ಕಳೆದುಕೊಂಡಿದ್ದ ಅಭಿಮಾನಿಗಳನ್ನು ಮತ್ತೆ ಪಡೆದ ಖುಷಿಯಲ್ಲಿ 'ಗಟ್ಟಿಮೇಳ' ಧಾರಾವಾಹಿ ನಟಿ ಅಶ್ವಿನಿ!

ಕಳೆದ ಕೆಲವು ದಿನಗಳ ಹಿಂದೆ ಏಕಕಾಲಕ್ಕೆ ಕನ್ನಡದ ಅನೇಕ ನಟ-ನಟಿಯರ ಸೋಶಿಯಲ್ ಮೀಡಿಯಾ ಅಕೌಂಟ್‌ಗಳು ಹ್ಯಾಕ್ ಆಗಿದ್ದವು. ಅದರಲ್ಲೂ ಅನೇಕ ಕನ್ನಡ ಧಾರಾವಾಹಿ ಕಲಾವಿದರ ಸೋಶಿಯಲ್ ಮೀಡಿಯಾ ಖಾತೆ ಮೇಲೆ ಕಿಡಿಗೇಡಿಗಳ ಕಣ್ಣು ಬಿದ್ದಿತ್ತು. 'ಗಟ್ಟಿಮೇಳ' ನಟಿ ಅಶ್ವಿನಿ ಕೂಡ ಇದೇ ಸಮಸ್ಯೆಗೆ ಸಿಲುಕಿದ್ದರು.

ಅಶ್ವಿನಿ ಸೋಶಿಯಲ್ ಮೀಡಿಯಾ ಮೇಲೆ ಕಿಡಿಗೇಡಿಗಳ ಕಣ್ಣು!
128 ಸಾವಿರ ಫಾಲೋವರ್ಸ್ ಹೊಂದಿದ್ದ ಅಶ್ವಿನಿ ಅವರ ಇನ್‌ಸ್ಟಾಗ್ರಾಮ್ ಖಾತೆಯನ್ನು ಹ್ಯಾಕ್ ಮಾಡಲಾಗಿತ್ತು. ಅದನ್ನು ಸರಿಪಡಿಸಲು ಸಾಧ್ಯವಾಗದ ಕಾರಣ ಅವರು ಹೊಸ ಅಕೌಂಟ್ ತೆರೆದಿದ್ದರು. ಆದರೆ ಕೆಲವರು ಈ ಖಾತೆಯನ್ನು ಅಧಿಕೃತ ಅಲ್ಲ ಎಂದು ರಿಪೋರ್ಟ್ ಮಾಡಿ ಬ್ಲಾಕ್ ಮಾಡಿಸಿದ್ದರು. ಅಷ್ಟೇ ಅಲ್ಲದೆ ಅಶ್ವಿನಿ ಖಾತೆ ತೆರೆದಾಗ ಅದೇ ರೀತಿಯ ಇನ್ನೊಂದು ಅಧಿಕೃತ ಎನಿಸುವ ನಕಲಿ ಖಾತೆಯನ್ನು ಯಾರೋ ಸೃಷ್ಟಿ ಮಾಡಿದ್ದರು. ನಿಜಕ್ಕೂ ಇದು ಅಶ್ವಿನಿಗೆ ತಲೆನೋವಾಗಿತ್ತು.

