ಈ ವೀಕೆಂಡ್‌ಗೆ ಕಿಕ್‌ ಕೊಡಲು ಬರ್ತಿರೋದು ಯಾರು?

ರಮೇಶ್‌ ಅರವಿಂದ್‌ ನಡೆಸಿಕೊಡುವ 'ವೀಕೆಂಡ್‌ ವಿತ್‌ ರಮೇಶ್‌' ಕಾರ್ಯಕ್ರಮಕ್ಕೆ ಇಲ್ಲಿಯವರೆಗೂ ಹಲವಾರು ಸಾಧಕರು ಬಂದು ತಮ್ಮ ಜೀವನದ ಕತೆಯನ್ನು ಎಲ್ಲರೊಂದಿಗೆ ಹಂಚಿಕೊಂಡಿದ್ದಾರೆ. ಈ ವಾರದ ವೀಕೆಂಡ್‌ ಅತಿಥಿಯಾಗಿ ಉತ್ತರ ಕರ್ನಾಟಕದ ಪ್ರತಿಭೆ, ಹಾಸ್ಯ ಕಲಾವಿದ ಗಂಗಾವತಿ ಪ್ರಾಣೇಶ್‌ ಕಾಣಿಸಿಕೊಳ್ಳುತ್ತಿದ್ದಾರೆ.

ತಮ್ಮ ಮಾತುಗಾರಿಕೆಯನ್ನೇ ಬಂಡವಾಳ ಮಾಡಿಕೊಂಡಿರುವ ಪ್ರಾಣೇಶ್‌, ಜ್ಯೂನಿಯರ್‌ ಬೀಚಿ ಅಂತಲೇ ಕರೆಯಿಸಿಕೊಳ್ಳುತ್ತಾರೆ. ಕರ್ನಾಟಕದಲ್ಲಷ್ಟೇ ಅಲ್ಲದೆ ದೇಶ-ವಿದೇಶಗಳಲ್ಲೂ ತಮ್ಮ ಹಾಸ್ಯ ಭಾಷಣದ ಮೂಲಕ ಜನರನ್ನು ನಗೆಗಡಲಲ್ಲಿ ತೇಲಿಸಿದ ಖ್ಯಾತಿ ಪ್ರಾಣೇಶ್‌ ಅವರಿಗೆ ಸಲ್ಲುತ್ತದೆ.


ಪ್ರೇಕ್ಷಕರ ಅಭಿಲಾಷೆಯ ಮೇರೆಗೆ ಜೀ ಕನ್ನಡ ವಾಹಿನಿ, ಬೀಚಿ ಪ್ರಾಣೇಶ್‌ ಅವರನ್ನು ಸಾಧಕರ ಸೀಟ್‌ನಲ್ಲಿ ಕುಳಿತುಕೊಳ್ಳಲು ಆಮಂತ್ರಿಸಿದೆ. ಪ್ರಾಣೇಶ್‌ ಭಾಗವಹಿಸಿರುವ ಎಪಿಸೋಡ್‌ಗಳು ಶನಿವಾರ ಮತ್ತು ಭಾನುವಾರ ರಾತ್ರಿ 9 ಗಂಟೆಗೆ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿವೆ. ಇದಕ್ಕೂ ಮುನ್ನ ಈ ವಿಡಿಯೋ ತುಣುಕನ್ನು ನೋಡಿ ಎಂಜಾಯ್‌ ಮಾಡಿ.