ಅಕ್ಕಿನೇನಿ ನಾಗಾರ್ಜುನ: ಬಿಗ್ ಬಾಸ್ ಶೋ ನಡೆಸಿಕೊಟ್ಟ ಸಮಂತಾ ಅಕ್ಕಿನೇನಿ !

ತೆಲುಗಿನಲ್ಲಿ ಬಿಗ್ ಬಾಸ್‌ ರಿಯಾಲಿಟಿ ಶೋ ನಡೆಯುತ್ತಿದೆ. ಅಕ್ಕಿನೇನಿ ನಾಗಾರ್ಜುನ ಈ ರಿಯಾಲಿಟಿ ಶೋ ನಡೆಸಿಕೊಡುತ್ತಿದ್ದಾರೆ. ಆದರೆ ಅವರು ಮನಾಲಿಯಲ್ಲಿ 'ವೈಲ್ಡ್ ಡಾಗ್' ಸಿನಿಮಾದ ಶೂಟಿಂಗ್‌ನಲ್ಲಿ ಬ್ಯುಸಿಯಿರುವ ಕಾರಣಕ್ಕೆ ಅವರು ಈ ಬಾರಿಯ ಬಿಗ್ ಬಾಸ್‌ನಲ್ಲಿ ಭಾಗವಹಿಸಲು ಸಾಧ್ಯವಾಗಿರಲಿಲ್ಲ. ಹಾಗಾದರೆ ಇದನ್ನು ಯಾರು ನಡೆಸಿಕೊಡುತ್ತಾರೆ ಎಂಬ ಪ್ರಶ್ನೆ ಕಾಡಿತ್ತು. ಇದಕ್ಕೆ ಉತ್ತರವಾಗಿ ನಟಿ ಸಮಂತಾ ಅಕ್ಕಿನೇನಿ ಬಿಗ್ ಬಾಸ್ ಶೋ ನಿರ್ವಹಣೆ ಮಾಡಿದರು. ಯಾರೂ ಕೂಡ ನಾಗಾರ್ಜುನ ಬದಲು ಸಮಂತಾ ಈ ಶೋ ನಿರ್ವಹಣೆ ಮಾಡುತ್ತಾರೆ ಎಂದು ಊಹಿಸಿರಲಿಲ್ಲ.

ನಾಗಾರ್ಜುನ ಬದಲು ಸಮಂತಾ ನಿರೂಪಣೆ
ಸಮಂತಾ ಸೀರೆಯನ್ನುಟ್ಟು ವಿಶೇಷ ಡಾನ್ಸ್ ಮಾಡುತ್ತ ಬಿಗ್ ಬಾಸ್ ವೇದಿಕೆಗೆ ಆಗಮಿಸಿದ್ದರು. ಅಲ್ಲದೆ ನಾಗಾರ್ಜುನ ಅಕ್ಕಿನೇನಿ ವಿಡಿಯೋ ಕಾಲ್ ಮೂಲಕ ಸಮಂತಾ ಜೊತೆ ಮಾತನಾಡಿದ್ದಾರೆ. ನನ್ನ ಜೊತೆಗೆ ಇಂದಿನ ಎಪಿಸೋಡ್ ತುಂಬ ಸ್ಪೆಷಲ್ ಆಗಿರುತ್ತದೆ ಎಂದು ಸಮಂತಾ ಮೊದಲ ಬಾರಿಗೆ ಹೇಳಿದ್ದರು. ಇನ್ನು ಮುಂದಿನ ಕೆಲ ವಾರಗಳ ಕಾಲ ಸಮಂತಾ ಬಿಗ್ ಬಾಸ್ ಕಾರ್ಯಕ್ರಮ ನಡೆಸಿಕೊಡುತ್ತಾರೋ ಇಲ್ಲವೋ ಕಾದು ನೋಡಬೇಕಾಗಿದೆ.

