ಅಭಿಯನ್ನು ಪ್ರಾಣಕ್ಕಿಂತ ಪ್ರೀತಿಸುವ ಪ್ರಗ್ಯಾ ಎಲ್ಲರ ಮನಸ್ಸನ್ನು ಗೆದ್ದರೂ ಕೂಡ ಅಭಿ ತಂಗಿ ಆಲಿಯಾ, ಅಭಿ ಗರ್ಲ್‌ಫ್ರೆಂಡ್ ತನುಳ ಕುತಂತ್ರದಿಂದ ಮಾತ್ರ ಆಗಾಗ ಸಿಲುಕುತ್ತಾಳೆ. ಈ ಜೋಡಿಯ ಅವಳಿ-ಜವಳಿ ಮಕ್ಕಳ ಕುರಿತು ಕಥೆ ಸಾಗುತ್ತಿದೆ. ನಟಿ ಶಿಖಾ ಸಿಂಗ್, ಅಭಿ ತಂಗಿ ಆಲಿಯಾ ಪಾತ್ರ ಮಾಡುತ್ತಿದ್ದರು. ಇವರಿಗೆ ಲಾಕ್ಡೌನ್ ವೇಳೆ ಮಗಳು ಹುಟ್ಟಿರೋದರಿಂದ ಇವರು ಈ ಧಾರಾವಾಹಿಯಿಂದ ಹೊರನಡೆದಿದ್ದಾರೆ. ನಟಿ ನೈನಾ ಸಿಂಗ್, ಈ ಸೀರಿಯಲ್‌ನಲ್ಲಿ ಅಭಿ ಮಗಳು ರಿಯಾ ಪಾತ್ರ ಮಾಡುತ್ತಿದ್ದರು. ಪಾತ್ರ ಇಷ್ಟವಾಗದೆ ಅವರು ಕೂಡ ಧಾರಾವಾಹಿ ಬಿಟ್ಟಿದ್ದಾರೆ. ಹಾಗಾದರೆ ಈ ಪಾತ್ರಗಳಿಗೆ ಮತ್ತೆ ಜೀವ ತುಂಬುವವರು ಯಾರು?
ಶಿಖಾಗೆ ಮಗು ಹುಟ್ಟಿದ್ದರಿಂದ ನನಗೆ ಈ ಅವಕಾಶ ಸಿಕ್ಕಿತು ಎಂದ ರೇನಾ ಪಂಡಿತ್!
ನಟಿ ರೇನಾ ಪಂಡಿತ್ 'ಕುಂಕುಮ ಭಾಗ್ಯ' ಧಾರಾವಾಹಿಯಲ್ಲಿ ಆಲಿಯಾ ಪಾತ್ರ ಮಾಡಲಿದ್ದಾರೆ. ಇವರು ಈ ಹಿಂದೆ 'ಇಶ್ಕ್‌ಬಾಸ್', 'ಮನಹೋಹಿನಿ', 'ಜಮಾಯಿ ರಾಜ' ಧಾರಾವಾಹಿಯಲ್ಲಿ ನಟಿಸಿದ್ದರು. ನೆಗೆಟಿವ್ ಪಾತ್ರ ಮಾಡಿ ಇವರು ಸಿಕ್ಕಾಪಟ್ಟೆ ಫೇಮಸ್ ಆಗಿದ್ದಾರೆ. 'ಕುಂಕುಮ ಭಾಗ್ಯ' ಧಾರಾವಾಹಿಯಲ್ಲಿ ನನಗೆ ಆಲಿಯಾ ಪಾತ್ರ ಮಾಡುತ್ತಿರುವುದಕ್ಕೆ ತುಂಬ ಖುಷಿಯಾಗುತ್ತಿದೆ. ಶಿಖಾ ಸಿಂಗ್ ತಾಯ್ತನವನ್ನು ಎಂಜಾಯ್ ಮಾಡುತ್ತಿದ್ದಾರೆ. ಹೀಗಾಗಿ ನನಗೆ ಈ ಬಗ್ಗೆ ಖುಷಿಯಾಗುತ್ತಿದೆ. ಶಿಖಾ ಮಗು ನನಗೆ ಮತ್ತು ಅವರಿಗೆ ಖುಷಿ ನೀಡಿದೆ. ಏಕೆಂದರೆ ನನಗೆ ಆ ಮಗುವಿಂದ ಈ ಪಾತ್ರ ಸಿಕ್ಕಿದೆ ಎಂದು ರೇನಾ ಪಂಡಿತ್ ಹೇಳಿದ್ದಾರೆ.
