ವೀಕೆಂಡ್ ವಿತ್ ರಮೇಶ್ ಶೋ: ಭಾನುವಾರದ ಅತಿಥಿ ವಿನಯಾ ಪ್ರಸಾದ್

ಜೀ ಕನ್ನಡ ವಾಹಿನಿಯಲ್ಲಿ ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 9-30ರಿಂದ 11 ಗಂಟೆಯವರೆಗೆ ಪ್ರಸಾರವಾಗುತ್ತಿದೆ, ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮ. ಈ ಕಾರ್ಯಕ್ರಮದ ಈ ವಾರದ ಅತಿಥಿಗಳು ಇಬ್ಬರು ಕನ್ನಡ ಚಲನಚಿತ್ರರಂಗದ ಕಲಾವಿದು. ಒಬ್ಬರು ಸುಪ್ರಿಮ್ ಹೀರೋ ಶಶಿಕುಮಾರ್ ಹಾಗೂ ಇನ್ನೊಬ್ಬರು ಕನ್ನಡದ ಖ್ಯಾತ ನಟಿ ವಿನಯಾ ಪ್ರಸಾದ್.

'ವೀಕೆಂಡ್ ವಿತ್ ರಮೇಶ್ ಸೀಸನ್ 4' ಕಾರ್ಯಕ್ರಮದಲ್ಲಿ ಈ ವಾರ ಬರುತ್ತಿರುವ ಈ ಇಬ್ಬರು ಅತಿಥಿಗಳಲ್ಲಿ, ನಟ ಶಶಿಕುಮಾರ್ ಸಂಚಿಕೆ ಶನಿವಾರ ಹಾಗೂ ನಟಿ ವಿನಯಾ ಪ್ರಸಾದ್ ಅವರ ಸಂಚಿಕೆ ಭಾನುವಾರ ಪ್ರಸಾರ ಆಗಲಿದೆ. ವಿನಯಾ ಪ್ರಸಾದ್ ಬಾಲ್ಯ, ವೈಯಕ್ತಿಕ ಜೀವನ, ಅವರ ಬಾಳಿನ ಸವಾಲಿನ ಹಾದಿ, ಸಾಧನೆ ಹೀಗೆ ಎಲ್ಲವೂ ಕಾರ್ಯಕ್ರಮದಲ್ಲಿ ತಿಳಿಯಲಿದೆ. ಮದುವೆಯಾಗಿ ವಿದೇಶದಲ್ಲಿರುವ ವಿನಯಾ ಪ್ರಸಾದ್ ಪುತ್ರಿ ಸಹ ಕಾರ್ಯಕ್ರಮಕ್ಕೆ ಬಂದಿದ್ದಾರೆ.

ಸದ್ಯ ಜೀ ಕನ್ನಡ ವಾಹಿನಿ ವಿನಯ ಪ್ರಸಾದ್ ಸಂಚಿಕೆಯ ಪ್ರೊಮೋವನ್ನು ಹಂಚಿಕೊಂಡಿದ್ದಾರೆ. "ಮಾತಿನಲ್ಲಿ ನಯ, ಹಾಡಿನಲ್ಲಿ ಲಯ, ಹೆಸರಿಗೆ ತಕ್ಕ ವಿನಯ, ದಕ್ಷಿಣ ಭಾರತವೇ ಮೆಚ್ಚಿದ ಅಭಿನಯ, ಕನ್ನಡದ ಹೆಮ್ಮೆಯ ಕಲಾವಿದೆ ವಿನಯ ಪ್ರಸಾದ್'' ಈ ರೀತಿ ಈ ವಾರದ ಅತಿಥಿಯನ್ನು ನಟ ರಮೇಶ್ ಅರವಿಂದ್ ಸ್ವಾಗತ ಮಾಡಿದ್ದಾರೆ.

ನಟಿ ವಿನಯ ಪ್ರಸಾದ್ ಸೌತ್ ಇಂಡಿಯಾದ ಜನಪ್ರಿಯ ನಟಿಯಾಗಿದ್ದು, ಟಿವಿ ಹಾಗೂ ಸಿನಿಮಾ ಎರಡೂ ಕ್ಷೇತ್ರಗಳಲ್ಲಿ ಬಹಳಷ್ಟು ಸಾಧನೆ ಮಾಡಿದ್ದಾರೆ. ವಿಷ್ಣುವರ್ಧನ್, ರವಿಚಂದ್ರನ್, ಮೋಹನ್ ಲಾಲ್, ರಜನಿಕಾಂತ್, ಅನಂತ್ ನಾಗ್, ಅಂಬರೀಶ್, ಚಿರಂಜೀವಿ, ಶಿವರಾಜ್ ಕುಮಾರ್ ಹೀಗೆ ಸೌತ್ ಇಂಡಿಯಾದ ಬಹಳಷ್ಟು ಸೂಪರ್ ಸ್ಟಾರ್ ಗಳ ಸಿನಿಮಾಗಳಲ್ಲಿ ನಟಿಸಿದ್ದಾರೆ ನಟಿ ವಿನಯಾ ಪ್ರಸಾದ್.

ಅಂದಹಾಗೆ, ನಟಿ ವಿನಯಾ ಪ್ರಸಾದ್ ಸಂಚಿಕೆ ನಾಳೆ, ಅಂದರೆ ಮೇ 12, 2019ರ ಭಾನುವಾರ ಜೀ ಕನ್ನಡದಲ್ಲಿ ರಾತ್ರಿ 9-30 ರಿಂದ 11ಗಂಟೆ ತನಕ ಪ್ರಸಾರವಾಗಲಿದೆ.