ಸೋಶಿಯಲ್ ಮೀಡಿಯಾದಲ್ಲಿ ಸಮಂತಾಗೆ ಪ್ರಶಂಸೆ
ಸಮಂತಾರನ್ನು ಕಂಡು ಬಿಗ್ ಬಾಸ್ ಸ್ಪರ್ಧಿಗಳು ಥ್ರಿಲ್ ಆಗಿದ್ದಾರೆ. ಇದರ ಜೊತೆಗೆ ಅವರು ಬಿಗ್ ಬಾಸ್ ನಡೆಸಿಕೊಟ್ಟ ಬಗೆಗೆ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಪ್ರಶಂಸೆ ವ್ಯಕ್ತವಾಗಿದೆ. ನಾಗಾರ್ಜುನ ಅವರನ್ನು ಮಿಸ್ ಮಾಡಿಕೊಂಡಿದ್ದರೂ ಕೂಡ, ಅವರ ಸ್ಥಾನಕ್ಕೆ ಸಮಂತಾ ಬಂದಿರೋದು ಅನೇಕರಿಗೆ ಖುಷಿಯಾಗಿದೆ. ಈ ಕುರಿತು ಪ್ರೇಕ್ಷಕರು ಸೋಶಿಯಲ್ ಮೀಡಿಯಾದಲ್ಲಿ ಸಂತಸಪಟ್ಟಿದ್ದಾರೆ. ಇದೇ ಮೊದಲ ಬಾರಿಗೆ ಸಮಂತಾ ನಿರೂಪಣೆಗೆ ಇಳಿದಿದ್ದರು.

Also Read-1.2 ಕೋಟಿ ಫಾಲೋವರ್ಸ್‌ ಪಡೆದ ನಟಿ ಸಮಂತಾ ಅಕ್ಕಿನೇನಿ! ಇನ್‌ಸ್ಟಾಗ್ರಾಮ್‌ನಲ್ಲಿ ಖುಷಿಯೋ ಖುಷಿ

ವೆಬ್ ಸಿರೀಸ್‌ನಲ್ಲಿ ಸಮಂತಾ
ಸಮಂತಾ ಅಕ್ಕಿನೇನಿ ಅವರಿಗೆ ಬರೋಬ್ಬರಿ 12 ಮಿಲಿಯನ್‌ ಫಾಲೋವರ್ಸ್‌ ಇದ್ದಾರೆ. ಅಂದರೆ, 1.2 ಕೋಟಿ ಜನರು ಅವರ ಪೋಸ್ಟ್‌ಗಳನ್ನು ಹಿಂಬಾಲಿಸುತ್ತಿದ್ದಾರೆ. ಈ ಮೈಲಿಗಲ್ಲು ತಲುಪಿರುವುದಕ್ಕೆ ಅವರು ಹೊಸ ಫೋಟೋಶೂಟ್‌ ಮೂಲಕ ಸಂಭ್ರಮಿಸಿದ್ದಾರೆ. ಸಮಂತಾಗೆ ಈಗ ವೆಬ್‌ಸಿರೀಸ್‌ ಲೋಕಕ್ಕೆ ಕಾಲಿಟ್ಟಿದ್ದು, 'ಫ್ಯಾಮಿಲಿ ಮ್ಯಾನ್‌ 2' ವೆಬ್‌ ಸರಣಿಯಲ್ಲಿ ಅವರು ನಟಿಸಿದ್ದಾರೆ. ಇದರಲ್ಲಿ ಅವರು ವಿಲನ್‌ ಆಗಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಮಾಹಿತಿ ಹರಡಿದೆ. 'ಕಾತುವಾಕುಲ ರೆಂಡು ಕಾದಲ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.

Also Read-ಇಂದು ಖುಷಿಪಡುವ ಬದಲು ನಿರ್ದೇಶಕರಿಗೆ ಕ್ಷಮೆ ಕೇಳಿ ಧನ್ಯವಾದ ಹೇಳಿದ ನಟಿ ಸಮಂತಾ ಅಕ್ಕಿನೇನಿ!