ನಿಮಿಷದಲ್ಲಿ ರೂ. 25 ಲಕ್ಷ ಕಳೆದುಕೊಂಡ ಗೋಲ್ಡನ್ ಸ್ಟಾರ್‌ ಗಣೇಶ್‌

ರಿಯಾಲಿಟಿ ಶೋದಲ್ಲಿ ಭಾಗವಹಿಸಿದ ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಇನ್ನೇನು ರೂ. 25 ಲಕ್ಷದ ಚೆಕ್‌ ಪಡೆಯುತ್ತಾರೆ ಎಂದು ಪ್ರೇಕ್ಷಕರು ನಿರೀಕ್ಷಿಸುತ್ತಿರುವಾಗ ಕಾರ್ಯಕ್ರಮದಿಂದ ಕ್ವಿಟ್‌ ಆಗುವ ಮೂಲಕ ಹನ್ನೆರಡೂವರೆ ಲಕ್ಷ ರೂಪಾಯಿ ಮೊತ್ತವನ್ನು ಪಡೆದು ಹಿಂತಿರುಗಿದ್ದಾರೆ.

ಕೋಟ್ಯಧಿಪತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಗಣೇಶ್‌ ಕೇಳಿದ ಪ್ರಶ್ನೆಗಳಿಗೆ ಸರಿ ಉತ್ತರ ನೀಡಿ ಹನ್ನೆರಡೂರೆ ಲಕ್ಷದ ಚೆಕ್‌ ಪಡೆಯುವಲ್ಲಿ ಯಶಸ್ವಿಯಾಗಿದ್ದರು. ಚಾರಿಟಿಗಾಗಿ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಗಣೇಶ್‌ ಬಂದಿದ್ದ ಹಣವನ್ನು ಕಳೆದುಕೊಳ್ಳಲು ಇಚ್ಚಿಸದೆ ಇನ್ನೇನು ಕೋಟಿ ಗೆಲ್ಲಲು ನಾಲ್ಕು ಪ್ರಶ್ನೆ ಬಾಕಿ ಇರುವಾಗ ಕಾರ್ಯದಿಂದ ಕ್ವಿಟ್‌ ಆಗುವ ತಮ್ಮ ನಿರ್ಧಾರವನ್ನು ಪ್ರಕಟಿಸುತ್ತಾರೆ.

'25 ಲಕ್ಷ ಪಡೆಯಲಿರುವ ಪ್ರಶ್ನೆ ನೋಡಿ ನಂತರ ನಿರ್ಧಾರ ತೆಗೆದುಕೊಳ್ಳಿ ಎಂದು ನಿರೂಪಕ ರಮೇಶ್ ಅರವಿಂದ್‌ ಸಲಹೆ ನೀಡುತ್ತಾರೆ, ಆದರೆ ರಿಸ್ಕ್‌ ತೆಗೆದುಕೊಳ್ಳಲು ಇಚ್ಛಿಸದ ಗಣೇಶ್‌ ಕ್ವಿಟ್ ಆಗಿ ನಂತರ ಆ ಪ್ರಶ್ನೆಗೆ ಸರಿಯುತ್ತರ ನೀಡುತ್ತಾರೆ.

25 ಲಕ್ಷ ರೂಪಾಯಿ ಪಡೆಯುವಲ್ಲಿ ಗಣೇಶ್‌ ಜಸ್ಟ್‌ ಮಿಸ್‌ ಆದರೂ, ಕೋಟ್ಯಧಿಪತಿ ಕಾರ್ಯಕ್ರಮದಲ್ಲಿ ಇದುವರೆಗೆ ಭಾಗವಹಿಸಿದ ಸ್ಪರ್ಧಿಗಳಲ್ಲಿ ಅತೀ ಹೆಚ್ಚು ಮೊತ್ತ ಗಳಿಸಿರುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.