ಬಿಗ್‌ಬಾಸ್‌: ಕ್ಯಾಪ್ಟನ್‌ ನಿವೇದಿತಾಳನ್ನು ಅಳಿಸಿದ ದಿವಾಕರ್‌

ಬಿಗ್‌ಬಾಸ್‌ ಮನೆಯಲ್ಲಿ ನಿವೇದಿತಾ ಗೌಡನನ್ನು ಓಪನ್ ನಾಮಿನೇಟ್ ಮಾಡುತ್ತಿದ್ದವರೂ ನೆನ್ನೆಯ ಎಪಿಸೋಡ್‌ನಲ್ಲಿ ಆಕೆಯ ಕಣ್ಣೀರು ನೋಡಿ ಕರಗಿ ನೀರಾದರು, ಆಕೆಯನ್ನು ಅಳಿಸಿದ ದಿವಾಕರ್‌ ನಡೆಯ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು.

ಒಂದು ಚಿಕ್ಕ ವಿಷಯ ದೊಡ್ಡ ರಂಪಾಟಕ್ಕೆ ಕಾರಣವಾಯಿತು ಬಿಗ್‌ಬಾಸ್‌ ಮನೆಯಲ್ಲಿ. ನಿವೇದಿತಾ ನನ್ನನ್ನು 'ಸ್ಟುಪಿಡ್‌' ಎಂದಳು ಎಂದು ದಿವಾಕರ್‌ ಕೋಪಗೊಂಡರೆ, ನಿವೇದಿತಾ 'ನಾನು ಹಾಗೇ ಹೇಳಿಯೇ ಇಲ್ಲ' ಎಂದು ಅಳಲಾರಂಭಿಸಿದಳು.

'ನಿವೇದಿತಾ ಸ್ಟುಪಿಡ್‌ ಅಂದಿಲ್ಲ, ನಾನ್ಸೆನ್ಸ್ ಅಂದಿದ್ದು,ಅದು ಇಂಗ್ಲಿಷ್‌ನಲ್ಲಿ ಅಷ್ಟೊಂದು ಕೆಟ್ಟ ಬೈಗುಳ ಅಲ್ಲ' ಎಂದು ರಿಯಾಜ್‌ ಎಷ್ಟೇ ಹೇಳಿದರೂ ಅದನ್ನು ಒಪ್ಪಿಕೊಳ್ಳಲು ಸಿದ್ಧವಿರಲಿಲ್ಲ ದಿವಾಕರ್‌.

ಇವರಿಬ್ಬರ ಮುರಿದ ಮನಸ್ಸನ್ನು ಸರಿಪಡಿಸಲು ಬಿಗ್‌ಬಾಸ್‌ ಇಬ್ಬರ ಹಾಡುಗಳನ್ನು ಪ್ಲೇ ಮಾಡಿ ದಿವಾಕರ್‌ ಮತ್ತು ನಿವೇದಿತಾ ಕೈ-ಕೈ ಹಿಡಿದು ಹೆಜ್ಜೆ ಹಾಕುವಂತೆ ಮಾಡಿತು. ನಿವೇದಿತಾ 'ನಾನು ನಿಮ್ಮನ್ನು ಬೈಯ್ದಿಲ್ಲ, ಒಂದು ವೇಳೆ ಏನೋ ಅಂದಿದ್ದರೆ ಕ್ಷಮಿಸಿ' ಎಂದು ಕ್ಷಮೆ ಕೇಳಿದರು.

ಆದರೆ ದಿವಾಕರ್‌ ಮಾತ್ರ ಆ ಘಟನೆಯನ್ನು ಸುಲಭವಾಗಿ ಮರೆಯುವಂತೆ ಕಾಣಲಿಲ್ಲ, ಪುನಃ ಅದೇ ಟಾಪಿಕ್ ತೆಗೆದು ನಿವೇದಿತಾಳನ್ನು ಅಳಿಸಿದರು.

ಶಾಲಿನಿ ಟೀಚರ್ ಆಗಿ ಮನೆಗೆ ಬಂದು ಬಿಗ್‌ಬಾಸ್‌ ಮನೆಯ ಸಂಭ್ರಮ ಹೆಚ್ಚಿಸಿದರು.