Also read-ತಾಯಿಯಾಗುವ ಖುಷಿಯಲ್ಲಿದ್ದಾರೆ ಜನಪ್ರಿಯ ಧಾರಾವಾಹಿ ನಟಿ! ಅವರು ಖುಷಿ ಹಂಚಿಕೊಂಡಿದ್ದು ಹೀಗೆ!
ನನ್ನ ಭವಿಷ್ಯದ ಬಗ್ಗೆ ತುಂಬ ಯೋಚನೆಯಾಗಿತ್ತು: ರೇನಾ ಪಂಡಿತ್
ನೆಗೆಟಿವ್ ಪಾತ್ರದ ಬಗ್ಗೆ ಮಾತನಾಡಿರುವ ರೇನಾ ಪಂಡಿತ್ 'ನನಗೆ ಪ್ರತಿಯೊಂದು ಪಾತ್ರ ಮಾಡುವಾಗ ತುಂಬ ಖುಷಿಯಾಗುತ್ತದೆ. ಈ ಹಿಂದೆ ನಾನು ಮಾಡಿರುವ ಪಾತ್ರಗಳಿಗೂ ಆಲಿಯಾ ಪಾತ್ರಕ್ಕೂ ತುಂಬ ವ್ಯತ್ಯಾಸವಿದೆ. ಇದು ನೆಗೆಟಿವ್ ಪಾತ್ರವಾದರೂ ಕೂಡ ತುಂಬ ಡಿಫರೆಂಟ್ ಆಗಿದೆ. ಈಗಾಗಲೇ ಶೂಟಿಂಗ್ ಆರಂಭವಾಗಿದೆ. ಕಳೆದ ಮೂರು ತಿಂಗಳಿಂದ ನನಗೆ ತುಂಬ ಗೊಂದಲ ಇತ್ತು, ಭವಿಷ್ಯದ ಬಗ್ಗೆ ಯೋಚನೆಯಾಗುತ್ತಿತ್ತು. ಮುಂದೆ ನಾನು ಏನು ಮಾಡಬಲ್ಲೆ? ಹೇಗೆ ಅವಕಾಶಗಳನ್ನು ಪಡೆದುಕೊಳ್ಳಬಲ್ಲೆ ಎಂದು ತಲೆಕೆಡಿಸಿಕೊಂಡಿದ್ದೆ. ಆದರೆ ಈಗ ದೇವರು ನನ್ನ ಮೇಲೆ ಕೃಪೆ ತೋರಿಸಿದ್ದಾನೆ. ಪ್ರೊಡಕ್ಷನ್ ಹೌಸ್ ನನ್ನನ್ನು ಆಯ್ಕೆ ಮಾಡಿಕೊಂಡಿದ್ದಕ್ಕೆ ಧನ್ಯವಾದಗಳು' ಎಂದು ರೇನಾ ಹೇಳಿದ್ದಾರೆ.
Also read-ಅತಿಹೆಚ್ಚು ಟಿಆರ್‌ಪಿಯಿರುವ 'ಕುಂಕುಮ ಭಾಗ್ಯ' ಧಾರಾವಾಹಿಯಿಂದ ಹೊರಬಂದ ನಟಿ ನೈನಾ ಸಿಂಗ್, ಕಾರಣ?
ರಿಯಾ ಪಾತ್ರದ ಬಗ್ಗೆ ಅಸಮಾಧಾನ ಹೊಂದಿದ್ದ ನೈನಾ ಸಿಂಗ್
ನಟಿ ನೈನಾ ಸಿಂಗ್‌ಗೆ ರಿಯಾ ಪಾತ್ರ ಮಾಡುವ ವಿಚಾರದಲ್ಲಿ ಅಸಮಧಾನ ಇತ್ತು. ಅವರಿಗೆ ಸಾಕಷ್ಟು ಬೇರೆ ಬೇರೆ ಆಫರ್‌ಗಳು ಬರುತ್ತಿದ್ದರೂ ಕೂಡ, ಕುಂಕುಮ ಭಾಗ್ಯದಲ್ಲಿ ನಟಿಸುತ್ತಿದ್ದರಿಂದ ಬೇರೆ ಆಫರ್‌ಗಳನ್ನು ಒಪ್ಪಿಕೊಳ್ಳಲಾಗುತ್ತಿರಲಿಲ್ಲ. ರಿಯಾ ಪಾತ್ರಕ್ಕೂ ಮತ್ತು ನೈನಾ ಸಿಂಗ್‌ಗೂ ಯಾವುದೇ ರೀತಿಯಲ್ಲೂ ಹೋಲಿಕೆಯಿರಲಿಲ್ಲ. ರಿಯಾ ಪಾತ್ರಧಾರಿಯ ಭಾವನೆಗಳು ನೈನಾಗೆ ಇರಲಿಲ್ಲವಂತೆ. ಈ ಬಗ್ಗೆ ಸಿಕ್ಕಾಪಟ್ಟೆ ಯೋಚನೆ ಮಾಡಿದ್ದ ನೈನಾ ಧಾರಾವಾಹಿ ತೊರೆಯುವ ನಿರ್ಧಾರ ಮಾಡಿದ್ದರು. ರಿಯಾ ಪಾತ್ರದಲ್ಲಿ ದ್ವೇಷ, ಹೊಟ್ಟೆಕಿಚ್ಚು, ಅಹಂಕಾರ, ದುಡ್ಡಿನ ಮದ ಎಲ್ಲವೂ ತುಂಬಿ ತುಳುಕುತ್ತಿತ್ತು. ಹಲವು ದಿನಗಳಿಂದ ರಿಯಾ ಪಾತ್ರದಲ್ಲಿ ಇದೇ ನಿರಂತರವಾಗಿ ಮುಂದುವರಿಯಿತೇ ವಿನಃ ಚಿತ್ರಕಥೆ ಬರೆಯುವವರು ಮಾತ್ರ ಯಾವುದೇ ಪಾಸಿಟಿವ್ ರೀತಿಯಲ್ಲಿ ಬದಲಾವಣೆ ಮಾಡಲಿಲ್ಲ. ಹೀಗಾಗಿ ಇದರಿಂದ ಬೇಸತ್ತ ನಟಿ ನೈನಾ ಸಿಂಗ್ 'ಕುಂಕುಮ ಭಾಗ್ಯ' ಧಾರಾವಾಹಿ ತೊರೆದಿದ್ದಾರೆ.
2020ರಲ್ಲಿ ಯಾವುದೇ ಪ್ರಾಜೆಕ್ಟ್‌ಗಳಲ್ಲಿಯೂ ಕಾಣಿಸಿಕೊಳ್ಳದ ಪೂಜಾ ಬ್ಯಾನರ್ಜಿ!
ನೈನಾ ಸಿಂಗ್ ಪಾತ್ರಕ್ಕೆ ನಟಿ ಪೂಜಾ ಬ್ಯಾನರ್ಜಿ ಬರಲಿದ್ದಾರೆ ಎಂಬ ಮಾತು ಕೇಳಿಬರುತ್ತಿದ್ದರೂ ಕೂಡ ಅಧಿಕೃತ ಮಾಹಿತಿ ಸಿಕ್ಕಿಲ್ಲ. ಇನ್ನೂ ಪ್ರೊಡಕ್ಷನ್ ಈ ಕುರಿತು ಚರ್ಚೆ ಮಾಡುತ್ತಲಿದೆಯಂತೆ. ಈಗಾಗಲೇ ಧಾರಾವಾವಿ ಶೂಟಿಂಗ್ ಆರಂಭವಾಗಿದೆ. 'ರೋಡೀಸ್ 8'ರಲ್ಲಿ ಭಾಗವಹಿಸಿದ್ದ ಪೂಜಾ, 2012ರಿಂದ ಒಂದಾದ ಮೇಲೆ ಒಂದರಂತೆ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ. 'ನಚ್ ಬಲಿಯೇ 9'ರಲ್ಲಿಯೂ ಅವರು ಸ್ಪರ್ಧಿಯಾಗಿ ಕಾಣಿಸಿಕೊಂಡಿದ್ದರು. ಮೂರು ವೆಬ್ ಸಿರೀಸ್‌ಗಳಲ್ಲಿ ನಟಿಸಿರುವ ಪೂಜಾ, 'ಕಸೂತಿ ಜಿಂದಗೀ ಕೆ' ಧಾರಾವಾಹಿಯಲ್ಲಿ ಕೊನೆಯದಾಗಿ 2019ರಲ್ಲಿ ಅಭಿನಯಿಸಿದ್ದರು. 2016ರಲ್ಲಿಯೇ ಮ್ಯೂಸಿಕ್ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದ ನಟಿ ಪೂಜಾ, 2020ರಲ್ಲಿ ಯಾವುದೇ ಪ್ರಾಜೆಕ್ಟ್‌ನಲ್ಲಿಯೂ ಅಭಿನಯಿಸಿಲ್ಲ. ಹೀಗಾಗಿ ಅವರು 'ಕುಂಕುಮ ಭಾಗ್ಯ' ಧಾರಾವಾಹಿಯಲ್ಲಿ ನಟಿಸಲು ಒಪ್ಪಿದ್ದೇ ಆದರೆ ಬಹುದಿನಗಳ ನಂತರ ಬಣ್ಣ ಹಚ್ಚಿದಂತಾಗುತ್ತದೆ.