ಅಂದು ನಡೆದ ಕಹಿ ಘಟನೆ ನೆನಪಿಸಿಕೊಂಡ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ನಟಿ ರಶ್ಮಿ ಪ್ರಭಾಕರ್!

ಈಗ ಕ್ಯಾಮರಾ ಮುಂದೆ ಬಂದು ಪ್ರಖ್ಯಾತಿ ಪಡೆದಿದ್ದ ರಶ್ಮಿ ಈ ಹಿಂದೆ ಫೋಟೋಗಳನ್ನು ತೆಗೆಸಿಕೊಳ್ಳಲು ಇಷ್ಟಪಡುತ್ತಿರಲಿಲ್ಲ. 'ಬಾಲ್ಯದಲ್ಲಿ ನನಗೆ ಇಂಜುರಿಯಾಗಿತ್ತು. ಇದರಿಂದ ಬಹುತೇಕ ನನ್ನ ಎಡಗಡೆ ಕಣ್ಣು ಹೋಗಿತ್ತು ಎನ್ನುವಂತಾಗಿತ್ತು. ಊರಹೊರಗಡೆಯಿರುವುದಕ್ಕೆ ಆಸ್ಪತ್ರೆಗೆ ಹೋಗೋದು ಬಹಳ ತಡವಾಗಿತ್ತು. ನನ್ನ ಕಣ್ಣು ಶೇ 90ರಷ್ಟು ಭಾಗ ದೃಷ್ಟಿಯನ್ನು ಕಳೆದುಕೊಂಡಿತ್ತು. ಈ ಗಾಯವಾದ ಮರುದಿನ ನಾವು ಆಸ್ಪತ್ರೆಗೆ ಹೋದೆವು. ನಾನು ಚಿಕ್ಕವಳಿದ್ದರಿಂದ ಏನೂ ಮಾಡಲಾಗದು ಎಂದು ವೈದ್ಯರು ಹೇಳಿದ್ದರು. ಸರ್ಜರಿ ಮಾಡುವ ಹಾಗೆ ಇರಲಿಲ್ಲ. ಹೀಗಾಗಿ ಚಿಕ್ಕ ಕಣ್ಣಿನ ಹುಡುಗಿ ನಾನು ಎಂದೇ ಗುರುತಿಸಲ್ಪಡುತ್ತಿದ್ದೆ. ಆಮೇಲೆ ನಿಧಾನವಾಗಿ ನಾನು ವಾಸ್ತವವನ್ನು ಅರ್ಥ ಮಾಡಿಕೊಳ್ಳುತ್ತ ಬಂದೆ' ಎಂದು ರಶ್ಮಿ ಪ್ರಭಾಕರ್ ಹೇಳಿದ್ದಾರೆ.

Also Read-ಧಾರಾವಾಹಿ ನಟನಿಗೆ ಕೊರೊನಾ ಪಾಸಿಟಿವ್! ರಶ್ಮಿ ಪ್ರಭಾಕರ್ ನಟಿಸುತ್ತಿದ್ದ ಸೀರಿಯಲ್ ಶೂಟಿಂಗ್‌ಗೆ ತಡೆ!

ರಶ್ಮಿ ಪ್ರಭಾಕರ್ ಅವರ ಇಂಜುರಿ ನಟನೆಗೂ ಬಿಸಿ ಮುಟ್ಟಿಸಿತ್ತು. 'ನಾನು ಸರ್ಜರಿ ಮಾಡಿಸಿಕೊಂಡಾಗ ಕಣ್ಣು ಸ್ವಲ್ಪ ಚೆನ್ನಾಗಿ ಕಾಣುತ್ತಿತ್ತು. ನಾನಂತೂ ಕಣ್ಣಿನ ವಿಚಾರದಲ್ಲಿ ತುಂಬ ಕಾನ್ಶಿಯಸ್ ಆಗಿರುತ್ತಿದ್ದೆ. ಇದಾದನಂತರದ ವೈದ್ಯರು ನನಗೆ ಕಾಸ್ಮೆಟಿಕ್ ಲೆನ್ಸ್ ನೀಡಿದರು. ಆದರೂ ಕೂಡ ನಾನು ಇದನ್ನು ಬಳಸೋದಿಲ್ಲ. ಈಗ ಜನರು ನಾನು ಹೇಗಿದ್ದೇನೆಯೋ ಹಾಗೆ ನನ್ನನ್ನು ಒಪ್ಪಿಕೊಂಡಿದ್ದಾರೆ, ಪ್ರೀತಿಸಿದ್ದಾರೆ. ಜನರು ನನ್ನಲ್ಲಿ ಭರವಸೆ ತುಂಬಿದ್ದಾರೆ. ಹೀಗಾಗಿ ನನ್ನ ಮೇಲೆ ನನಗೆ ನಂಬಿಕೆ ಬಂದಿದೆ. ಅವರು ನನ್ನ ನೋಡುವ ಪರಿಯಲ್ಲಿಯೇ ನಾನಿದ್ದೇನೆ. ಈಗ ಕಣ್ಣಿನ ಸಮಸ್ಯೆ ಗುಣಮುಖವಾಗಿ ಈಗ ಸಹಜ ಸ್ಥಿತಿಗೆ ಬರುತ್ತಿದೆ. ಇಲ್ಲಿಯವರೆಗಿನ ನನ್ನ ಪಯಣದಲ್ಲಿ ನಾನು ಇನ್ನಷ್ಟು ಈಗ ಭರವಸೆ ಹೊಂದಿದ್ದೇನೆ' ಎಂದು ರಶ್ಮಿ ಹೇಳಿದ್ದಾರೆ.

