ಬಿಗ್‌ ಬಾಸ್‌ ಸ್ಪರ್ಧಿ ತಂದೆ ವಿರುದ್ಧ ಅತ್ಯಾಚಾರ ಆರೋಪ! 20ರ ಪ್ರಾಯದ ಯುವತಿ ಬಿಚ್ಚಿಟ್ಟ ಕಹಿ ಸತ್ಯವೇನು?

ಹಿಂದಿ ಬಿಗ್‌ ಬಾಸ್‌ ಸ್ಪರ್ಧಿ ಶೆಹನಾಜ್‌ ಗಿಲ್‌ ತಂದೆ ಸಂತೋಖ್‌ ಸಿಂಗ್‌ ವಿರುದ್ಧ ಅತ್ಯಾಚಾರ ಆರೋಪ ಕೇಳಿಬಂದಿದೆ. 20ರ ಹರೆಯದ ಯುವತಿಗೆ ಬೆದರಿಕೆಯೊಡ್ಡಿ ಈ ಕೃತ್ಯ ಎಸಗಿದ್ದಾರೆ ಎನ್ನಲಾಗಿದ್ದು, ಈ ಸಂಬಂಧ ದೂರ ದಾಖಲಾಗಿದೆ.

ಮೇ 14ರಂದು ಈ ಹೀನಾಯ ಕೃತ್ಯ ನಡೆದಿದ್ದು, ಅದನ್ನು ಹೇಳಿಕೊಳ್ಳಲು ಭಯವಾಗಿದ್ದರಿಂದ ತಾನು ಇಷ್ಟು ದಿನ ಸುಮ್ಮನಿದ್ದೆ ಎಂದು ಯುವತಿಯು ತನ್ನ ದೂರಿನಲ್ಲಿ ತಿಳಿಸಿದ್ದಾರೆ. ಈಗ ಸ್ನೇಹಿತರ ಸಲಹೆ ಮೇರೆಗೆ ದೂರು ನೀಡಲು ಅವರು ಮುಂದೆ ಬಂದಿದ್ದಾರಂತೆ. ಪಂಜಾಬ್‌ನಲ್ಲಿ ಈ ಘಟನೆ ನಡೆದಿದೆ.

ಆರೋಪಿಯ ಪುತ್ರಿ ಶೆಹನಾಜ್‌ ಗಿಲ್‌ ಅವರು ಹಿಂದಿ ಬಿಗ್‌ಬಾಸ್‌ ಸೀಸನ್‌ 13ರಲ್ಲಿ ಸ್ಪರ್ಧಿಸಿದ್ದರು. ಫೈನಲ್‌ವರೆಗೂ ಕಠಿಣ ಪೈಪೋಟಿ ನೀಡಿದ್ದರು. ಬಿಗ್‌ಬಾಸ್‌ ಮಾತ್ರವಲ್ಲದೆ ಕೆಲವು ಪಂಜಾಬಿ ಸಿನಿಮಾ ಮತ್ತು ಮ್ಯೂಸಿಕ್‌ ವಿಡಿಯೋಗಳಲ್ಲಿ ನಟಿಸುವ ಮೂಲಕ ಶೆಹನಾಜ್‌ ಫೇಮಸ್‌ ಆಗಿದ್ದರು. ಆದರೆ ಅವರ ತಂದೆ ಮೇಲೆ ಅತ್ಯಾಚಾರ ಆರೋಪ ಕೇಳಿಬಂದಿರುವುದರಿಂದ ಅವರ ಪ್ರತಿಷ್ಠೆಗೆ ಹೊಡೆತ ಬಿದ್ದಂತಾಗಿದೆ.

ಬಿಗ್‌ ಬಾಸ್‌ ಸ್ಪರ್ಧಿ ರಶ್ಮಿಗೆ ಎದುರಾಗಿದೆ ಬಹುದೊಡ್ಡ ಸವಾಲು! ನಟಿ ಆಗಿರುವುದು ಸುಲಭದ ಮಾತಲ್ಲ

'ಮೇ 14ರಂದು ನನ್ನ ಸ್ನೇಹಿತನನ್ನು ಭೇಟಿ ಮಾಡಲು ತೆರಳಿದ್ದಾಗ ಸಂತೋಖ್‌ ಸಿಂಗ್‌ ಕಾರಿನೊಳಗೆ ಕೂರುವಂತೆ ಬಲವಂತ ಮಾಡಿದರು. ಗನ್‌ ತೋರಿಸಿ ಬೆದರಿಸಿ, ನನ್ನ ಮೇಲೆ ಅತ್ಯಾಚಾರ ಮಾಡಿದರು. ಜೀವ ಬೆದರಿಕೆಯನ್ನೂ ಹಾಕಿದರು' ಎಂದು ಯುವತಿಯು ದೂರಿನಲ್ಲಿ ತಿಳಿಸಿದ್ದಾರೆ. ಮೇ 19ರಂದು ದೂರು ದಾಖಲಾಗಿದೆ.

ಅಂದು ಡೇಟಿಂಗ್‌ ಮಾಡ್ತೀವಿ ಎಂದಿದ್ದ ಜೋಡಿಯದ್ದು ಇಂದು ತಂದೆ-ಮಗಳ ಸಂಬಂಧ!

ಐಪಿಸಿ ಸೆಕ್ಷನ್‌ 376, 506ರ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ತನಿಖೆ ಆರಂಭಗೊಂಡಿದ್ದು, ಇನ್ನೂ ಆರೋಪಿ ಬಂಧನ ಆಗಿಲ್ಲ.