದ್ದಾರೆ. ಫರೀದಾಬಾದ್‌ ಮೂಲದ ಅವರು ತಮ್ಮ ಯೂಟ್ಯೂಬ್‌ ಚಾನೆಲ್‌ಗೆ 25.5 ಮಿಲಿಯನ್‌ ಸಬ್‌ಸ್ಕ್ರೈಬರ್ಸ್‌ ಹೊಂದಿದ್ದಾರೆ. ಈಗಾಗಲೇ ಅವರನ್ನು ಮುಂಬೈನಲ್ಲಿ 14 ದಿನಗಳ ಕ್ವಾರಂಟೈನ್‌ನಲ್ಲಿ ಇರಿಸಲಾಗಿದೆ ಎಂಬ ಮಾಹಿತಿ ಹೇಳಿಬಂದಿದೆ.

ಹಿಂದಿ ಬಿಗ್‌ ಬಾಸ್‌ 14ನೇ ಸೀಸನ್‌ಗೆ ಸಕಲ ಸಿದ್ಧತೆ ನಡೆದಿದೆ. ಈ ಬಾರಿ ಭಾಗವಹಿಸಲಿರುವ ಎಲ್ಲ 14 ಸ್ಪರ್ಧಿಗಳಿಗೆ ಕೊರೊನಾ ವೈರಸ್‌ ಹಿನ್ನೆಲೆಯಲ್ಲಿ ಮೆಡಿಕಲ್‌ ಟೆಸ್ಟ್‌ ಮಾಡಿಸಲಾಗಿದೆ. ಜೊತೆಗೆ 14 ದಿನಗಳ ಕ್ವಾರಂಟೈನ್‌ ಕೂಡ ಮಾಡಲಾಗುತ್ತಿದೆ. ಕಲರ್ಸ್‌ ವಾಹಿನಿಯಲ್ಲಿ ಅ.3ರಂದು ಈ ವಿವಾದಾತ್ಮಕ ಕಾರ್ಯಕ್ರಮ ಅದ್ದೂರಿಯಾಗಿ ಲಾಂಚ್‌ ಆಗಲಿದೆ.

ಎಂದಿನಂತೆ ಸಲ್ಮಾನ್‌ ಖಾನ್‌ ನಿರೂಪಣೆ ಮಾಡಲಿದ್ದು, ಈಗಾಗಲೇ ಅವರು ಪ್ರೋಮೋಗಳ ಮೂಲಕ ಖಡಕ್‌ ಡೈಲಾಗ್‌ ಹೊಡೆದು ನಿರೀಕ್ಷೆ ಮೂಡಿಸಿದ್ದಾರೆ. ಮೊದಲ ಎಪಿಸೋಡ್‌ನಲ್ಲಿ ಕಳೆದ ವರ್ಷದ ಸ್ಪರ್ಧಿಗಳಾದ ಶೆಹನಾಜ್‌ ಜಿಲ್‌ ಹಾಗೂ ಸಿದ್ಧಾರ್ಥ್‌ ಶುಕ್ಲಾ ಕೂಡ ಭಾಗವಹಿಸಲಿದ್ದಾರೆ ಎನ್ನಲಾಗಿದೆ. ಸಂಭಾವ್ಯ ಸ್ಪರ್ಧಿಗಳ ಪಟ್ಟಿಯಲ್ಲಿ ಅನೇಕರ ಹೆಸರು ಕೇಳಿಬರುತ್ತಿದೆಯಾದರೂ ಅಂತಿಮವಾಗಿ ಅ.3ರಂದೇ ಅದು ಅಧಿಕೃತ ಆಗಲಿದೆ.

also read: ಬಿಗ್‌ ಬಾಸ್‌ಗಾಗಿ ಮಾಸ್ಕ್‌ ಕಿತ್ತು ಎಸೆದ ಸಲ್ಮಾನ್‌ ಖಾನ್‌! ಅ.3ರಿಂದ ಹೊಸ ಸೀಸನ್‌ ಆರಂಭ

ಈ ಬಾರಿ ಕೂಡ ಸಾಮಾನ್ಯ ಜನರಿಗೆ ಬಿಗ್‌ ಬಾಸ್‌ ಅವಕಾಶ ನೀಡುತ್ತಿಲ್ಲ. ಸೆಲೆಬ್ರಿಟಿಗಳು ಅಂದರೆ, ಕಿರುತೆರೆ, ಸಿನಿಮಾ ಮತ್ತು ಸೋಶಿಯಲ್ ಮೀಡಿಯಾದಲ್ಲಿ ಜನಪ್ರಿಯ ಆಗಿರುವ ವ್ಯಕ್ತಿಗಳನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳಲಾಗಿದೆ. ಕ್ಯಾರಿ ಮಿನಾಟಿ ಜೊತೆಗೆ ಇನ್ನೂ ನಾಲ್ವರು ಯೂಟ್ಯೂಬರ್‌ಗಳು ಬಿಗ್‌ ಬಾಸ್‌ 14ನಲ್ಲಿ ಸ್ಪರ್ಧಿಸಲಿದ್ದಾರೆ ಎಂಬ ಸುದ್ದಿ ಹರಡಿದೆ.

also read: ಈ ವರ್ಷ ಕನ್ನಡ ಬಿಗ್‌ ಬಾಸ್‌ ನಡೆಯೋದೇ ಇಲ್ವಾ? ಹೊಸ ಸೀಸನ್‌ ಬಗ್ಗೆ ಇಲ್ಲಿದೆ ಅಪ್‌ಡೇಟ್‌