'ತ್ರಿಪುರ ಸುಂದರಿ' ಧಾರಾವಾಹಿಯಲ್ಲಿ 'ಸ್ಪರ್ಶ' ರೇಖಾ; ಕಿರುತೆರೆಗೆ ಮರಳಿದ 'ಮೆಜೆಸ್ಟಿಕ್' ನಟಿ

ಲವಲವಿಕೆ ಸುದ್ದಿಲೋಕಸ್ಯಾಂಡಲ್‌ವುಡ್‌ನ ಹಲವು ತಾರೆಯರು ಕಿರುತೆರೆಯಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿಯುತ್ತಾರೆ. ಈಗ ಸ್ಪರ್ಶ ರೇಖಾ ( Sparsha Rekha ) ಕಿರುತೆರೆಯತ್ತ ಹೆಜ್ಜೆ ಹಾಕಿದ್ದು, ಸದ್ಯದಲ್ಲೇ ಆರಂಭವಾಗಲಿರುವ ‘ತ್ರಿಪುರ ಸುಂದರಿ’ ಸೀರಿಯಲ್‌ನಲ್ಲಿ ( Tripura Sundari Serial ) ಪ್ರಮುಖ ಪಾತ್ರವೊಂದನ್ನು ಪೋಷಿಸಲಿದ್ದಾರೆ.

ಸೀರಿಯಲ್‌ನಲ್ಲಿ ನಟನೆ
‘ಸ್ಪರ್ಶ’, ‘ಮೆಜೆಸ್ಟಿಕ್‌’ ಸಿನಿಮಾಗಳ ಮೂಲಕ ಕನ್ನಡಿಗರಿಗೆ ಚಿರಪರಿಚಿತರಾಗಿದ್ದ ರೇಖಾ ಮದುವೆ ಮಾಡಿಕೊಂಡು ಚಿತ್ರರಂಗದಿಂದ ದೂರ ಉಳಿದಿದ್ದರು. ಕೆಲ ವರ್ಷಗಳ ಹಿಂದೆ ಬಿಗ್‌ ಬಾಸ್‌ ರಿಯಾಲಿಟಿ ಶೋನಲ್ಲಿ ಪಾಲ್ಗೊಂಡು ನಂತರ ಸಿನಿಮಾಗಳಲ್ಲಿ ನಟಿಸಲು ಆರಂಭಿಸಿದರು. ಈಗ ಸೀರಿಯಲ್‌ನಲ್ಲಿ ಒಂದು ಪಾತ್ರದಲ್ಲಿ ನಟಿಸಲು ಒಪ್ಪಿಕೊಂಡಿದ್ದಾರೆ.

ತ್ರಿಪುರ ಸುಂದರಿ ಧಾರಾವಾಹಿಗೆ ಮರಳಿದ ರೇಖಾ

ತ್ರಿಪುರ ಸುಂದರಿ ಕಥೆ ಏನು?
‘ನನಗೆ ಕಾಲ್ಪನಿಕ ಕಥೆಗಳೆಂದರೆ ಬಹಳ ಅಚ್ಚುಮೆಚ್ಚು. ತ್ರಿಪುರ ಸುಂದರಿ ಸೀರಿಯಲ್‌ ಕಥೆ ಬಹಳ ವಿಭಿನ್ನವಾಗಿದ್ದು, ಇದುವರೆಗೂ ಇಂತಹ ಕಥೆ ಕಿರುತೆರೆಯಲ್ಲಿ ಬಂದಿಲ್ಲ. ಸೀರಿಯಲ್‌ಗಳು ಕಲಾವಿದರನ್ನು ಪ್ರೇಕ್ಷಕರ ಮನೆ ಮತ್ತು ಮನ ಎರಡಕ್ಕೂ ರೀಚ್‌ ಮಾಡಿಸುತ್ತವೆ. ಹಾಗಾಗಿ ಇದನ್ನು ಒಪ್ಪಿಕೊಂಡೆ. ಈ ಸೀರಿಯಲ್‌ ತಾಯಿ ಸೆಂಟಿಮೆಂಟ್‌ ಸುತ್ತ ಸುತ್ತುವ ಕಥೆಯನ್ನು ಹೊಂದಿದೆ’ಎಂದು ಹೇಳಿದ್ದಾರೆ ರೇಖಾ.

