ಯುಕೆಯಲ್ಲಿ ಹಿಂದಿ ಸಿನಿಮಾ ಚಾನೆಲ್‌ ಲಾಂಚ್‌

ಇಂಗ್ಲೆಂಡ್‌ನಲ್ಲಿ ಹಿಂದಿ ಸಿನಿಮಾ ವೀಕ್ಷಕರಿಗೆ ಇನ್ನು ಮುಂದೆ ಹಬ್ಬವೋ ಹಬ್ಬ. ಭಾರತದ ಖಾಸಗಿ ಚಾನೆಲ್‌ಯುನೈಟೆಡ್‌ ಕಿಂಗ್‌ಡಮ್‌ನಲ್ಲಿ ಹಿಂದಿ ಸಿನಿಮಾಗಳ ಉಚಿತ ಚಾನೆಲ್‌ ಒಂದನ್ನು ಲಾಂಚ್‌ ಮಾಡಿದೆ. ದೇಶದ ಪ್ರಮುಖ ಚಾನೆಲ್‌ ಆಗಿರುವ ಈ ಸಂಸ್ಥೆ ತನ್ನ ನೆಟ್‌ವರ್ಕನ್ನು ಹಿಗ್ಗಿಸಿಕೊಳ್ಳುವ ಸಲುವಾಗಿ ಇಂತಹ ವಿನೂತನ ಪ್ರಯತ್ನಕ್ಕೆ ಕೈ ಹಾಕಿದೆ.

ಮೊದಲಿಗೆ ಬಾಜೀರಾವ್‌ ಮಸ್ತಾನಿ, ಏರ್‌ ಲಿಫ್ಟ್‌ ಸಿನಿಮಾಗಳನ್ನು ಪ್ರಸಾರ ಮಾಡುವ ಮೂಲಕ ಈ ಖಾಸಗಿ ಚಾನೆಲ್‌ ಲಾಂಚ್‌ ಆಗಿದೆ. ಬರೀ ಸಿನಿಮಾಗಳಷ್ಟೇ ಅಲ್ಲದೆ ಫಿಲ್ಮ್‌ ಫೆಸ್ಟಿವಲ್‌, ಯುಕೆಯಲ್ಲಿ ನಡೆಯುವ ಇನ್ನಿತರ ಬಾಲಿವುಡ್‌ ಸಿನಿಮಾ ಸಂಬಂಧಿತ ಕಾರ್ಯಕ್ರಮಗಳನ್ನು ಈ ಚಾನೆಲ್‌ ಕವರ್‌ ಮಾಡುತ್ತದೆ. ಈ ಮೊದಲು ಯೂರೋಪ್‌ ಮತ್ತು ಉತ್ತರ ಅಮೇರಿಕಾದಲ್ಲಿ ಈ ರೀತಿಯ ಉಚಿತ ಬಾಲಿವುಡ್‌ ಸಿನಿಮಾಗಳನ್ನು ಪ್ರಸಾರ ಮಾಡುವ ಚಾನೆಲ್‌ನ್ನು ಲಾಂಚ್‌ ಮಾಡಲಾಗಿತ್ತು. ಅಲ್ಲಿ ಯಶಸ್ವಿಯಾದ ನಂತರ ಯುಕೆಯಲ್ಲಿ ಆರಂಭಿಸಲಾಗಿದೆ. ಪ್ರಪಂಚದಾದ್ಯಂತ ಸಾಕಷ್ಟು ಮಂದಿ ಭಾರತೀಯರು ನೆಲೆಸಿರುವ ಕಾರಣ ಭಾರತೀಯ ಚಾನೆಲ್‌ಗಳ ಮಾರುಕಟ್ಟೆ ದೊಡ್ಡದಾಗಿ ಬೆಳೆಯುತ್ತಿದೆ. ಆ ನಿಟ್ಟಿನಲ್ಲಿ ಇಂತಹ ಹೊಸ ಹೊಸ ಚಾನೆಲ್‌ಗಳು ಲಾಂಚ್‌ ಆಗುತ್ತಿವೆ.