ಕಿರುತೆರೆಯಲ್ಲಿ ರಾವಣನಾಗಿ ಅಬ್ಬರಿಸಲಿದ್ದಾರೆ ನಟ ಜೆಕೆ! ಇದು ಯಾವ ಧಾರಾವಾಹಿ?

ನಟ ಜೆಕೆ ಆರಂಭದಲ್ಲಿ ಸಿನಿಮಾ ನಟನಾಗಿ ಚಿತ್ರರಂಗಕ್ಕೆ ಎಂಟ್ರಿ ನೀಡಿದ್ದರು. ಆನಂತರ ಅವರಿಗೆ ಕಿರುತೆರೆಯಲ್ಲಿ ಒಳ್ಳೆಯ ಹೆಸರು ಸಿಕ್ಕಿತ್ತು. ಕನ್ನಡದ ಕಿರುತೆರೆಯಲ್ಲಿ ಅವರಿಗೆ ಬೇಡಿಕೆ ಹೆಚ್ಚಾಯಿತು. ಬಳಿಕ ಅವರು, ಹಿಂದಿ ಕಿರುತೆರೆಗೂ ಕಾಲಿಟ್ಟರು. ಸದ್ಯ ಅವರು ಪುನಃ ಕನ್ನಡ ಕಿರುತೆರೆಯಲ್ಲಿ ಕಾಣಿಸಿಕೊಳ್ಳಲಿದ್ದು, ರಾವಣಮಾಗಿ ಅಬ್ಬರಿಸಲಿದ್ದಾರೆ!

ಕೆಲ ವರ್ಷಗಳ ಹಿಂದೆ ನಟ ಜೆಕೆ ಹಿಂದಿಯಲ್ಲಿ 'ಸಿಯಾ ಕೆ ರಾಮ್' ಧಾರಾವಾಹಿಯಲ್ಲಿ ರಾವಣನ ಪಾತ್ರ ಮಾಡಿದ್ದರು. 2015ರ ನವೆಂಬರ್‌ನಿಂದ 2016ರ ನವೆಂಬರ್‌ ತನಕ ಆ ಧಾರಾವಾಹಿ ಪ್ರಸಾರವಾಗಿತ್ತು. ಪ್ರೇಕ್ಷಕರಿಂದಲೂ ಅದ್ಭುತ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿತ್ತು. ನಿಖಿಲ್‌ ಸಿನ್ಹಾ, ಧರ್ಮೇಶ್‌ ಶಾ ಈ ಧಾರಾವಾಹಿಗೆ ನಿರ್ದೇಶನ ಮಾಡಿದ್ದರು. ಮದಿರಾಕ್ಷಿ ಮುಂಡ್ಲೆ ಹಾಗೂ ಆಶೀಷ್ ಶರ್ಮಾ ಸೀತೆ ಮತ್ತು ರಾಮನಾಗಿ ಕಾಣಿಸಿಕೊಂಡಿದ್ದರು. ಇದೀಗ ಈ ಧಾರಾವಾಹಿ ಕನ್ನಡಕ್ಕೆ ಡಬ್‌ ಆಗಿ, ಪ್ರಸಾರಗೊಳ್ಳಲು ಸಜ್ಜಾಗಿದೆ.

