'ರಾಮಾಯಣ', 'ಮಹಾಭಾರತ' ಬಳಿಕ 'ಶ್ರೀ ಕೃಷ್ಣ' ದರ್ಶನ! ಕಿರುತೆರೆ ವೀಕ್ಷಕರಿಗಾಗಿ ಮತ್ತೊಂದು ಹಳೇ ಧಾರಾವಾಹಿ

ರಾಮಾಯಣ ಮತ್ತು ಮಹಾಭಾರತ ರೀತಿಯೇ ದಶಕಗಳ ಹಿಂದೆ ಭಾರಿ ಜನಪ್ರಿಯತೆ ಪಡೆದ ಧಾರಾವಾಹಿ ಎಂದರೆ ಅದು 'ಶ್ರೀ ಕೃಷ್ಣ'. ರಾಮಾಯಣ ಧಾರಾವಾಹಿಯನ್ನು ನಿರ್ದೇಶಿಸಿದ್ದ ರಮಾನಂದ್‌ ಸಾಗರ್‌ ಅವರೇ 'ಶ್ರೀ ಕೃಷ್ಣ' ಧಾರಾವಾಹಿಗೂ ಆ್ಯಕ್ಷನ್‌-ಕಟ್ ಹೇಳಿದ್ದರು. ಅದನ್ನು ಕಣ್ತುಂಬಿಕೊಳ್ಳುವ ಅವಕಾಶ ಮತ್ತೆ ಸಿಗುತ್ತಿದೆ.

ದೂರದರ್ಶನದಲ್ಲಿ ಮರು ಪ್ರಸಾರವಾದ 'ರಾಮಾಯಣ' ಮತ್ತು 'ಮಹಾಭಾರತ' ಧಾರಾವಾಹಿಗಳಿಗೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ. ಅಲ್ಲದೆ, ಇಂಥ ಕಾರ್ಯಕ್ರಮಗಳಿಗೆ ಜನರಿಂದ ಬೇಡಿಕೆ ಕೂಡ ಬರುತ್ತಿದೆ. ಹಾಗಾಗಿ 'ಶ್ರೀ ಕೃಷ್ಣ' ಧಾರಾವಾಹಿಯನ್ನು ಪ್ರಸಾರ ಮಾಡಲು 'ಡಿಡಿ ಭಾರತಿ' ವಾಹಿನಿ ನಿರ್ಧರಿಸಿದೆ.

ಕೌತುಕ ಮೂಡಿಸಿದ ಪ್ರೋಮೋ
ಈ ಮಾಹಿತಿಯನ್ನು ಪ್ರಸಾರ ಭಾರತಿ ವಾಹಿನಿಯ ಸಿಇಓ ಶಶಿ ಶೇಖರ್‌ ಖಚಿತ ಪಡಿಸಿದ್ದಾರೆ. ಧಾರಾವಾಹಿಯ ಒಂದು ಪ್ರೋಮೋವನ್ನು ವಾಹಿನಿ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಆ ಮೂಲಕ ವೀಕ್ಷಕರಲ್ಲಿ ಕೌತುಕ ಮೂಡಿದೆ. ಆದರೆ ಯಾವಾಗಿನಿಂದ ಪ್ರಸಾರ ಆಗಲಿದೆ ಮತ್ತು ಸಮಯ ಏನು ಎಂಬ ಮಾಹಿತಿ ಇನ್ನೂ ಬಹಿರಂಗವಾಗಿಲ್ಲ.

'ಮಹಾಭಾರತ'ದ ದ್ರೌಪದಿ ಮೇಲೂ ಆಗಿತ್ತು ಗುಂಪು ಹಲ್ಲೆ! ಶಾಕಿಂಗ್‌ ಘಟನೆಯ ವಿವರ ಬಹಿರಂಗ!

ಹೊಸ ತಲೆಮಾರಿನ ವೀಕ್ಷಕರಿಗಾಗಿ ಮರುಪ್ರಸಾರ
1993ರಿಂದ 1996ರವರೆಗೆ 'ದೂರದರ್ಶನ' ವಾಹಿನಿಯಲ್ಲಿ 'ಶ್ರೀ ಕೃಷ್ಣ' ಧಾರಾವಾಹಿ ಪ್ರಸಾರ ಆಗಿತ್ತು. ಸ್ವಪ್ನಿಲ್‌ ಜೋಷಿ ಹಾಗೂ ಸರ್ವದಾಮನ್‌ ಬ್ಯಾನರ್ಜಿ ಅವರು ಕೃಷ್ಣನಾಗಿ ಕಾಣಿಸಿಕೊಂಡಿದ್ದರು. ಇಂದಿನ ತಲೆಮಾರಿನ ಕಿರುತೆರೆ ವೀಕ್ಷಕರಿಗೂ ಈ ಧಾರಾವಾಹಿ ಇಷ್ಟ ಆಗಲಿದೆ ಎಂಬ ನಂಬಿಕೆ ಮೇರೆಗೆ 'ಡಿಡಿ ಭಾರತಿ' ವಾಹಿನಿಯು ಶೀಘ್ರದಲ್ಲೇ ಮರುಪ್ರಸಾರ ಆರಂಭಿಸಲಿದೆ.

ದೂರದರ್ಶನ ವಾಹಿನಿಯನ್ನು ನಂಬರ್ ಒನ್ ಸ್ಥಾನಕ್ಕೆ ತಂದ ರಾಮಾಯಣ, ಮಹಾಭಾರತ
--------------------------------------
ಈ ಪ್ರಶ್ನೆಗೆ ಕಾಮೆಂಟ್‌ ಬಾಕ್ಸ್‌ನಲ್ಲಿ ಉತ್ತರಿಸಿ
1. ಲಾಕ್‌ಡೌನ್‌ ಸಮಯದಲ್ಲಿ ನೀವು ನೋಡಿದ ಅತ್ಯುತ್ತಮ ಟಿವಿ ಕಾರ್ಯಕ್ರಮ ಯಾವುದು?

33 ವರ್ಷಗಳ ಬಳಿಕ ಬಂದ ಸೀತಾ ಮಾತೆ! ನಟಿ ದೀಪಿಕಾ ಚಿಕ್ಲಿಯಾ ವಿಶೇಷ ಸಂದರ್ಶನ