ಮುಗಿಯುತ್ತಿದೆ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ
'ಲಕ್ಷ್ಮೀ ಬಾರಮ್ಮ' ಧಾರಾವಾಹಿಯ ಕೊನೆಯ ಸಂಚಿಕೆಗಳು ಡಿಸೆಂಬರ್ 30ರಿಂದ ಜನವರಿ 4ರವರೆಗೆ ಪ್ರಸಾರವಾಗಲಿದೆಯಂತೆ. ನೇಹಾ ಗೌಡ, ಚಂದನ್, ಕವಿತಾ ಗೌಡ ಅವರಿಗೆ ದೊಡ್ಡ ಮಟ್ಟದ ಖ್ಯಾತಿಯನ್ನು ಈ ಧಾರಾವಾಹಿ ನೀಡಿತ್ತು. ಈ ಧಾರಾವಾಹಿಯನ್ನು ಒಂದು ದಿನವೂ ಮಿಸ್ ಮಾಡದೇ ನೋಡುವ ಎಷ್ಟೋ ಪ್ರೇಕ್ಷರಿದ್ದಾರೆ ಎಂಬುವುದನ್ನು ಮರೆಯುವಂತಿಲ್ಲ. ಧರಣಿ ಜಿ.ರಮೇಶ್ ಈ ಧಾರಾವಾಹಿ ನಿರ್ದೇಶಿಸಿದ್ದರು. ಸುರೇಶ್ ಗೌಡಮ ಯತೀಶ್ ಗೌಡ, ಪ್ರಕಾಶ್ ಈ ಧಾರಾವಾಹಿಗೆ ಹಣ ಹೂಡಿದ್ದರು. 4 ಮಾರ್ಚ್ 2013ರಿಂದ ಈ ಧಾರಾವಾಹಿ ಆರಂಭವಾಗಿತ್ತು.
2128 ಎಪಿಸೋಡ್‌ ಇಲ್ಲಿಯವರೆಗೆ ಪ್ರಸಾರವಾಗಿವೆ
ಇಲ್ಲಿಯವರೆಗೆ 2128 ಎಪಿಸೋಡ್‌ಗಳು ಪ್ರಸಾರವಾಗಿವೆ. ಒಡಿಯಾ ಭಾಷೆಗೆ ಈ ಧಾರಾವಾಹಿ ಡಬ್ ಆಗಿದೆ. ಕಲರ್ಸ್ ತಮಿಳು ಚಾನೆಲ್‌ನಲ್ಲೂ ಕೂಡ 'ವಂದಳ್ ಶ್ರೀದೇವಿ' ಎಂಬ ಶೀರ್ಷಿಕೆಯಡಿ ತಯಾರಾಗಿ ಪ್ರಸಾರವಾಗುತ್ತಿದೆ. ನಟಿ ನೇಹಾ ಅವರು ಕೆಲ ತಿಂಗಳುಗಳ ಹಿಂದೆಯಷ್ಟೇ ಮದುವೆಯಾಗಿದ್ದರು. ಅವರ ಗಂಡ ವಿದೇಶದಲ್ಲಿ ನೆಲೆಸಿರೋದರಿಂದ ನೇಹಾ ಕೂಡ ಈ ಧಾರಾವಾಹಿ ಬಿಡುತ್ತಾರೆ ಎಂಬ ಗಾಸಿಪ್ ಹರಡಿತ್ತು. ಆದರೆ ನೇಹಾ ಎಲ್ಲಿಗೂ ಹೋಗದೆ ಧಾರಾವಾಹಿ ಆರಂಭವಾದಾಗಿನಿಂದ ಧಾರಾವಾಹಿ ಮುಗಿಯುವವರೆಗೂ ಇರೋದು ನಿಜಕ್ಕೂ ಹೆಮ್ಮೆಯ ವಿಷಯ.
ಕವಿತಾಗೆ ಸಿನಿಮಾ ಅವಕಾಶ ಗಿಟ್ಟಿಸಿಕೊಟ್ಟ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ
ಕವಿತಾ ಗೌಡ ಈ ಧಾರಾವಾಹಿಯಲ್ಲಿ 'ಚಿನ್ನು' ಎಂಬ ಪಾತ್ರ ನಿಭಾಯಿಸಿದಮೇಲೆ ಅವರಿಗೆ ಸಾಕಷ್ಟು ಸಿನಿಮಾ ಆಫರ್‌ಗಳು ಬಂದವು. ಆದರೆ ಅವರು ಅಭಿನಯಿಸಿದ ಸಿನಿಮಾಗಳು ಯಾವುವು ಅಷ್ಟೊಂದು ಹಿಟ್ ನೀಡಲಿಲ್ಲ. 'ಗೊಂಬೆ' ಪಾತ್ರಧಾರಿ ನೇಹಾ ಗೌಡ ಅವರಿಗೆ ಸಾಕಷ್ಟು ಅಭಿಮಾನಿ ಬಳಗವಿದೆ. 6 ವರ್ಷಗಳ ಕಾಲ ವೀಕ್ಷಕರನ್ನು ರಂಜಿಸಿದ್ದ ಧಾರಾವಾಹಿ ಈಗ ಅಂತ್ಯಗೊಳ್ಳುತ್ತಿದೆ, ಆದರೆ ಇನ್ನೂ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.