Also Read-ಆಡಿಶನ್ ಕೊಟ್ಟು ಕೊಟ್ಟು ಜೀವನದಲ್ಲಿ ಜಿಗುಪ್ಸೆ ಬಂದಿತ್ತು ನನಗೆ: ಲಕ್ಷ್ಮೀ ಬಾರಮ್ಮ ನಟಿ ರಶ್ಮಿ ಪ್ರಭಾಕರ್

ರಶ್ಮಿ ಪ್ರಭಾಕರ್ ಸೋಶಿಯಲ್ ಮೀಡಿಯಾದಲ್ಲಿ ಬಾಲ್ಯದ ಫೋಟೋ, ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ. ಪಿಯುಸಿವರೆಗಿನ ಫೋಟೋಗಳನ್ನು ರಶ್ಮಿ ಹಂಚಿಕೊಂಡಿದ್ದಾರೆ. 'ಹೋಮ್ ಕ್ವಾರೈಂಟೈನ್‌ನಲ್ಲಿದ್ದರಿಂದ ಮನೆಯಲ್ಲಿ ಏನೂ ಕೆಲಸ ಮಾಡಲು ಇರಲಿಲ್ಲ. ಹೀಗಾಗಿ ಸುಮ್ಮನೆ ಕಬೋರ್ಡ್ ಕ್ಲೀನ್ ಮಾಡುತ್ತಿರುವಾಗ ಈ ಫೋಟೋಗಳು ಕಣ್ಣಿಗೆ ಬಿತ್ತು. ಇವುಗಳನ್ನು ನೋಡಿದಾಗ ನಾನು ಭಾವುಕಳಾದೆ' ಎಂದು ರಶ್ಮಿ ಪ್ರಭಾಕರ್ ಹೇಳಿದ್ದಾರೆ. ಈ ಫೋಟೋಗಳನ್ನು ನೆಟ್ಟಿಗರು ಮೆಚ್ಚಿಕೊಂಡಿದ್ದಾರೆ. ಅಷ್ಟೇ ಅಲ್ಲದೆ ಅವರಿಗೆ ವಿವಿಧ ರೀತಿಯಲ್ಲಿ ಪಾಸಿಟಿವ್ ಆಗಿ ಕಾಮೆಂಟ್ ಮಾಡಿ ರಶ್ಮಿ ಪ್ರಭಾಕರ್‌ಗೆ ಬೆಂಬಲ ಸೂಚಿಸಿದ್ದಾರೆ. ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿರುವ ರಶ್ಮಿ, ಅನೇಕ ವಿಚಾರಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.

ರಶ್ಮಿ ಪ್ರಭಾಕರ್ ಅವರ ನಟನೆ ಪಯಣ ಕೂಡ ತುಂಬ ಸುಲಭವಿರಲಿಲ್ಲ. ಕಾಮಿಡಿ ರಿಯಾಲಿಟಿ ಶೋಗಳಿಗೂ ಕೂಡ ಅವರು ಆಡಿಶನ್ ನೀಡಿದ್ದರು. ಆಡಿಶನ್ ನೀಡಿ ಪದೇ ಪದೇ ರಿಜೆಕ್ಟ್ ಆಗುತ್ತಿದ್ದ ರಶ್ಮಿಗೆ ಜೀವನದ ಮೇಲೆ ಒಂದು ಕಾಲದಲ್ಲಿ ತುಂಬ ಜಿಗುಪ್ಸೆ ಬಂದಿತ್ತಂತೆ. ಒಂದು ಧಾರಾವಾಹಿಯಲ್ಲಿ ಈಗಾಗಲೇ ಪಾತ್ರಕ್ಕೆ ಒಂದು ವ್ಯಕ್ತಿ ಜೀವ ತುಂಬಿದ್ದು, ಮತ್ತೆ ಆ ಪಾತ್ರವನ್ನು ರಿಪ್ಲೇಸ್ ಮಾಡೋದು ಬಹಳ ಕಷ್ಟ. ಹೀಗಾಗಿ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ರಶ್ಮಿ ಪ್ರಭಾಕರ್ ಪಾಲಿಗೆ ಸವಾಲಾಗಿದ್ದರೂ ಕೂಡ ಆಮೇಲೆ ಜನರು ಒಪ್ಪಿ, ಇಷ್ಟಪಡುವಷ್ಟರ ಮಟ್ಟಿಗೆ ರಶ್ಮಿ ನಟಿಸಿದ್ದರು. ಪ್ರಸ್ತುತ ಅವರು ತೆಲುಗಿನ 'ಪೌರ್ಣಮಿ' ಧಾರಾವಾಹಿಯಲ್ಲಿ ನಟಿಸುತ್ತಿದ್ದು, ಶೀಘ್ರದಲ್ಲಿಯೇ ಕನ್ನಡದಲ್ಲಿನ ಪ್ರಾಜೆಕ್ಟ್ ಬಗ್ಗೆ ಕೂಡ ಹೇಳಲಿದ್ದಾರಂತೆ.