ಮತ್ತೆ 1 ಲಕ್ಷ ಫಾಲೋವರ್ಸ್!
ಅಕೌಂಟ್ ಹ್ಯಾಕ್ ಆದ 5 ತಿಂಗಳ ನಂತರದಲ್ಲಿ ಮತ್ತೆ ಅಶ್ವಿನಿ 1 ಲಕ್ಷ ಫಾಲೋವರ್ಸ್ ಸಂಪಾದನೆ ಮಾಡಿಕೊಂಡಿದ್ದಾರೆ. ಈ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಮಾಹಿತಿ ನೀಡಿರುವ ಅಶ್ವಿನಿ, 'ಕಳೆದ 5 ತಿಂಗಳ ಹಿಂದೆ 128 ಸಾವಿರ ಫಾಲೋವರ್ಸ್ ಹೊಂದಿದ್ದ ನನ್ನ ಖಾತೆಯನ್ನು ಕಳೆದುಕೊಂಡಿದ್ದೆ. ಮತ್ತೆ ಈಗ 1 ಲಕ್ಷ ಮಂದಿ ಇರುವ ಕುಟುಂಬ ಸಿಕ್ಕಿದೆ. ನಿಮ್ಮೆಲ್ಲರ ಪ್ರೀತಿಗೆ ಧನ್ಯವಾದಗಳು' ಎಂದು ಹೇಳಿದ್ದಾರೆ.

ಸೈಬರ್‌ ಕ್ರೈಂಗೆ ದೂರುಗಳ ಸುರಿಮಳೆ
ಸೈಬರ್ ಕ್ರೈಂಗೆ ಅನೇಕರು ಅಕೌಂಟ್ ಹ್ಯಾಕ್ ಆಗಿರುವ ಕುರಿತು ಹಾಗೂ ಫೋಟೋಗಳನ್ನು ಅಸಭ್ಯ, ಅಶ್ಲೀಲವಾಗಿ ಬಳಸಿಕೊಳ್ಳುತ್ತಿರುವ ಕುರಿತು ದೂರು ನೀಡಿದರೂ ಕೂಡ ಯಾವುದೇ ಕ್ರಮ ಕೈಗೊಳ್ಳಲಾಗುತ್ತಿಲ್ಲ ಎಂಬ ಆರೋಪವಿದೆ. ನಟ-ನಟಿಯರ ಹೆಸರಿನಲ್ಲಿ ಫ್ಯಾನ್ ಪೇಜ್‌ಗಳ ಜೊತೆಗೆ ಅನೇಕ ನಕಲಿ ಖಾತೆಗಳು ಹುಟ್ಟಿಕೊಳ್ಳುತ್ತಿವೆ. ಇದರಿಂದ ಅವರು ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ.

Also Read-1 ವರ್ಷ ಮುಖ ಕಾಣಿಸದಂತೆ ಧಾರಾವಾಹಿಯೊಂದರಲ್ಲಿ ನಟಿಸಿದ್ದ 'ಗಟ್ಟಿಮೇಳ' ಸೀರಿಯಲ್ ನಟಿ ಅಶ್ವಿನಿ!

ತೆಲುಗಿನಲ್ಲಿಯೂ ಜನಪ್ರಿಯತೆ ಪಡೆದ ಅಶ್ವಿನಿ!
ನಟಿ ಅಶ್ವಿನಿ ಪ್ರಸ್ತುತ 'ಗಟ್ಟಿಮೇಳ' ಧಾರಾವಾಹಿಯಲ್ಲಿ ಆರತಿ ಪಾತ್ರ ಮಾಡುತ್ತಿದ್ದಾರೆ. ಇದರ ಜೊತೆಗೆ ತೆಲುಗಿನಲ್ಲಿ ಪ್ರಸ್ತುತ 'ನಾಗ ಬೈರವಿ' ಧಾರಾವಾಹಿಯಲ್ಲಿ ಅಶ್ವಿನಿ ಎರಡು ಶೇಡ್‌ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅದು ಅವರಿಗೆ ಆಂಧ್ರದಲ್ಲಿ ದೊಡ್ಡ ಮಟ್ಟದ ಜನಪ್ರಿಯತೆ ತಂದುಕೊಟ್ಟಿದೆ.

Also Read-ಅನುಷ್ಕಾ ಶೆಟ್ಟಿ ಫೈಟ್ ಮಾಸ್ಟರ್‌ನಿಂದ ಹೊಗಳಿಸಿಕೊಂಡ 'ಗಟ್ಟಿಮೇಳ' ಧಾರಾವಾಹಿ ನಟಿ ಅಶ್ವಿನಿ!