ಗಂಡಸರ ಬಗ್ಗೆ ಕಾಮೆಂಟ್ ಮಾಡಿ ಅಂತೂ ಕ್ಷಮೆ ಕೇಳಿದ್ರು ಮೂರು ಮದುವೆಯಾಗಿರುವ ನಟಿ ವನಿತಾ ವಿಜಯ್‌ಕುಮಾರ್!

ಇತ್ತೀಚೆಗೆ ವೈಯಕ್ತಿಕ, ವೃತ್ತಿ ಜೀವನಕ್ಕೆ ಸಂಬಂಧಪಟ್ಟಂತೆ ದಿನಕ್ಕೊಂದರಂತೆ ವಾದ-ವಿವಾದಗಳನ್ನು ಮಾಡಿಕೊಳ್ಳುತ್ತಿರುವ ನಟಿಯೆಂದರೆ ಅದು ವನಿತಾ ವಿಜಯ್‌ಕುಮಾರ್ ಎಂದು ಹಿಂದೆ ಮುಂದೆ ಯೋಚಿಸದೆ ಹೇಳಬಹುದು. ಅಷ್ಟರಮಟ್ಟಿಗೆ ಈ ನಟಿ ವಿವಾದವನ್ನು ಮೈಮೇಲೆ ಎಳೆದುಕೊಳ್ಳುತ್ತಿದ್ದಾರೋ ಅಥವಾ ವಿವಾದವೇ ಇವರನ್ನು ಹುಡುಕಿಕೊಂಡು ಬರುತ್ತಿವೆಯೋ ದೇವರೇ ಬಲ್ಲ!

ತಂಜಾವೂರಿನ ಗಂಡಸರಿಗೆ ಅವಮಾನ ಮಾಡಿದ್ರಾ ವನಿತಾ?
ತಂಜಾವೂರಿನ ಗಂಡಸರಿಗೆ ಸಾಮಾನ್ಯವಾಗಿ ಎರಡು ಹೆಂಡ್ತಿಯರು ಇರುತ್ತಾರೆ ಎಂದು ವನಿತಾ ಹೇಳಿದ್ದಾರೆ. ಇವರು ತಂಜಾವೂರಿನ ಜನರನ್ನು ಅವಮಾನ ಮಾಡಿದ್ದಾರೆ ಎಂಬ ಆರೋಪ ಕೇಳಿಬರುತ್ತಿದೆ. ಹೀಗಾಗಿ ನಟಿ ವನಿತಾ ಈ ಊರಿನ ಜನತೆಯ ಕ್ಷಮೆ ಕೇಳಿದ್ದಾರೆ. ಬಿಗ್ ಬಾಸ್ ತಮಿಳು ಖ್ಯಾತಿಯ ನಟಿ ವನಿತಾ 'ನನ್ನ ಕಾಮೆಂಟ್ ಅರ್ಥ ಅದಾಗಿರಲಿಲ್ಲ, ಜನರಿಗೆ ನೋವನ್ನುಂಟು ಮಾಡುವ ಉದ್ದೇಶ ಕೂಡ ನನಗಿಲ್ಲ' ಎಂದು ಹೇಳಿದ್ದಾರೆ.

