'ಸೀತಾ ವಲ್ಲಭ' ಧಾರಾವಾಹಿ ಬಗ್ಗೆ ಭಾವುಕ ಮಾತುಗಳನ್ನಾಡಿದ ನಟಿ ಸುಪ್ರೀತಾ ಸತ್ಯನಾರಾಯಣ್!

'ಸೀತಾ ವಲ್ಲಭ' ಧಾರಾವಾಹಿ ಕೆಲವೇ ದಿನಗಳಲ್ಲಿ ಮುಗಿಯಲಿದೆ. ಈ ಸೀರಿಯಲ್ ಆರಂಭವಾಗಿ ಎರಡು ವರ್ಷ ಕಳೆದಿತ್ತು. ಈ ಧಾರಾವಾಹಿಯ ಕೊನೆಯ ಎಪಿಸೋಡ್‌ಗಳು ಆಗಸ್ಟ್ 15ರಂದು ಮುಗಿಯಲಿದೆ. ಇದರ ಬಗ್ಗೆ ನಟಿ ಸುಪ್ರೀತಾ ಸತ್ಯನಾರಾಯಣ್ ಮಾತನಾಡಿದ್ದಾರೆ.

Vijaya Karnataka Web

'ಸೀತಾ ವಲ್ಲಭ' ಬಗ್ಗೆ ಸುಪ್ರೀತಾ ಹೇಳಿದ್ದೇನು?
ಸುಪ್ರೀತಾರಿಗೆ ಇದು ಮೊದಲ ಧಾರಾವಾಹಿಯಾಗಿತ್ತು. 'ಸೀತಾ ವಲ್ಲಭ' ಧಾರಾವಾಹಿ ಮೂಲಕ ಅವರು ಮೊದಲ ಬಾರಿಗೆ ಕ್ಯಾಮರಾ ಎದುರಿಸಿದ್ದರು. 'ನಮಗೆ ಇನ್ನು ಒಂದು ವಾರದ ಶೂಟಿಂಗ್ ಮಾಡೋದಿತ್ತು. ಆಮೇಲೆ ಈ ಧಾರಾವಾಹಿ ಮುಗಿಯಲಾಗತ್ತೆ ಅಂತ ಹೇಳಿದರು. ಈಗಲೇ ನಾನು ಧಾರಾವಾಹಿ ಟೀಂ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ಯಾಕೆ 'ಸೀತಾ ವಲ್ಲಭ' ಟೀಂ ಈ ನಿರ್ಧಾರ ತೆಗೆದುಕೊಂಡಿದೆ ಎಂದು ನನಗೆ ತಿಳಿದಿಲ್ಲ. ಪ್ರೇಕ್ಷಕರು ಲಾಜಿಕಲ್ ಆಗಿ ಧಾರಾವಾಹಿ ಎಂಡ್‌ ಆಗೋದನ್ನು ಆನ್‌ಸ್ಕ್ರೀನ್‌ನಲ್ಲಿ ನೋಡಬೇಕಾಗುತ್ತದೆ. ನನ್ನ ವೃತ್ತಿ ಜೀವನದಲ್ಲಿ ಗುಬ್ಬಿ ಪಾತ್ರವನ್ನು ಮರೆಯೋದಿಲ್ಲ. ಇದು ನನ್ನ ಮೊದಲ ಕನ್ನಡ ಪ್ರಾಜೆಕ್ಟ್ ಆಗಿತ್ತು. ಜನರು ನನಗೆ ಪ್ರೀತಿ, ವಿಶ್ವಾಸ ಕೊಟ್ಟು ಗುರುತಿಸಿದ್ದಾರೆ' ಎಂದು ಸುಪ್ರೀತಾ ಸತ್ಯನಾರಾಯಣ್ ಹೇಳಿದ್ದಾರೆ.