ಸಿನಿಮಾ, ಸೀರಿಯಲ್‌ಗೂ ವ್ಯತ್ಯಾಸ ಏನು?
‘ಇತ್ತೀಚಿನ ದಿನಗಳಲ್ಲಿ ಸಿನಿಮಾ ಮೇಕಿಂಗ್‌ ಮತ್ತು ಸೀರಿಯಲ್‌ಗಳ ಮೇಕಿಂಗ್‌ನಲ್ಲಿಅಂತಹ ವ್ಯತ್ಯಾಸವೇನು ಕಾಣುತ್ತಿಲ್ಲ. ಸೀರಿಯಲ್‌ಗಳಲ್ಲಿ ಕೆಲಸದ ಸಮಯ ಮಾತ್ರ ಹೆಚ್ಚಾಗಿರುತ್ತದೆ ಅಷ್ಟೇ. ಇತ್ತೀಚಿನ ದಿನಗಳಲ್ಲಿ ಸೀರಿಯಲ್‌ನ ಕ್ವಾಲಿಟಿ ಬಹಳ ಚೆನ್ನಾಗಿರುತ್ತದೆ. ಕೆಲ ಸಿನಿಮಾಗಿಂತಲೂ ಉತ್ತಮ ಕ್ವಾಲಿಟಿಯಲ್ಲಿ ಸೀರಿಯಲ್‌ಗಳನ್ನು ಮಾಡಲಾಗುತ್ತಿದೆ’ ಎನ್ನುತ್ತಾರವರು.

ತ್ರಿಪುರ ಸುಂದರಿಯಾದ ದಿವ್ಯಾ ಸುರೇಶ್

ರೇಖಾ ನಟನೆಯ ಸಿನಿಮಾಗಳು
ರೇಖಾ ಬಹಳ ದಿನಗಳ ನಂತರ ಬಣ್ಣ ಹಚ್ಚಲು ಆರಂಭಿಸಿದರೂ ಪೋಷಕ ಪಾತ್ರಗಳಲ್ಲಿಅವರು ಖ್ಯಾತಿ ಪಡೆದುಕೊಂಡರು. ಪಾಪ್‌ ಕಾರ್ನ್‌ ಮಂಕಿ ಟೈಗರ್‌, ಬಡವ ರಾಸ್ಕಲ್‌ ಸೇರಿದಂತೆ ಹಲವು ಸಿನಿಮಾಗಳಲ್ಲಿ ನಟಿಸಿದ ಅವರು ಮೂರ್ನಾಲ್ಕು ಸಿನಿಮಾಗಳಲ್ಲಿ ಪೋಷಕ ಕಲಾವಿದರಾಗಿ ನಟಿಸುತ್ತಿದ್ದಾರೆ.

Divya Suresh: ಹೊಸ ಧಾರಾವಾಹಿಯ ಮೂಲಕ ನಿಮ್ಮೆಲ್ಲರ ಮುಂದೆ ಬರಲಿದ್ದಾರೆ ದಿವ್ಯಾ ಸುರೇಶ್!

ಚಿತ್ರರಂಗದಲ್ಲಿ ಸಕ್ರಿಯ
"ಒಳ್ಳೊಳ್ಳೆ ಪಾತ್ರಗಳು ಬಂದರೆ ನಾನು ಒಪ್ಪಿಕೊಳ್ಳುತ್ತೇನೆ. ಸಿನಿಮಾಗಳಲ್ಲಿಯೂ ಉತ್ತಮ ಪಾತ್ರಗಳು ನನ್ನನ್ನು ಹುಡುಕಿಕೊಂಡು ಬಂದಿವೆ. ಕಿರುತೆರೆ ನನಗೆ ಹೊಸದು. ಆ ಜರ್ನಿಯನ್ನು ಆರಂಭಿಸಲು ನಾನು ಬಹಳ ಉತ್ಸುಕಳಾಗಿದ್ದೇನೆ" ಎಂದಿದ್ದಾರೆ ನಟಿ ರೇಖಾ

ದಿವ್ಯಾ ಸುರೇಶ್, ಅಭಿನವ್ ವಿಶ್ವನಾಥನ್, ಚಿಲ್ಲರ್ ಮಂಜು ಮುಂತಾದವರು ಈ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ. ಫ್ಯಾಂಟಸಿ ಆಧಾರಿತ ಕಥೆಯಿದು.