ವನಿತಾ ವಿಜಯ್‌ಕುಮಾರ್ ನೀಡಿದ ಸಮಜಾಯಿಷಿ ಏನು?
'ತಂಜಾವೂರು ನನ್ನ ಊರು. ಇದು ನನ್ನ ಊರು ಎಂದು ಹೇಳಿಕೊಳ್ಳಲು ತುಂಬ ಹೆಮ್ಮೆಪಡುತ್ತೇನೆ. ನಾನು ನನ್ನ ಫ್ಯಾಮಿಲಿಯಂತಿರುವ ನನ್ನ ಊರಿನ ಜನರ ಬಗ್ಗೆ ಇದುವರೆಗೂ ನೋಯಿಸುವಂತಹ ಮಾತನಾಡಿಲ್ಲ. ನನ್ನ ಜನರು ಅವರ ಕುಟುಂಬಗಳನ್ನು ಚೆನ್ನಾಗಿ ನೋಡಿಕೊಳ್ಳುತ್ತಾರೆ, ನೋಡಿಕೊಳ್ಳುತ್ತಾರೆ, ಅವರಿಗೆ ಅವರ ಕರ್ತವ್ಯ, ಜವಾಬ್ದಾರಿ ಎಲ್ಲವನ್ನೂ ನಿಷ್ಠಯಿಂದ ನಿಭಾಯಿಸುತ್ತಾರೆ ಎಂದು ಹೆಮ್ಮೆಯಿಂದ ಹೇಳಿಕೊಳ್ಳುವೆ. ನನ್ನ ತಂದೆ ಮತ್ತು ತಾಯಿ ಕೂಡ ತಂಜಾವೂರಿನವರು. ಇವರಿಬ್ಬರದ್ದೂ ಬೇರೆ ಬೇರೆ ಜಾತಿ. ನಾನು ತಪ್ಪು ಮಾಡಲಿ ಮಾಡದಿರಲಿ ಕ್ಷಮೆ ಕೇಳಲು ನಾನು ಹಿಂಜರಿಯುವುದಿಲ್ಲ. 'ನಾನು ಕೂಡ ತಪ್ಪಾಗಿ ಅರ್ಥೈಸಿಕೊಂಡಿರಬಹುದು. ಆದರೆ ನನ್ನ ಸಹೋದರ-ಸಹೋದರಿಯರ ಬಗ್ಗೆ ನನಗೆ ಗೌರವವಿದೆ. ನನ್ನ ಕೋಪ, ಮಾತಿನ ಶೈಲಿಯನ್ನು ತಪ್ಪಾಗಿ ಅರ್ಥೈಸಿಕೊಂಡು ಬೇಸರ ಪಡಬೇಡಿ' ಎಂದು ವನಿತಾ ವಿಜಯ್‌ಕುಮಾರ್ ಹೇಳಿದ್ದಾರೆ.

Also Read-ಮೂರನೇ ಮದುವೆಯಾದ ಜನಪ್ರಿಯ ನಟಿ! ಲಾಕ್‌ಡೌನ್‌ನಲ್ಲಿ ನಡೆಯಿತು ಸಿಂಪಲ್ ಕಲ್ಯಾಣ

ಮೂರನೇ ಮದುವೆಯಾಗಿರುವ ವನಿತಾ
ನಟಿ ವನಿತಾ ವಿಜಯ್‌ಕುಮಾರ್ ಇತ್ತೀಚೆಗೆ ಪೀಟರ್ ಪೌಲ್ ಎಂಬುವವರನ್ನು ಮದುವೆಯಾಗಿದ್ದರು. ಇದು ಅವರಿಗೆ ಮೂರನೇ ಮದುವೆಯಾಗಿದೆ. ಈ ಹಿಂದೆ ಮದುವೆಯಾಗಿರುವವರಿಗೆ ಮನಸ್ತಾಪದಿಂದ ವಿಚ್ಛೇದನ ನೀಡಿದ್ದಾರೆ. ಪೀಟರ್ ಪೌಲ್ ಹಾಗೂ ಇಬ್ಬರು ಮಕ್ಕಳ ಜೊತೆಗೆ ಅವರು ವಾಸವಿದ್ದಾರೆ. ನಿರ್ಮಾಪಕರ ದೇಹದ ಬಗ್ಗೆ ವನಿತಾ ಕಾಮೆಂಟ್ ಮಾಡಿದ್ದರು. ಅದರ ಜೊತೆಗೆ ಇನ್ನೂ ಕೆಲ ಕಲಾವಿದರ ಜೊತೆಗೆ ವನಿತಾ ಟ್ವಿಟರ್‌ನಲ್ಲಿ ಜಗಳ ಮಾಡುತ್ತಿದ್ದರು. ಒಟ್ಟಾರೆಯಾಗಿ ಇವರ ವಾದ-ವಿವಾದಾತ್ಮಕ ನಡೆ-ಮಾತುಗಳಿಗಂತೂ ಸದ್ಯಕ್ಕಂತೂ ವಿರಾಮ ಇಲ್ಲ ಬಿಡಿ!

Also Read-ಯೂಟ್ಯೂಬರ್‌ ಸೂರ್ಯಾ ದೇವಿ ಬಂಧನ! ಮನಸ್ಸಿಗೆ ಬಂದಂತೆ ಮಾತನಾಡಿದ್ರೆ ಹುಷಾರ್‌!