'ರಹದಾರಿ' ಸಿನಿಮಾದಲ್ಲಿ ಸುಪ್ರೀತಾ ನಟನೆ
ಸುಪ್ರೀತಾ ಸತ್ಯನಾರಾಯಣ್ 'ರಹದಾರಿ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದು ಅವರ ಮೊದಲ ಸಿನಿಮಾ. 'ರಹದಾರಿ ಸಿನಿಮಾ ಥ್ರಿಲ್ಲರ್ ಸಬ್ಜೆಕ್ಟ್ ಕಥೆ ಹೊಂದಿದೆ. ಇದರ ಶೂಟಿಂಗ್‌ನಲ್ಲಿ ನಾನು ಪಾಲ್ಗೊಳ್ಳಲು ಕಾಯುತ್ತಿದ್ದೇನೆ. ನನಗೆ ಬೇರೆ ಕನ್ನಡ ಸಿನಿಮಾಗಳ ಆಫರ್ ಕೂಡ ಸಿಗುತ್ತಿದೆ. ಕೊರೊನಾ ವೈರಸ್‌ನಿಂದಾಗಿ ಯಾವಾಗ ಇದರ ಶೂಟಿಂಗ್ ಮಾಡುತ್ತಾರೆ ಎಂಬುದರ ಬಗ್ಗೆ ಖಚಿತತೆ ಇಲ್ಲದಿರೋದರಿಂದ ನಾನು ಬೇರೆ ಯಾವುದೇ ಪ್ರಾಜೆಕ್ಟ್ ಒಪ್ಪಿಕೊಂಡಿಲ್ಲ. ಇದರ ನಡುವೆ ಧಾರಾವಾಹಿಗಳತ್ತ ಕೂಡ ಗಮನ ನೀಡುತ್ತಿದ್ದೇನೆ. ಬೆಳ್ಳಿತೆರೆ, ಕಿರುತೆರೆ ಎಂಬ ಬೇಧಭಾವ ನನಗಿಲ್ಲ. ನಾನು ವೀಕ್ಷಕರಿಗೆ ಮನರಂಜನೆ ನೀಡಬೇಕು ಎಂಬುದಷ್ಟೇ ನನ್ನ ಮನಸ್ಸಿನಲ್ಲಿದೆ' ಎಂದು ಸುಪ್ರೀತಾ ಸತ್ಯನಾರಾಯಣ್ ಹೇಳಿದ್ದಾರೆ.

Also Read-ಶಾಶ್ವತವಾಗಿ ಪ್ರಸಾರ ನಿಲ್ಲಿಸಿದ ಜನಪ್ರಿಯ ಕನ್ನಡ ಧಾರಾವಾಹಿ 'ಸೀತಾ ವಲ್ಲಭ' : ಕಾರಣ ಏನು?

2 ವರ್ಷಗಳಿಂದ ಪ್ರಸಾರವಾಗುತ್ತಿರುವ 'ಸೀತಾ ವಲ್ಲಭ'
ಸುಪ್ರೀತಾ ಸತ್ಯನಾರಾಯಣ್ ಮತ್ತು ಜಗನ್ ಚಂದ್ರಶೇಖರ್ 'ಸೀತಾ ವಲ್ಲಭ' ಧಾರಾವಾಹಿಯಲ್ಲಿ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದರು. ಇತ್ತೀಚೆಗಷ್ಟೇ ಈ ಧಾರಾವಾಹಿ 500 ಎಪಿಸೋಡ್‌ಗಳನ್ನು ಪೂರೈಸಿತ್ತು. ಕಳೆದ ಎರಡು ವರ್ಷಗಳಿಂದ ಈ ಧಾರಾವಾಹಿ ಪ್ರೇಕ್ಷಕರನ್ನು ರಂಜಿಸಿದೆ. ಲಾಕ್‌ಡೌನ್ ನಂತರವೂ ಕೂಡ ಈ ಸೀರಿಯಲ್ ಪ್ರಸಾರವಾಗುತ್ತಿತ್ತು.

Also Read-ಹೊಸ ಮೈಲಿಗಲ್ಲು ಸಾಧಿಸಿದ 'ಸೀತಾ ವಲ್ಲಭ' ಧಾರಾವಾಹಿ: ನಟಿ ಸುಪ್ರೀತಾರಿಂದ ಭಾವುಕ ಮಾತು!