ಪ್ರೇಯಸಿ ಪರಿಚಯ ಮಾಡಿಕೊಟ್ಟ 'ಮಹಾಭಾರತ' ಧಾರಾವಾಹಿ ಅರ್ಜುನ ಪಾತ್ರಧಾರಿ ಶಾಹೀರ್ ಶೇಖ್!

'ಮಹಾಭಾರತ' ಧಾರಾವಾಹಿಯಲ್ಲಿ ಅರ್ಜುನ ಪಾತ್ರ ನಿಭಾಯಿಸಿ ಎಲ್ಲರ ಮನಸ್ಸು ಗೆದ್ದಿದ್ದ ನಟ ಶಾಹೀರ್ ಶೇಖ್ ಅವರ ವೈಯಕ್ತಿಕ ಬದುಕಿನ ಬಗ್ಗೆ ಕೆಲವರಿಗೆ ತಿಳಿದುಕೊಳ್ಳುವ ಆಸಕ್ತಿ ಇರಬಹುದು. ಇನ್ನು ಕೆಲ ನಟಿಯರ ಜೊತೆ ಶಾಹೀರ್ ಶೇಖ್ ಅವರ ಹೆಸರು ಕೇಳಿಬಂದಿತ್ತು. ಈಗ ಅವರೇ ಸೋಶಿಯಲ್ ಮೀಡಿಯಾದಲ್ಲಿ ಅವರ ಪ್ರಿಯತಮೆಯನ್ನು ಪರಿಚಯಿಸಿದ್ದಾರೆ. ಯಾರದು?

ಶಾಹೀರ್ ಶೇಖ್ ಪ್ರೇಯಸಿ ಯಾರು?
ಪ್ರಖ್ಯಾತ ನಿರ್ಮಾಪಕಿ ಏಕ್ತಾ ಕಪೂರ್ ಅವರ ಗೆಳತಿ ರುಚಿಕಾ ಕಪೂರ್ ಅವರನ್ನು ನನ್ನ ಹುಡುಗಿ ಎಂದು ಶಾಹೀರ್ ಶೇಖ್ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ. ಏಕ್ತಾ ಕಪೂರ್ ಪ್ರೊಡಕ್ಷನ್ ಹೌಸ್‌ನಲ್ಲಿ ರುಚಿಕಾ ಕಪೂರ್ ಕ್ರಿಯೇಟಿವ್ ಪ್ರೊಡ್ಯುಸರ್, ಎಕ್ಸಿಕ್ಯೂಟಿವ್ ವಾಯ್ಸ್ ಪ್ರೆಸಿಡೆಂಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಇನ್ನು ಏಕ್ತಾ ಕಪೂರ್ ಅವರ ಬಹುಮುಖ್ಯವಾದ ಶೋಗಳಲ್ಲಿ ರುಚಿಕಾ ಕೆಲಸ ಮಾಡಿದ್ದರು. ಇನ್ನು ಅನೇಕ ಸಿನಿಮಾ ಹಾಗೂ ಪಾರ್ಟಿಗಳಲ್ಲಿ ಶಾಹೀರ್ ಮತ್ತು ರುಚಿಕಾ ಒಟ್ಟಾಗಿ ಭಾಗವಹಿಸಿದ್ದು, ಆಗ ತೆಗೆದಿರುವ ಫೋಟೋಗಳು ಈಗ ವೈರಲ್ ಆಗುತ್ತಿವೆ.

ಆಯು ಜೊತೆ ಶಾಹೀರ್ ಬ್ರೇಕಪ್
ಇಂಡೋನೇಶ್ಯಾದಲ್ಲಿ ನಡೆದ ಒಂದು ಸಮಾರಂಭದಲ್ಲಿ ಶಾಹೀರ್ ಶೇಖ್ ಅವರ ಮಾಜಿ ಗೆಳತಿ ಆಯು ಟಿಂಗ್ ಟಿಂಗ್ ಜೊತೆಗೆ ಒಂದೇ ವೇದಿಕೆಯಲ್ಲಿಯೇ ರೊಮ್ಯಾಂಟಿಕ್ ಹಾಡಿಗೆ ಡಾನ್ಸ್ ಮಾಡಿದ್ದರು. ಇದಾದ ನಂತರದಲ್ಲಿ ಆಯುಗೆ ಶಾಹೀರ್ ಎಲ್ಲರ ಮುಂದೆ 'ನಾವಿಬ್ಬರೂ ಮಾತನಾಡಿ, ನೋಡಿ ಬಹಳ ಸಮಯ ಆಗೋಯ್ತು. ನಾನು ಗೊತ್ತೋ ಗೊತ್ತಿಲ್ಲದೆ ನಿನ್ನ ಮನಸ್ಸಿಗೆ ಬೇಸರ ಮಾಡಿದ್ದರೆ ಕ್ಷಮಿಸು. ನಿನ್ನನ್ನು ನೋಯಿಸುವ ಉದ್ದೇಶ ನನ್ನದಲ್ಲ' ಎಂದು ಹೇಳಿ ಕ್ಷಮೆಯಾಚನೆ ಮಾಡಿದ್ದು ಸಾಕಷ್ಟು ಸುದ್ದಿಯಾಗಿತ್ತು. ಇನ್ನು ಅಧಿಕೃತವಾಗಿ ಆಯು ಜೊತೆ ಶಾಹೀರ್ ಬ್ರೇಕಪ್ ಮಾಡಿಕೊಂಡಿದ್ದರ ಬಗ್ಗೆ ಹೇಳಿಕೊಂಡಿದ್ದರು.

Also Read-'ಮಹಾಭಾರತ' ಧಾರಾವಾಹಿಯಲ್ಲಿ ಅರ್ಜುನನ ಪಾತ್ರ ಮಾಡಿ ಮನುಷ್ಯನಾಗಿಬಿಟ್ಟೆ: ಶಾಹೀರ್ ಶೇಖ್!

ಎರಿಕಾ ಜೊತೆ ಶಾಹೀರ್ ಹೆಸರು ಥಳುಕು
'ಕುಚ್ ರಂಗ್ ಪ್ಯಾರ್ ಕೆ ಏಸೇ ಬಿ' ಧಾರಾವಾಹಿಯ ನಟಿ ಎರಿಕಾ ಫರ್ನಾಂಡೀಸ್ ಜೊತೆಗೆ ಶಾಹೀರ್ ಡೇಟಿಂಗ್ ಮಾಡುತ್ತಿದ್ದರು ಎಂದು ಸುದ್ದಿಯಾಗಿತ್ತು. ಆಗ 'ನಮ್ಮಿಬ್ಬರ ನಡುವೆ ಶಾಹೀರ್ ಏನೂ ಇಲ್ಲ. ನಾವಿಬ್ಬರೂ ಒಳ್ಳೆಯ ಫ್ರೆಂಡ್ಸ್‌. ಜನರು ಈ ರೀತಿ ತಪ್ಪು ತಿಳಿದುಕೊಳ್ಳಬೇಡಿ' ಎಂದು ಹೇಳಿದ್ದರು. ಇನ್ನು ಶಾಹೀರ್ ಮನೆಯಲ್ಲಿ ಅವರಿಗೆ ಹುಡುಗಿ ನೋಡುವ ಶಾಸ್ತ್ರ ನಡೆಯುತ್ತಿದೆ ಎಂದು ಕೂಡ ಹೇಳಿದ್ದರು.

ALso Read-'ಮಹಾಭಾರತ' ಧಾರಾವಾಹಿ ವೀಕ್ಷಕರಿಗೊಂದು ಬೇಸರದ ಸುದ್ದಿ: ಏನದು?