ಇಡೀ ಧಾರಾವಾಹಿ ಸೀತೆಯ ದೃಷ್ಟಿಕೋನದಲ್ಲಿ ಚಿತ್ರಿತಗೊಂಡಿದ್ದು, ಕನ್ನಡದಲ್ಲಿ 'ಸೀತೆಯ ರಾಮ' ಎಂದು ಟೈಟಲ್ ಇಡಲಾಗಿದೆ. ಸ್ಟಾರ್ ಸುವರ್ಣದಲ್ಲಿ ಶೀಘ್ರದಲ್ಲೇ ಈ ಧಾರಾವಾಹಿ ಪ್ರಸಾರ ಆರಂಭಿಸಲಿದೆ. ಲಾಕ್‌ಡೌನ್‌ ಜಾರಿಯಾದ ಮೇಲೆ ಕನ್ನಡದಲ್ಲಿ ಧಾರಾವಾಹಿಗಳ ಚಿತ್ರೀಕರಣ ಸದ್ಯಕ್ಕಂತೂ ನಿಂತುಹೋಗಿದೆ. ಎಷ್ಟೋ ಧಾರಾವಾಹಿಗಳು ಶಾಶ್ವತವಾಗಿ ಸ್ಥಗಿತಗೊಂಡಿವೆ. ಈ ಮಧ್ಯೆ ಹಿಂದಿಯ ಅನೇಕ ಧಾರಾವಾಹಿಗಳು ಕನ್ನಡಕ್ಕೆ ಡಬ್ ಆಗಿವೆ. ಅದರಲ್ಲೂ ಪೌರಾಣಿಕ ಧಾರಾವಾಹಿಗಳೇ ಹೆಚ್ಚು. ಈ ಸಾಲಿಗೆ ಈಗ 'ಸೀತೆಯ ರಾಮ' ಕೂಡ ಸೇರಿಕೊಂಡಿದೆ.

'ಸ್ಟಾರ್‌ ಸುವರ್ಣ'ದಲ್ಲಿ ಸದ್ದು ಮಾಡಲಿವೆ ಎರಡು ಹೊಸ ಧಾರಾವಾಹಿ! ಶಿವನ ಜೊತೆ ಕಥೆಯ ರಾಜಕುಮಾರಿ

ಇನ್ನು, ಕನ್ನಡ ಕಿರುತೆರೆಯಲ್ಲಿ ಜೆಕೆಗೆ ದೊಡ್ಡ ಅಭಿಮಾನಿಗಳ ಬಳಗ ಇರುವುದರಿಂದ ಈ ಧಾರಾವಾಹಿಗೆ ಉತ್ತಮ ಪ್ರತಿಕ್ರಿಯೆ ಸಿಗಬಹುದೆಂಬ ನಿರೀಕ್ಷೆಇದೆ. ಈ ಮೊದಲು ಜೆಕೆ 'ಅಶ್ವಿನಿ ನಕ್ಷತ್ರ'ದಲ್ಲಿ ನಟಿಸಿದ್ದರು. ಆ ಸೀರಿಯಲ್‌ ದೊಡ್ಡಮಟ್ಟದಲ್ಲಿ ಹೆಸರನ್ನು ಗಳಿಸಿತ್ತು. ನಂತರ ಬಿಗ್ ಬಾಸ್‌ ಶೋನಲ್ಲೂ ಜೆಕೆ ಕಾಣಿಸಿಕೊಂಡಿದ್ದರು. ಇನ್ನು, ಸಿನಿಮಾ ವಿಚಾರಕ್ಕೆ ಬಂದರೆ, 'ಆ ಕರಾಳ ರಾತ್ರಿ' ಚಿತ್ರವು ಜೆಕೆ ಅವರಿಗೆ ಒಳ್ಳೆಯ ಹೆಸರನ್ನು ತಂದಕೊಟ್ಟಿತ್ತು. 'ಪುಟ 109' ಸೇರಿ ಒಂದಷ್ಟು ಸಿನಿಮಾಗಳಲ್ಲೂ ಕಾಣಿಸಿಕೊಂಡಿದ್ದಾರೆ ಅವರು. ಸದ್ಯ ಕನ್ನಡ ಪ್ರೇಕ್ಷಕರು 'ಸೀತೆಯ ರಾಮ' ಧಾರಾವಾಹಿಯನ್ನು ಯಾವ ರೀತಿ ಸ್ವೀಕಾರ ಮಾಡಲಿದ್ದಾರೆ ಎಂಬ ನಿರೀಕ್ಷೆಯಲ್ಲಿದ್ದಾರೆ ಜೆಕೆ.

ಶಿವನ ಹಲವು ಅವತಾರಗಳನ್ನು ತೋರಿಸಲು ಬರುತ್ತಿದೆ ಡಬ್ಬಿಂಗ್‌ ಧಾರಾವಾಹಿ 'ಓಂ ನಮಃ ಶಿವಾಯ'!