ಇತ್ತೀಚೆಗೆ ಮೂರನೇ ಮದುವೆಯಾಗಿದ್ದ ವನಿತಾ ವಿಜಯ್‌ಕುಮಾರ್ ಸ್ವಂತ ಮಗಳನ್ನು ಕಿಡ್ನ್ಯಾಪ್ ಮಾಡಿಸಿದ್ದ ಆರೋಪ ಹೊತ್ತಿದ್ರು!

'ಬಿಗ್ ಬಾಸ್ ತಮಿಳು 3' ಖ್ಯಾತಿಯ ನಟಿ ವನಿತಾ ವಿಜಯ್‌ಕುಮಾರ್ ಅವರು ಸಿನಿಮಾ, ಧಾರಾವಾಹಿ ಕೆಲಸಗಳಿಗಿಂತ ಜಾಸ್ತಿ ಕಾಂಟ್ರವರ್ಸಿಗಳಿಂದಲೇ ಫೇಮಸ್ ಆಗಿದ್ದಾರೆ. ಮದುವೆ, ವೃತ್ತಿ ಜೀವನ, ಪಾಲಕರ ಜೊತೆಗೂ ವನಿತಾ ಕಾಂಟ್ರವರ್ಸಿ ಮಾಡಿಕೊಂಡಿದ್ದಾರೆ.

ಮಕ್ಕಳ ಕಸ್ಟಡಿ ವಿಚಾರದಲ್ಲಿ ಕೋರ್ಟ್ ಮೆಟ್ಟಿಲೇರಿದ್ದ ವನಿತಾ ಮಾಜಿ ಗಂಡಂದಿರು!
ವನಿತಾ ವಿಜಯ್‌ಕುಮಾರ್ ಅವರು ಈಗಾಗಲೇ ಮೂರು ಮದುವೆಯಾಗಿದ್ದಾರೆ. ಮಕ್ಕಳ ಕಸ್ಟಡಿ ನೀಡುವಂತೆ ವನಿತಾ ಮಾಜಿ ಗಂಡ ಆಕಾಶ್ ಕೋರ್ಟ್ ಮೊರೆ ಹೋಗಿದ್ದರು. ಆಗ ಮದ್ರಾಸ್ ಹೈಕೋರ್ಟ್ ವನಿತಾ ಮತ್ತು ಆಕಾಶ್ ಇಬ್ಬರೂ ಸೇರಿ ಸಮಯ ಹೊಂದಿಸಿಕೊಂಡು ಮಕ್ಕಳನ್ನು ನೋಡಿಕೊಳ್ಳಬೇಕು ಎಂದು ಹೇಳಿತ್ತು. ಈ ಜೋಡಿಯ ಮಗ ವಿಜಯ್ ಶ್ರೀ ಹರಿ ಅವರನ್ನು ವನಿತಾ ಅಪ್ಪ ವಿಜಯ್‌ಕುಮಾರ್ ಬೆಳೆಸಿದ್ದರು. ಪ್ರಸ್ತುತ ವಿಜಯ್ ಶ್ರೀ ಹರಿ, ತಂದೆ ಆಕಾಶ್ ಜೊತೆಗಿದ್ದಾರೆ. ವನಿತಾ ಮತ್ತು ಆಕಾಶ್ ಮತ್ತು ವನಿತಾ ಅವರ ಪುತ್ರಿ ಜೋವಿಕಾ ಈಗ ವನಿತಾ ಜೊತೆಗಿದ್ದಾರೆ.

ಮಗಳನ್ನೇ ಕಿಡ್ನ್ಯಾಪ್ ಮಾಡಿಸಿದ್ದರಾ ವನಿತಾ?
ಅಷ್ಟೇ ಅಲ್ಲದೆ ಮತ್ತೊಬ್ಬ ಮಾಜಿ ಗಂಡ ಆನಂದ್ ರಾಜನ್ ಇನ್ನೋರ್ವ ಮಗಳು ಜಯ್ನಿತಾ ಕಸ್ಟಡಿ ತನಗೆ ನೀಡುವಂತೆ ಕೋರ್ಟ್ ಮೊರೆ ಹೋಗಿದ್ದರು. ಆದರೆ ಅಧಿಕೃತವಾಗಿ ಜಯ್ನಿತಾ ಕಸ್ಟಡಿಯನ್ನು ವನಿತಾಗೆ ಆನಂದ್ ನೀಡಿದ್ದರು. ಜಯ್ನಿತಾ ಕಿಡ್ನ್ಯಾಪ್ ಕೇಸ್‌ನಲ್ಲಿ ವನಿತಾ ಪಾಲುದಾರಳು ಎಂದು ಇವರ ಮಾಜಿ ಗಂಡ ಆನಂದ್ ರಾಜನ್ ಅವರು ದೂರು ದಾಖಲಿಸಿದ್ದರು. ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ವನಿತಾ ಸ್ಪರ್ಧಿಯಾಗಿದ್ದಾಗಲೇ ಪೊಲೀಸರು ಬಿಗ್‌ ಬಾಸ್ ಮನೆಗೆ ತೆರಳಿ ತನಿಖೆ ನಡೆಸಿದ್ದರು. ಆಮೇಲೆ ನನ್ನ ತಾಯಿ ಮನೆಯಲ್ಲಿಯೇ ಇದ್ದೇನೆ ಎಂದು ಜಯ್ನಿತಾ ಹೇಳಿಕೆ ನೀಡಿದ್ದರು.

