ಗೌರವ್‌ ಗೌರಿಯಾಗಿ ಬದಲಾಗಿದ್ದು ಹೇಗೆ?

ಗಂಡಾಗಿ ಹುಟ್ಟಿ ಹೆಣ್ಣಾಗುವುದು ಸುಲಭದ ಮಾತಲ್ಲ. ಅದಕ್ಕೆ ದೈಹಿಕ ಮತ್ತು ಮಾನಸಿಕವಾಗಿಯೂ ಸಿದ್ಧರಾಗಿರಬೇಕಾಗುತ್ತದೆ. ಅದರಲ್ಲೂ ಇಂತಹ ವಿಷಯದಲ್ಲಿ ಸಮಾಜವನ್ನು ಎದುರಿಸುವ ಮನೋಬಲ ತುಸು ಹೆಚ್ಚಾಗಿಯೇ ಬೇಕು. ಈ ಒಂದು ಸಾಹಸಕ್ಕೆ ಕೈ ಹಾಕಿ ಗೆದ್ದವರು ಗೌರವ್‌ ಅರೋರಾ.

ಹೌದು, ಖ್ಯಾತ ಹಿಂದಿ ರಿಯಾಲಿಟಿ ಶೋ 'ಸ್ಪ್ಲಿಟ್ಸ್‌ವಿಲ್ಲಾ ಸೀಸನ್‌ 8'ರಲ್ಲಿ ಪುರುಷ ಸ್ಪರ್ಧಿಯಾಗಿ ಕಾಣಿಕೊಂಡಿದ್ದ ಗೌರವ್‌, ಮತ್ತೊಂದು ರಿಯಾಲಿಟಿ ಶೋನಲ್ಲಿ ಮಹಿಳಾ ಸ್ಫರ್ಧಿಯಾಗಿ ಕಾಣಿಸಿಕೊಳ್ಳುವ ಮೂಲಕ ಸುದ್ದಿಯಲ್ಲಿದ್ದಾರೆ. ಸದ್ಯಕ್ಕೆ ತಮ್ಮ ಹೆಸರನ್ನು ಗೌರಿ ಅರೋರಾ ಎಂದು ಬದಲಾಯಿಸಿಕೊಂಡಿದ್ದಾರೆ ಗೌರವ್‌.

ಮಾಡೆಲ್‌ ಆಗಿ ತಮ್ಮ ವೃತ್ತಿ ಜೀವನ ಆರಂಭಿಸಿದ ಗೌರವ್‌ಗೆ ಹೆಣ್ಣಾಗುವ ಹಂಬಲವಿತ್ತಂತೆ. ಈ ಕುರಿತು ತನ್ನ ತಂದೆ-ತಾಯಿ ಹಾಗೂ ಕುಟುಂಬಕ್ಕೆ ತಿಳಿಸಿದಾಗ, ಅವರಿಂದ ಧನಾತ್ಮಕ ಪ್ರತಿಕ್ರಿಯೆ ಸಿಕ್ಕಿತಂತೆ. ಕಳೆದ ವರ್ಷ ಗೌರವ್‌ ಅವರನ್ನು ಬ್ಯಾಂಕಾಕ್‌ಗೆ ಕರೆದುಕೊಂಡು ಹೋದ ಅವರ ತಂದೆ, ಲಿಂಗ ಬದಲಾವಣೆ ಶಸ್ತ್ರಚಿಕಿತ್ಸೆಯನ್ನು ಮಾಡಿಸುವ ಮೂಲಕ ಮಗನ ಹಂಬಲಕ್ಕೆ ಆಸರೆಯಾದರು.

  LET US HAVE A SMOKE FREE AND BREATHE FREE DIWALI. #DIWALI2017 A post shared by GAURI ARORA (@gauriarorafficial) on Oct 19, 2017 at 2:31am PDT
ಶಸ್ತ್ರಚಿಕಿತ್ಸೆಗೆ ಒಳಗಾದ ಒಂದು ವರ್ಷದ ನಂತರ 'ಇಂಡಿಯಾಸ್‌ ನೆಕ್ಸ್ಟ್‌ ಟಾಪ್‌ ಮಾಡೆಲ್‌' ಎಂಬ ಟಿವಿ ಶೋನಲ್ಲಿ ಗೌರಿಯಾಗಿ ಕಾಣಿಸಿಕೊಂಡು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದರು. ಬಿಕಿನಿ ತೊಟ್ಟು ಶೋಗೆ ಬಂದಿದ್ದ ಗೌರಿ, ನಿರ್ಣಾಯಕರ ಮುಂದೆ ತಮ್ಮ ಕಥನವನ್ನು ಹೇಳಿಕೊಂಡು ಚಪ್ಪಾಳೆ ಗಿಟ್ಟಿಸಿಕೊಂಡರು. ಅವರ ಆತ್ಮವಿಶ್ವಾಸ ಹಾಗೂ ಪೋಷಕರ ಬೆಂಬಲ ಪ್ರೇಕ್ಷಕರನ್ನಷ್ಟೇ ಅಲ್ಲದೆ ನಿರ್ಣಾಯಕರ ಮನಸ್ಸು ಗೆದ್ದಿದ್ದು ಮಾತ್ರ ಸುಳ್ಳಲ್ಲ. ಆದರೆ ಈ ಶೋನಿಂದ ಗೌರಿ ಎಲಿಮಿನೇಟ್‌ ಆಗಿದ್ದಾರೆ.

  ❤ A post shared by GAURI ARORA (@gauriarorafficial) on Sep 16, 2017 at 2:55pm PDT
ಅವರ ದೈಹಿಕ ಹಿತದೃಷ್ಟಿಯಿಂದ ಅವರನ್ನು ಎಲಿಮಿನೇಟ್‌ ಮಾಡಲಾಗಿದೆ ಎನ್ನಲಾಗುತ್ತಿದೆ. ಗೌರಿಯಾಗಿ ಬದಲಾಗಿರುವ ಗೌರವ್‌ಗೆ ಇನ್ನೂ ವಿಶ್ರಾಂತಿಯ ಅವಶ್ಯಕತೆಯಿದ್ದು, ಶೋನಲ್ಲಿ ನೀಡಲಾಗುವ ಚಟುವಟಿಕೆಗಳು ಅವರ ದೇಹಕ್ಕೆ ತೊಂದರೆ ಉಂಟುಮಾಡಬಹುದು ಎಂಬ ಉದ್ದೇಶದಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆಯಂತೆ. ಈ ವಿಷಯ ಸ್ವತಃ ಗೌರಿಗೂ ಮನವರಿಕೆಯಾಗಿದೆ.