ಪಾಲಕರ ಜೊತೆ ವನಿತಾ ಮನಸ್ತಾಪ
ಚೆನ್ನೈನಲ್ಲಿರುವ ಆಸ್ತಿ ವಿಚಾರಕ್ಕೆ ವನಿತಾ ತಂದೆ-ತಾಯಿ ಜೊತೆಗೆ ಮನಸ್ತಾಪ ಮಾಡಿಕೊಂಡಿದ್ದರು. ಆಮೇಲೆ ವಿಜಯ್‌ಕುಮಾರ್ ವನಿತಾ ಮೇಲೆ ಕಾನೂನು ಕ್ರಮ ಕೈಗೊಂಡಿದ್ದರು. ಒಟ್ಟಾರೆಯಾಗಿ ವನಿತಾ ಪಾಲಕರು-ಸಹೋದರಿ-ಸಹೋದರನ ಜೊತೆ ಒಳ್ಳೆಯ ಸಂಬಂಧ ಹೊಂದಿಲ್ಲ. ನಟ, ಕೊರಿಯೋಗ್ರಾಫರ್ ರಾಬರ್ಟ್ ಜೊತೆ ವನಿತಾ ಸಂಬಂಧ ಹೊಂದಿದ್ದರು ಎಂದು ಕೂಡ ಸುದ್ದಿಯಾಗಿತ್ತು.

Also Read-ನಿರ್ಮಾಪಕರ ದೇಹದ ಬಗ್ಗೆ ಕಾಮೆಂಟ್ ಮಾಡಿದ ಬಿಗ್ ಬಾಸ್ ಸ್ಪರ್ಧಿ ವನಿತಾ ವಿಜಯ್‌ಕುಮಾರ್!

ಮೂರನೇ ಮದುವೆಯಾಗಿರುವ ವನಿತಾ ವಿಜಯ್‌ಕುಮಾರ್
ವನಿತಾ ವಿಜಯ್‌ಕುಮಾರ್ ಇತ್ತೀಚೆಗೆ ಪೀಟರ್ ಪೌಲ್ ಜೊತೆಗೆ ಮೂರನೇ ಮದುವೆಯಾಗಿದ್ದಾರೆ. ಪೀಟರ್ ಪೌಲ್ ಅವರ ಮೊದಲ ಪತ್ನಿಗೆ ವಿಚ್ಛೇದನ ನೀಡದೆ ವನಿತಾ ಮದುವೆಯಾಗಿದ್ದಾರೆ ಎಂದು ಪೀಟರ್ ಪತ್ನಿ ಪೊಲೀಸ್ ದೂರು ನೀಡಿದ್ದರು. ನಿರ್ಮಾಪಕ ಅರವಿಂದ್ ದೇಹದ ಬಗ್ಗೆ ವನಿತಾ ಕಾಮೆಂಟ್ ಮಾಡಿದ್ದರು. ಒಟ್ಟಿನಲ್ಲಿ ಪ್ರತಿನಿತ್ಯ ವನಿತಾ ಒಂದಿಲ್ಲೊಂದು ವಾದ-ವಿವಾದ ಮಾಡಿಕೊಳ್ಳುತ್ತಲೇ ಇರುತ್ತಾರೆ.
Also Read-ವನಿತಾ ವಿಜಯ್‌ಕುಮಾರ್: ಮೊನ್ನೆ ತಾನೇ ಸರಳವಾಗಿ ಮದುವೆಯಾಗಿದ್ದ ಜನಪ್ರಿಯ ನಟಿಗೆ ಸಂಕಷ್ಟ!